| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༤. ཝིཙྪིཀངྒཔཉྷོ
4. Vicchikaṅgapañho
༤. ‘‘བྷནྟེ ནཱགསེན, ‘ཝིཙྪིཀསྶ ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི? ‘‘ཡཐཱ, མཧཱརཱཛ, ཝིཙྪིཀོ ནངྒུལཱཝུདྷོ ནངྒུལཾ ཨུསྶཱཔེཏྭཱ ཙརཏི, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན ཉཱཎཱཝུདྷེན བྷཝིཏབྦཾ, ཉཱཎཾ ཨུསྶཱཔེཏྭཱ ཝིཧརིཏབྦཾ ། ཨིདཾ, མཧཱརཱཛ, ཝིཙྪིཀསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, ཐེརེན ཨུཔསེནེན ཝངྒནྟཔུཏྟེན –
4. ‘‘Bhante nāgasena, ‘vicchikassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, vicchiko naṅgulāvudho naṅgulaṃ ussāpetvā carati, evameva kho, mahārāja, yoginā yogāvacarena ñāṇāvudhena bhavitabbaṃ, ñāṇaṃ ussāpetvā viharitabbaṃ . Idaṃ, mahārāja, vicchikassa ekaṃ aṅgaṃ gahetabbaṃ. Bhāsitampetaṃ, mahārāja, therena upasenena vaṅgantaputtena –
‘‘‘ཉཱཎཁགྒཾ གཧེཏྭཱན, ཝིཧརནྟོ ཝིཔསྶཀོ།
‘‘‘Ñāṇakhaggaṃ gahetvāna, viharanto vipassako;
པརིམུཙྩཏི སབྦབྷཡཱ, དུཔྤསཧོ ཙ སོ བྷཝེ’’’ཏི༎
Parimuccati sabbabhayā, duppasaho ca so bhave’’’ti.
ཝིཙྪིཀངྒཔཉྷོ ཙཏུཏྠོ།
Vicchikaṅgapañho catuttho.
