| Library / Tipiṭaka / តិបិដក • Tipiṭaka / ចូឡនិទ្ទេសបាឡិ • Cūḷaniddesapāḷi |
១២. ភទ្រាវុធមាណវបុច្ឆា
12. Bhadrāvudhamāṇavapucchā
១២៦.
126.
‘‘ឱកញ្ជហំ តណ្ហច្ឆិទំ អនេជំ, [ឥច្ចាយស្មា ភទ្រាវុធោ]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
នន្ទិញ្ជហំ ឱឃតិណ្ណំ វិមុត្តំ;
Nandiñjahaṃ oghatiṇṇaṃ vimuttaṃ;
កប្បញ្ជហំ អភិយាចេ សុមេធំ, សុត្វាន នាគស្ស អបនមិស្សន្តិ ឥតោ។
Kappañjahaṃ abhiyāce sumedhaṃ, sutvāna nāgassa apanamissanti ito.
១២៧.
127.
‘‘នានាជនា ជនបទេហិ សង្គតា,
‘‘Nānājanā janapadehi saṅgatā,
តវ វីរ វាក្យំ អភិកង្ខមានា;
Tava vīra vākyaṃ abhikaṅkhamānā;
តេសំ តុវំ សាធុ វិយាករោហិ, តថា ហិ តេ វិទិតោ ឯស ធម្មោ’’។
Tesaṃ tuvaṃ sādhu viyākarohi, tathā hi te vidito esa dhammo’’.
១២៨.
128.
‘‘អាទានតណ្ហំ វិនយេថ សព្ពំ, [ភទ្រាវុធាតិ ភគវា]
‘‘Ādānataṇhaṃ vinayetha sabbaṃ, [bhadrāvudhāti bhagavā]
ឧទ្ធំ អធោ តិរិយញ្ចាបិ មជ្ឈេ;
Uddhaṃ adho tiriyañcāpi majjhe;
យំ យញ្ហិ លោកស្មិមុបាទិយន្តិ, តេនេវ មារោ អន្វេតិ ជន្តុំ។
Yaṃ yañhi lokasmimupādiyanti, teneva māro anveti jantuṃ.
១២៩.
129.
‘‘តស្មា បជានំ ន ឧបាទិយេថ, ភិក្ខុ សតោ កិញ្ចនំ សព្ពលោកេ;
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
អាទានសត្តេ ឥតិ បេក្ខមានោ, បជំ ឥមំ មច្ចុធេយ្យេ វិសត្ត’’ន្តិ។
Ādānasatte iti pekkhamāno, pajaṃ imaṃ maccudheyye visatta’’nti.
ភទ្រាវុធមាណវបុច្ឆា ទ្វាទសមា។
Bhadrāvudhamāṇavapucchā dvādasamā.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចូឡនិទ្ទេស-អដ្ឋកថា • Cūḷaniddesa-aṭṭhakathā / ១២. ភទ្រាវុធមាណវសុត្តនិទ្ទេសវណ្ណនា • 12. Bhadrāvudhamāṇavasuttaniddesavaṇṇanā
