| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៣. វិជ្ជាសុត្តំ
3. Vijjāsuttaṃ
៤០. វុត្តញ្ហេតំ ភគវតា, វុត្តមរហតាតិ មេ សុតំ –
40. Vuttañhetaṃ bhagavatā, vuttamarahatāti me sutaṃ –
‘‘អវិជ្ជា , ភិក្ខវេ, បុព្ពង្គមា អកុសលានំ ធម្មានំ សមាបត្តិយា អន្វទេវ អហិរិកំ អនោត្តប្បំ; វិជ្ជា ច ខោ, ភិក្ខវេ, បុព្ពង្គមា កុសលានំ ធម្មានំ សមាបត្តិយា អន្វទេវ ហិរោត្តប្ប’’ន្តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Avijjā , bhikkhave, pubbaṅgamā akusalānaṃ dhammānaṃ samāpattiyā anvadeva ahirikaṃ anottappaṃ; vijjā ca kho, bhikkhave, pubbaṅgamā kusalānaṃ dhammānaṃ samāpattiyā anvadeva hirottappa’’nti. Etamatthaṃ bhagavā avoca. Tatthetaṃ iti vuccati –
‘‘យា កាចិមា ទុគ្គតិយោ, អស្មិំ លោកេ បរម្ហិ ច;
‘‘Yā kācimā duggatiyo, asmiṃ loke paramhi ca;
អវិជ្ជាមូលិកា សព្ពា, ឥច្ឆាលោភសមុស្សយា។
Avijjāmūlikā sabbā, icchālobhasamussayā.
‘‘យតោ ច ហោតិ បាបិច្ឆោ, អហិរីកោ អនាទរោ;
‘‘Yato ca hoti pāpiccho, ahirīko anādaro;
តតោ បាបំ បសវតិ, អបាយំ តេន គច្ឆតិ។
Tato pāpaṃ pasavati, apāyaṃ tena gacchati.
‘‘តស្មា ឆន្ទញ្ច លោភញ្ច, អវិជ្ជញ្ច វិរាជយំ;
‘‘Tasmā chandañca lobhañca, avijjañca virājayaṃ;
វិជ្ជំ ឧប្បាទយំ ភិក្ខុ, សព្ពា ទុគ្គតិយោ ជហេ’’តិ។
Vijjaṃ uppādayaṃ bhikkhu, sabbā duggatiyo jahe’’ti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ តតិយំ។
Ayampi attho vutto bhagavatā, iti me sutanti. Tatiyaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៣. វិជ្ជាសុត្តវណ្ណនា • 3. Vijjāsuttavaṇṇanā
