| Library / Tipiṭaka / তিপিটক • Tipiṭaka / চূল়নিদ্দেসপাল়ি • Cūḷaniddesapāḷi |
১২. ভদ্রাৰুধমাণৰপুচ্ছা
12. Bhadrāvudhamāṇavapucchā
১২৬.
126.
‘‘ওকঞ্জহং তণ্হচ্ছিদং অনেজং, [ইচ্চাযস্মা ভদ্রাৰুধো]
‘‘Okañjahaṃ taṇhacchidaṃ anejaṃ, [iccāyasmā bhadrāvudho]
নন্দিঞ্জহং ওঘতিণ্ণং ৰিমুত্তং।
Nandiñjahaṃ oghatiṇṇaṃ vimuttaṃ;
কপ্পঞ্জহং অভিযাচে সুমেধং, সুত্ৰান নাগস্স অপনমিস্সন্তি ইতো॥
Kappañjahaṃ abhiyāce sumedhaṃ, sutvāna nāgassa apanamissanti ito.
১২৭.
127.
‘‘নানাজনা জনপদেহি সঙ্গতা,
‘‘Nānājanā janapadehi saṅgatā,
তৰ ৰীর ৰাক্যং অভিকঙ্খমানা।
Tava vīra vākyaṃ abhikaṅkhamānā;
তেসং তুৰং সাধু ৰিযাকরোহি, তথা হি তে ৰিদিতো এস ধম্মো’’॥
Tesaṃ tuvaṃ sādhu viyākarohi, tathā hi te vidito esa dhammo’’.
১২৮.
128.
‘‘আদানতণ্হং ৰিনযেথ সব্বং, [ভদ্রাৰুধাতি ভগৰা]
‘‘Ādānataṇhaṃ vinayetha sabbaṃ, [bhadrāvudhāti bhagavā]
উদ্ধং অধো তিরিযঞ্চাপি মজ্ঝে।
Uddhaṃ adho tiriyañcāpi majjhe;
যং যঞ্হি লোকস্মিমুপাদিযন্তি, তেনেৰ মারো অন্ৰেতি জন্তুং॥
Yaṃ yañhi lokasmimupādiyanti, teneva māro anveti jantuṃ.
১২৯.
129.
‘‘তস্মা পজানং ন উপাদিযেথ, ভিক্খু সতো কিঞ্চনং সব্বলোকে।
‘‘Tasmā pajānaṃ na upādiyetha, bhikkhu sato kiñcanaṃ sabbaloke;
আদানসত্তে ইতি পেক্খমানো, পজং ইমং মচ্চুধেয্যে ৰিসত্ত’’ন্তি॥
Ādānasatte iti pekkhamāno, pajaṃ imaṃ maccudheyye visatta’’nti.
ভদ্রাৰুধমাণৰপুচ্ছা দ্ৰাদসমা।
Bhadrāvudhamāṇavapucchā dvādasamā.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / চূল়নিদ্দেস-অট্ঠকথা • Cūḷaniddesa-aṭṭhakathā / ১২. ভদ্রাৰুধমাণৰসুত্তনিদ্দেসৰণ্ণনা • 12. Bhadrāvudhamāṇavasuttaniddesavaṇṇanā
