| Library / Tipiṭaka / តិបិដក • Tipiṭaka / មជ្ឈិមនិកាយ (ដីកា) • Majjhimanikāya (ṭīkā) |
២. អានន្ទភទ្ទេករត្តសុត្តវណ្ណនា
2. Ānandabhaddekarattasuttavaṇṇanā
២៧៦. ពហិទ្ធា បុថុត្តារម្មណតោ និវត្តេត្វា ឯកស្មិំយេវ អារម្មណេ ចិត្តស្ស សម្មទេវ លយនំ អប្បនំ បដិសល្លានំ, យោ កោចិ សមាបត្តិវិហារោ, ឥធ បន អរិយវិហារោ អធិប្បេតោតិ អាហ – ‘‘បដិសល្លានា វុដ្ឋិតោ’’តិអាទិ។ ជានន្តោវ ភគវា កថាសមុដ្ឋាបនត្ថំ បុច្ឆិ។ វុត្តញ្ហេតំ – ‘‘ជានន្តាបិ តថាគតា បុច្ឆន្តិ, ជានន្តាបិ ន បុច្ឆន្តី’’តិអាទិ (បារា. ១៦)។
276. Bahiddhā puthuttārammaṇato nivattetvā ekasmiṃyeva ārammaṇe cittassa sammadeva layanaṃ appanaṃ paṭisallānaṃ, yo koci samāpattivihāro, idha pana ariyavihāro adhippetoti āha – ‘‘paṭisallānā vuṭṭhito’’tiādi. Jānantova bhagavā kathāsamuṭṭhāpanatthaṃ pucchi. Vuttañhetaṃ – ‘‘jānantāpi tathāgatā pucchanti, jānantāpi na pucchantī’’tiādi (pārā. 16).
២៧៨. សាធុការមទាសីតិ សាធុសទ្ទំ សាវេសិ។ តំ បន បសំសា ហោតីតិ បសំសត្ថោ សាធុសទ្ទោ។ តេនាហ ‘‘ទេសនំ បសំសន្តោ’’តិ។ វិជ្ជមានេហិ វណ្ណេហិ គុណវន្តេ ឧទគ្គតាករណំ សម្បហំសនំ, កេវលំ គុណសំកិត្តនវសេន ថោមនា បសំសាតិ អយមេតេសំ វិសេសោ។
278.Sādhukāramadāsīti sādhusaddaṃ sāvesi. Taṃ pana pasaṃsā hotīti pasaṃsattho sādhusaddo. Tenāha ‘‘desanaṃ pasaṃsanto’’ti. Vijjamānehi vaṇṇehi guṇavante udaggatākaraṇaṃ sampahaṃsanaṃ, kevalaṃ guṇasaṃkittanavasena thomanā pasaṃsāti ayametesaṃ viseso.
អានន្ទភទ្ទេករត្តសុត្តវណ្ណនាយ លីនត្ថប្បកាសនា សមត្តា។
Ānandabhaddekarattasuttavaṇṇanāya līnatthappakāsanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / មជ្ឈិមនិកាយ • Majjhimanikāya / ២. អានន្ទភទ្ទេករត្តសុត្តំ • 2. Ānandabhaddekarattasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / មជ្ឈិមនិកាយ (អដ្ឋកថា) • Majjhimanikāya (aṭṭhakathā) / ២. អានន្ទភទ្ទេករត្តសុត្តវណ្ណនា • 2. Ānandabhaddekarattasuttavaṇṇanā
