| Library / Tipiṭaka / តិបិដក • Tipiṭaka / ចូឡនិទ្ទេសបាឡិ • Cūḷaniddesapāḷi |
១. អជិតមាណវបុច្ឆា
1. Ajitamāṇavapucchā
៥៧.
57.
‘‘កេនស្សុ និវុតោ លោកោ, [ឥច្ចាយស្មា អជិតោ]
‘‘Kenassu nivuto loko, [iccāyasmā ajito]
កេនស្សុ នប្បកាសតិ;
Kenassu nappakāsati;
កិស្សាភិលេបនំ ព្រូសិ, កិំសុ តស្ស មហព្ភយំ’’។
Kissābhilepanaṃ brūsi, kiṃsu tassa mahabbhayaṃ’’.
៥៨.
58.
‘‘អវិជ្ជាយ និវុតោ លោកោ, [អជិតាតិ ភគវា]
‘‘Avijjāya nivuto loko, [ajitāti bhagavā]
វេវិច្ឆា បមាទា នប្បកាសតិ;
Vevicchā pamādā nappakāsati;
ជប្បាភិលេបនំ ព្រូមិ, ទុក្ខមស្ស មហព្ភយំ’’។
Jappābhilepanaṃ brūmi, dukkhamassa mahabbhayaṃ’’.
៥៩.
59.
‘‘សវន្តិ សព្ពធិ សោតា, [ឥច្ចាយស្មា អជិតោ]
‘‘Savanti sabbadhi sotā, [iccāyasmā ajito]
សោតានំ កិំ និវារណំ;
Sotānaṃ kiṃ nivāraṇaṃ;
សោតានំ សំវរំ ព្រូហិ, កេន សោតា បិធិយ្យរេ’’។
Sotānaṃ saṃvaraṃ brūhi, kena sotā pidhiyyare’’.
៦០.
60.
‘‘យានិ សោតានិ លោកស្មិំ, [អជិតាតិ ភគវា]
‘‘Yāni sotāni lokasmiṃ, [ajitāti bhagavā]
សតិ តេសំ និវារណំ;
Sati tesaṃ nivāraṇaṃ;
សោតានំ សំវរំ ព្រូមិ, បញ្ញាយេតេ បិធិយ្យរេ’’។
Sotānaṃ saṃvaraṃ brūmi, paññāyete pidhiyyare’’.
៦១.
61.
នាមរូបញ្ច មារិស;
Nāmarūpañca mārisa;
ឯតំ មេ បុដ្ឋោ បព្រូហិ, កត្ថេតំ ឧបរុជ្ឈតិ’’។
Etaṃ me puṭṭho pabrūhi, katthetaṃ uparujjhati’’.
៦២.
62.
‘‘យមេតំ បញ្ហំ អបុច្ឆិ, អជិត តំ វទាមិ តេ;
‘‘Yametaṃ pañhaṃ apucchi, ajita taṃ vadāmi te;
យត្ថ នាមញ្ច រូបញ្ច, អសេសំ ឧបរុជ្ឈតិ;
Yattha nāmañca rūpañca, asesaṃ uparujjhati;
វិញ្ញាណស្ស និរោធេន, ឯត្ថេតំ ឧបរុជ្ឈតិ’’។
Viññāṇassa nirodhena, etthetaṃ uparujjhati’’.
៦៣.
63.
តេសំ មេ និបកោ ឥរិយំ, បុដ្ឋោ បព្រូហិ មារិស’’។
Tesaṃ me nipako iriyaṃ, puṭṭho pabrūhi mārisa’’.
៦៤.
64.
‘‘កាមេសុ នាភិគិជ្ឈេយ្យ, មនសានាវិលោ សិយា;
‘‘Kāmesu nābhigijjheyya, manasānāvilo siyā;
កុសលោ សព្ពធម្មានំ, សតោ ភិក្ខុ បរិព្ពជេ’’តិ។
Kusalo sabbadhammānaṃ, sato bhikkhu paribbaje’’ti.
អជិតមាណវបុច្ឆា បឋមា។
Ajitamāṇavapucchā paṭhamā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចូឡនិទ្ទេស-អដ្ឋកថា • Cūḷaniddesa-aṭṭhakathā / ១. អជិតមាណវសុត្តនិទ្ទេសវណ្ណនា • 1. Ajitamāṇavasuttaniddesavaṇṇanā
