| Library / Tipiṭaka / ཏིཔིཊཀ • Tipiṭaka / པརིཝཱརཔཱལི༹ • Parivārapāḷi |
༣. ཝིཔཏྟིཝཱརོ
3. Vipattivāro
༢༤༡. ཨཝསྶུཏཱ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? ཨཝསྶུཏཱཡ བྷིཀྑུནིཡཱ ཨཝསྶུཏསྶ པུརིསཔུགྒལསྶ ཀཱཡསཾསགྒཾ སཱདིཡནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ དྭེ ཝིཔཏྟིཡོ བྷཛནྟི – སིཡཱ སཱིལཝིཔཏྟིཾ, སིཡཱ ཨཱཙཱརཝིཔཏྟིཾ…པེ॰…།
241. Avassutā bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ vipattīnaṃ kati vipattiyo bhajanti? Avassutāya bhikkhuniyā avassutassa purisapuggalassa kāyasaṃsaggaṃ sādiyantiyā āpattiyo catunnaṃ vipattīnaṃ dve vipattiyo bhajanti – siyā sīlavipattiṃ, siyā ācāravipattiṃ…pe….
དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཀཏི ཝིཔཏྟིཡོ བྷཛནྟི? དདྷིཾ ཝིཉྙཱཔེཏྭཱ བྷུཉྫནྟིཡཱ ཨཱཔཏྟིཡོ ཙཏུནྣཾ ཝིཔཏྟཱིནཾ ཨེཀཾ ཝིཔཏྟིཾ བྷཛནྟི – ཨཱཙཱརཝིཔཏྟིཾ།
Dadhiṃ viññāpetvā bhuñjantiyā āpattiyo catunnaṃ vipattīnaṃ kati vipattiyo bhajanti? Dadhiṃ viññāpetvā bhuñjantiyā āpattiyo catunnaṃ vipattīnaṃ ekaṃ vipattiṃ bhajanti – ācāravipattiṃ.
ཝིཔཏྟིཝཱརོ ནིཊྛིཏོ ཏཏིཡོ།
Vipattivāro niṭṭhito tatiyo.
