| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༩. ཝིཀཔྤནསིཀྑཱཔདཝཎྞནཱ
9. Vikappanasikkhāpadavaṇṇanā
སམྨུཁེན ཝིཀཔྤནཱ སམྨུཁཝིཀཔྤནཱ། པརམྨུཁེན ཝིཀཔྤནཱ པརམྨུཁཝིཀཔྤནཱ། སནྣིཧིཏཱསནྣིཧིཏབྷཱཝནྟི ཨཱསནྣདཱུརབྷཱཝཾ། ཨཱསནྣདཱུརབྷཱཝོ ཙ ཨདྷིཊྛཱནེ ཝུཏྟནཡེནེཝ ཝེདིཏབྦོ།
Sammukhena vikappanā sammukhavikappanā. Parammukhena vikappanā parammukhavikappanā. Sannihitāsannihitabhāvanti āsannadūrabhāvaṃ. Āsannadūrabhāvo ca adhiṭṭhāne vuttanayeneva veditabbo.
མིཏྟོཏི དལ༹ྷམིཏྟོ། སནྡིཊྛོཏི དིཊྛམཏྟོ ནཱཏིདལ༹ྷམིཏྟོ། ཨཀཏཔཙྩུདྡྷཱརནྟི ‘‘མཡ྄ཧཾ སནྟཀཾ པརིབྷུཉྫ ཝཱ ཝིསྶཛྫེཧི ཝཱ’’ཏིཨཱདིནཱ ཨཀཏཔཙྩུདྡྷཱརཾ། ཡེན ཝིནཡཀམྨཾ ཀཏནྟི ཡེན སདྡྷིཾ ཝིནཡཀམྨཾ ཀཏཾ།
Mittoti daḷhamitto. Sandiṭṭhoti diṭṭhamatto nātidaḷhamitto. Akatapaccuddhāranti ‘‘mayhaṃ santakaṃ paribhuñja vā vissajjehi vā’’tiādinā akatapaccuddhāraṃ. Yena vinayakammaṃ katanti yena saddhiṃ vinayakammaṃ kataṃ.
པརིབྷོགེན ཀཱཡཀམྨཾ, ཨཔཙྩུདྡྷཱརཱཔནེན ཝཙཱིཀམྨནྟི ཨཱཧ ‘‘སམུཊྛཱནཱདཱིནི པཋམཀཐིནསདིསཱནེཝཱ’’ཏི། ཀིརིཡཱཀིརིཡནྟི ཨེཏྠ པརིབྷུཉྫནཾ ཀིརིཡཾ། ཨཔཙྩུདྡྷཱརཱཔནཾ ཨཀིརིཡཾ།
Paribhogena kāyakammaṃ, apaccuddhārāpanena vacīkammanti āha ‘‘samuṭṭhānādīni paṭhamakathinasadisānevā’’ti. Kiriyākiriyanti ettha paribhuñjanaṃ kiriyaṃ. Apaccuddhārāpanaṃ akiriyaṃ.
ཝིཀཔྤནསིཀྑཱཔདཝཎྞནཱ ནིཊྛིཏཱ།
Vikappanasikkhāpadavaṇṇanā niṭṭhitā.
