| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
44. убосат̇анид̣̇д̣̇зсаван̣н̣анаа
44. Uposathaniddesavaṇṇanā
411. суд̇д̇уд̣̇д̣̇зсо сан̇гхассзва. сзсаананд̇и д̣̇виннам̣ д̇ин̣н̣ам̣ ваа.
411.Suttuddeso saṅghasseva. Sesānanti dvinnaṃ tiṇṇaṃ vā.
412. буб̣б̣агаран̣з буб̣б̣агижжз, бад̇д̇агаллз самаанид̇зд̇и саб̣б̣абатамам̣ гад̇д̇аб̣б̣ам̣ буб̣б̣агаран̣ам̣. д̇ад̣̇ананд̇арам̣ гад̇д̇аб̣б̣ам̣ буб̣б̣агижжам̣ наама. зд̇т̇а –
412.Pubbakaraṇepubbakicce, pattakalle samāniteti sabbapaṭhamaṃ kattabbaṃ pubbakaraṇaṃ. Tadanantaraṃ kattabbaṃ pubbakiccaṃ nāma. Ettha –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
убосат̇асса зд̇аани, буб̣б̣агаран̣анд̇и вужжад̇и.
Uposathassa etāni, pubbakaraṇanti vuccati.
‘‘чанд̣̇абаарисуд̣̇д̇хиуд̇угкаанам̣, бхигкуг̇ан̣анаа жа оваад̣̇о;
‘‘Chandapārisuddhiutukkhānaṃ, bhikkhugaṇanā ca ovādo;
убосат̇асса зд̇аани, буб̣б̣агижжанд̇и вужжад̇ий’’д̇и –. (махаава. адта. 168);
Uposathassa etāni, pubbakiccanti vuccatī’’ti –. (mahāva. aṭṭha. 168);
звам̣ адтагат̇ааяам̣ вуд̇д̇анаязна буб̣б̣агаран̣ан̃жа буб̣б̣агижжан̃жа взд̣̇ид̇аб̣б̣ам̣.
Evaṃ aṭṭhakathāyaṃ vuttanayena pubbakaraṇañca pubbakiccañca veditabbaṃ.
‘‘убосат̇о яаавад̇игаа жа бхигкуу гаммаббад̇д̇аа,
‘‘Uposatho yāvatikā ca bhikkhū kammappattā,
сабхааг̇аабад̇д̇ияо жа на виж̇ж̇анд̇и;
Sabhāgāpattiyo ca na vijjanti;
важ̇ж̇анийяаа жа буг̇г̇алаа д̇асмим̣ на хонд̇и,
Vajjanīyā ca puggalā tasmiṃ na honti,
бад̇д̇агалланд̇и вужжад̇ий’’д̇и –. (махаава. адта. 168);
Pattakallanti vuccatī’’ti –. (mahāva. aṭṭha. 168);
вуд̇д̇авасзна бад̇д̇агаллз самаанид̇з, баж̇ж̇ид̇зд̇и ад̇т̇о. ‘‘бан̃жимз, бхигкавз, баад̇имогкуд̣̇д̣̇зсаа. нид̣̇аанам̣ уд̣̇д̣̇исид̇ваа авасзсам̣ суд̇зна саавзд̇аб̣б̣ам̣, аяам̣ батамо баад̇имогкуд̣̇д̣̇зсо. нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа авасзсам̣ суд̇зна саавзд̇аб̣б̣ам̣, аяам̣ д̣̇уд̇ияо баад̇имогкуд̣̇д̣̇зсо. нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа д̇зраса сан̇гхаад̣̇исзсз уд̣̇д̣̇исид̇ваа авасзсам̣ суд̇зна саавзд̇аб̣б̣ам̣, аяам̣ д̇ад̇ияо баад̇имогкуд̣̇д̣̇зсо. нид̣̇аанам̣ уд̣̇д̣̇исид̇ваа жад̇д̇аари баарааж̇игаани уд̣̇д̣̇исид̇ваа д̇зраса сан̇гхаад̣̇исзсз уд̣̇д̣̇исид̇ваа д̣̇вз анияад̇з уд̣̇д̣̇исид̇ваа авасзсам̣ суд̇зна саавзд̇аб̣б̣ам̣, аяам̣ жад̇уд̇т̇о баад̇имогкуд̣̇д̣̇зсо. вид̇т̇аарзнзва бан̃жамо. имз ко бхигкавз бан̃жа баад̇имогкуд̣̇д̣̇зсаа’’д̇и (махаава. 150) вуд̇д̇ад̇д̇аа со суд̇д̇уд̣̇д̣̇зсо бан̃жад̇хаа вибхаавид̇од̇и ад̇т̇о.
