| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
108. вассаанз жааригаабадигкзбаад̣̇и
108. Vassāne cārikāpaṭikkhepādi
185. д̇зна ко бана самаязна чаб̣б̣аг̇г̇ияаа бхигкуу вассам̣ убаг̇анд̇ваа анд̇араавассам̣ жааригам̣ жаранд̇и. мануссаа д̇ат̇зва уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа хзманд̇амби г̇имхамби вассамби жааригам̣ жариссанд̇и, харид̇аани д̇ин̣аани саммад̣̇д̣̇анд̇аа, згинд̣̇рияам̣ ж̇ийвам̣ вихзтзнд̇аа, б̣ахуу куд̣̇д̣̇агз баан̣з сан̇гхаад̇ам̣ аабаад̣̇знд̇аа. имз хи наама ан̃н̃ад̇ид̇т̇ияаа д̣̇урагкаад̇ад̇хаммаа вассааваасам̣ аллийяиссанд̇и сан̇гасааяиссанд̇и. имз хи наама сагунд̇агаа ругкаг̇г̇зсу гулаавагаани гарид̇ваа вассааваасам̣ аллийяиссанд̇и сан̇гасааяиссанд̇и. имз бана саман̣аа сагяабуд̇д̇ияаа хзманд̇амби г̇имхамби вассамби жааригам̣ жаранд̇и, харид̇аани д̇ин̣аани саммад̣̇д̣̇анд̇аа, згинд̣̇рияам̣ ж̇ийвам̣ вихзтзнд̇аа, б̣ахуу куд̣̇д̣̇агз баан̣з сан̇гхаад̇ам̣ аабаад̣̇знд̇аа’’д̇и. ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу вассам̣ убаг̇анд̇ваа анд̇араавассам̣ жааригам̣ жариссанд̇ий’’д̇и? ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, вассам̣ убаг̇анд̇ваа буримам̣ ваа д̇змаасам̣ бажчимам̣ ваа д̇змаасам̣ авасид̇ваа жааригаа баггамид̇аб̣б̣аа. яо баггамзяяа, аабад̇д̇и д̣̇уггадассаа’’д̇и.
185. Tena kho pana samayena chabbaggiyā bhikkhū vassaṃ upagantvā antarāvassaṃ cārikaṃ caranti. Manussā tatheva ujjhāyanti khiyyanti vipācenti – ‘‘kathañhi nāma samaṇā sakyaputtiyā hemantampi gimhampi vassampi cārikaṃ carissanti, haritāni tiṇāni sammaddantā, ekindriyaṃ jīvaṃ viheṭhentā, bahū khuddake pāṇe saṅghātaṃ āpādentā. Ime hi nāma aññatitthiyā durakkhātadhammā vassāvāsaṃ allīyissanti saṅkasāyissanti. Ime hi nāma sakuntakā rukkhaggesu kulāvakāni karitvā vassāvāsaṃ allīyissanti saṅkasāyissanti. Ime pana samaṇā sakyaputtiyā hemantampi gimhampi vassampi cārikaṃ caranti, haritāni tiṇāni sammaddantā, ekindriyaṃ jīvaṃ viheṭhentā, bahū khuddake pāṇe saṅghātaṃ āpādentā’’ti. Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū vassaṃ upagantvā antarāvassaṃ cārikaṃ carissantī’’ti? Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘na, bhikkhave, vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā. Yo pakkameyya, āpatti dukkaṭassā’’ti.
186. д̇зна ко бана самаязна чаб̣б̣аг̇г̇ияаа бхигкуу на ижчанд̇и вассам̣ убаг̇анд̇ум̣. бхаг̇авад̇о зд̇амад̇т̇ам̣ аарожзсум̣. на, бхигкавз, вассам̣ на убаг̇анд̇аб̣б̣ам̣. яо на убаг̇ажчзяяа, аабад̇д̇и д̣̇уггадассаад̇и.
186. Tena kho pana samayena chabbaggiyā bhikkhū na icchanti vassaṃ upagantuṃ. Bhagavato etamatthaṃ ārocesuṃ. Na, bhikkhave, vassaṃ na upagantabbaṃ. Yo na upagaccheyya, āpatti dukkaṭassāti.
д̇зна ко бана самаязна чаб̣б̣аг̇г̇ияаа бхигкуу д̇ад̣̇аху вассуубанааяигааяа вассам̣ анубаг̇анд̇угаамаа сан̃жижжа ааваасам̣ ад̇иггаманд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, д̇ад̣̇аху вассуубанааяигааяа вассам̣ анубаг̇анд̇угаамзна сан̃жижжа ааваасо ад̇иггамид̇аб̣б̣о. яо ад̇иггамзяяа, аабад̇д̇и д̣̇уггадассаад̇и.
Tena kho pana samayena chabbaggiyā bhikkhū tadahu vassūpanāyikāya vassaṃ anupagantukāmā sañcicca āvāsaṃ atikkamanti. Bhagavato etamatthaṃ ārocesuṃ. Na, bhikkhave, tadahu vassūpanāyikāya vassaṃ anupagantukāmena sañcicca āvāso atikkamitabbo. Yo atikkameyya, āpatti dukkaṭassāti.
д̇зна ко бана самаязна рааж̇аа мааг̇ад̇хо сзнияо б̣имб̣исааро вассам̣ уггад̣дхид̇угаамо
Tena kho pana samayena rājā māgadho seniyo bimbisāro vassaṃ ukkaḍḍhitukāmo
бхигкуунам̣ санд̇игз д̣̇ууд̇ам̣ баахзси – яад̣̇и банааяяаа ааг̇амз ж̇ун̣хз вассам̣ убаг̇ажчзяяунд̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, рааж̇уунам̣ анувад̇д̇ид̇унд̇и.
Bhikkhūnaṃ santike dūtaṃ pāhesi – yadi panāyyā āgame juṇhe vassaṃ upagaccheyyunti. Bhagavato etamatthaṃ ārocesuṃ. Anujānāmi, bhikkhave, rājūnaṃ anuvattitunti.
вассаанз жааригаабадигкзбаад̣̇и нидтид̇аа.
Vassāne cārikāpaṭikkhepādi niṭṭhitā.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / вассаанзжааригаабадигкзбаад̣̇игат̇аа • Vassānecārikāpaṭikkhepādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / вассаанз жааригаабадигкзбаад̣̇игат̇ааван̣н̣анаа • Vassāne cārikāpaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вассаанзжааригаабадигкзбаад̣̇игат̇ааван̣н̣анаа • Vassānecārikāpaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вассуубанааяигаануж̇аананагат̇аад̣̇иван̣н̣анаа • Vassūpanāyikaanujānanakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 108. вассаанзжааригаабадигкзбаад̣̇игат̇аа • 108. Vassānecārikāpaṭikkhepādikathā
