| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៦. អធិមុត្តត្ថេរអបទានវណ្ណនា
6. Adhimuttattheraapadānavaṇṇanā
និព្ពុតេ លោកនាថម្ហីតិអាទិកំ អាយស្មតោ អធិមុត្តត្ថេរស្ស អបទានំ (ថេរគា. អដ្ឋ. ២.អធិមុត្តត្ថេរគាថាវណ្ណនា)។ អយម្បិ បុរិមពុទ្ធេសុ កតាធិការោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ អត្ថទស្សិម្ហិ លោកនាថេ បរិនិព្ពុតេ ឯកស្មិំ កុលគេហេ និព្ពត្តោ រតនត្តយេ បសន្នោ ភិក្ខុសង្ឃំ និមន្តេត្វា ឧច្ឆូហិ មណ្ឌបំ ការេត្វា មហាទានំ បវត្តេត្វា បរិយោសានេ សន្តិបទំ បណិធេសិ។ សោ តតោ ចុតោ ទេវេសុ ច មនុស្សេសុ ច ឧភយសម្បត្តិយោ អនុភវិត្វា ឥមស្មិំ ពុទ្ធុប្បាទេ ឯកស្មិំ កុលគេហេ និព្ពត្តោ សាសនេ បសីទិត្វា សទ្ធាយ បតិដ្ឋិតត្តា អធិមុត្តត្ថេរោតិ បាកដោ។
Nibbute lokanāthamhītiādikaṃ āyasmato adhimuttattherassa apadānaṃ (theragā. aṭṭha. 2.adhimuttattheragāthāvaṇṇanā). Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto atthadassimhi lokanāthe parinibbute ekasmiṃ kulagehe nibbatto ratanattaye pasanno bhikkhusaṅghaṃ nimantetvā ucchūhi maṇḍapaṃ kāretvā mahādānaṃ pavattetvā pariyosāne santipadaṃ paṇidhesi. So tato cuto devesu ca manussesu ca ubhayasampattiyo anubhavitvā imasmiṃ buddhuppāde ekasmiṃ kulagehe nibbatto sāsane pasīditvā saddhāya patiṭṭhitattā adhimuttattheroti pākaṭo.
៨៤. ឯវំ កតសម្ភារវសេន អរហត្តំ បត្វា អត្តនោ បុព្ពកម្មំ សរិត្វា សោមនស្សជាតោ បុព្ពចរិតាបទានំ បកាសេន្តោ និព្ពុតេ លោកនាថម្ហីតិអាទិមាហ។ តំ សព្ពំ ឧត្តានត្ថមេវាតិ។
84. Evaṃ katasambhāravasena arahattaṃ patvā attano pubbakammaṃ saritvā somanassajāto pubbacaritāpadānaṃ pakāsento nibbute lokanāthamhītiādimāha. Taṃ sabbaṃ uttānatthamevāti.
អធិមុត្តត្ថេរអបទានវណ្ណនា សមត្តា។
Adhimuttattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៦. អធិមុត្តត្ថេរអបទានំ • 6. Adhimuttattheraapadānaṃ
