| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. អន្នសំសាវកត្ថេរអបទានំ
5. Annasaṃsāvakattheraapadānaṃ
១៥៥.
155.
‘‘សុវណ្ណវណ្ណំ សម្ពុទ្ធំ, គច្ឆន្តំ អន្តរាបណេ;
‘‘Suvaṇṇavaṇṇaṃ sambuddhaṃ, gacchantaṃ antarāpaṇe;
កញ្ចនគ្ឃិយសំកាសំ, ពាត្តិំសវរលក្ខណំ។
Kañcanagghiyasaṃkāsaṃ, bāttiṃsavaralakkhaṇaṃ.
១៥៦.
156.
‘‘សិទ្ធត្ថំ លោកបជ្ជោតំ, អប្បមេយ្យំ អនោបមំ;
‘‘Siddhatthaṃ lokapajjotaṃ, appameyyaṃ anopamaṃ;
អលត្ថំ បរមំ បីតិំ, ទិស្វា ទន្តំ ជុតិន្ធរំ។
Alatthaṃ paramaṃ pītiṃ, disvā dantaṃ jutindharaṃ.
១៥៧.
157.
‘‘សម្ពុទ្ធំ អភិនាមេត្វា, ភោជយិំ តំ មហាមុនិំ;
‘‘Sambuddhaṃ abhināmetvā, bhojayiṃ taṃ mahāmuniṃ;
១៥៨.
158.
‘‘តស្មិំ មហាការុណិកេ, បរមស្សាសការកេ;
‘‘Tasmiṃ mahākāruṇike, paramassāsakārake;
ពុទ្ធេ ចិត្តំ បសាទេត្វា, កប្បំ សគ្គម្ហិ មោទហំ។
Buddhe cittaṃ pasādetvā, kappaṃ saggamhi modahaṃ.
១៥៩.
159.
‘‘ចតុន្នវុតិតោ កប្បេ, យំ ទានមទទិំ តទា;
‘‘Catunnavutito kappe, yaṃ dānamadadiṃ tadā;
ទុគ្គតិំ នាភិជានាមិ, ភិក្ខាទានស្សិទំ ផលំ។
Duggatiṃ nābhijānāmi, bhikkhādānassidaṃ phalaṃ.
១៦០.
160.
‘‘បដិសម្ភិទា ចតស្សោ, វិមោក្ខាបិ ច អដ្ឋិមេ;
‘‘Paṭisambhidā catasso, vimokkhāpi ca aṭṭhime;
ឆឡភិញ្ញា សច្ឆិកតា, កតំ ពុទ្ធស្ស សាសនំ’’។
Chaḷabhiññā sacchikatā, kataṃ buddhassa sāsanaṃ’’.
ឥត្ថំ សុទំ អាយស្មា អន្នសំសាវកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā annasaṃsāvako thero imā gāthāyo abhāsitthāti.
អន្នសំសាវកត្ថេរស្សាបទានំ បញ្ចមំ។
Annasaṃsāvakattherassāpadānaṃ pañcamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៥. អន្នសំសាវកត្ថេរអបទានវណ្ណនា • 5. Annasaṃsāvakattheraapadānavaṇṇanā