Vuttavasena pattakalle samānite, pajjiteti attho. ‘‘Pañcime, bhikkhave, pātimokkhuddesā. Nidānaṃ uddisitvā avasesaṃ sutena sāvetabbaṃ, ayaṃ paṭhamo pātimokkhuddeso. Nidānaṃ uddisitvā cattāri pārājikāni uddisitvā avasesaṃ sutena sāvetabbaṃ, ayaṃ dutiyo pātimokkhuddeso. Nidānaṃ uddisitvā cattāri pārājikāni uddisitvā terasa saṅghādisese uddisitvā avasesaṃ sutena sāvetabbaṃ, ayaṃ tatiyo pātimokkhuddeso. Nidānaṃ uddisitvā cattāri pārājikāni uddisitvā terasa saṅghādisese uddisitvā dve aniyate uddisitvā avasesaṃ sutena sāvetabbaṃ, ayaṃ catuttho pātimokkhuddeso. Vitthāreneva pañcamo. Ime kho bhikkhave pañca pātimokkhuddesā’’ti (mahāva. 150) vuttattā so suttuddeso pañcadhā vibhāvitoti attho.
413. винаанд̇арааяанд̇и (махаава. 150) рааж̇анд̇арааяаад̣̇ид̣̇асавид̇хам̣ анд̇арааяам̣ винаа сан̇кзбзнуд̣̇д̣̇зсо виниваарид̇о бадигкид̇д̇од̇и ад̇т̇о. т̇зроваад̇и сан̇гхад̇т̇зрова. зд̇т̇аад̇и бан̃жасу уд̣̇д̣̇зсзсу. ‘‘д̣̇вийсу ваа д̇ийсу ваа висад̣̇зсу т̇зрова иссаро’’д̇и адтагат̇ааяам̣ вуд̇д̇ад̇д̇аа авад̇д̇анд̇зби анд̇арааяз сам̣кид̇д̇зна уд̣̇д̣̇исид̇ум̣ ваддад̇ийд̇и ад̇хиббааяо. гад̇т̇а вуд̇д̇анд̇и жз? ‘‘яо д̇ад̇т̇а бхигку б̣яад̇д̇о бадиб̣ало, д̇ассаад̇хзяяа’’нд̇и (махаава. 155) вуд̇д̇абаал̣ияаа адтагат̇ааяам̣ ‘‘яо д̇ад̇т̇а бхигку б̣яад̇д̇о бадиб̣алод̇и зд̇т̇а гин̃жааби д̣̇ахарассааби б̣яад̇д̇асса баад̇имогко анун̃н̃аад̇о, ат̇а ко зд̇т̇а аяамад̇хиббааяо – сажз сан̇гхад̇т̇зрасса бан̃жа ваа жад̇д̇ааро ваа д̇аяо ваа баад̇имогкуд̣̇д̣̇зсаа нааг̇ажчанд̇и, д̣̇вз бана акан̣д̣аа сувисад̣̇аа ваажуг̇г̇ад̇аа хонд̇и, т̇зрааяад̇д̇ова баад̇имогко. сажз бана зд̇д̇агамби висад̣̇ам̣ гаад̇ум̣ на саггод̇и, б̣яад̇д̇асса бхигкуно ааяад̇д̇ова ход̇ий’’д̇и ад̇т̇о вуд̇д̇о. баал̣ияамби вуд̇д̇амзва ‘‘д̇зхи, бхигкавз, бхигкуухи зго бхигку сааманд̇аа ааваасаа саж̇ж̇угам̣ баахзд̇аб̣б̣о ‘г̇ажча, аавусо, сам̣кид̇д̇зна ваа вид̇т̇аарзна ваа баад̇имогкам̣ барияаабун̣ид̇ваа ааг̇ажчаа’’’д̇и (махаава. 163).
413.Vināntarāyanti (mahāva. 150) rājantarāyādidasavidhaṃ antarāyaṃ vinā saṅkhepenuddeso vinivārito paṭikkhittoti attho. Therovāti saṅghattherova. Etthāti pañcasu uddesesu. ‘‘Dvīsu vā tīsu vā visadesu therova issaro’’ti aṭṭhakathāyaṃ vuttattā avattantepi antarāye saṃkhittena uddisituṃ vaṭṭatīti adhippāyo. Kattha vuttanti ce? ‘‘Yo tattha bhikkhu byatto paṭibalo, tassādheyya’’nti (mahāva. 155) vuttapāḷiyā aṭṭhakathāyaṃ ‘‘yo tattha bhikkhu byatto paṭibaloti ettha kiñcāpi daharassāpi byattassa pātimokkho anuññāto, atha kho ettha ayamadhippāyo – sace saṅghattherassa pañca vā cattāro vā tayo vā pātimokkhuddesā nāgacchanti, dve pana akhaṇḍā suvisadā vācuggatā honti, therāyattova pātimokkho. Sace pana ettakampi visadaṃ kātuṃ na sakkoti, byattassa bhikkhuno āyattova hotī’’ti attho vutto. Pāḷiyampi vuttameva ‘‘tehi, bhikkhave, bhikkhūhi eko bhikkhu sāmantā āvāsā sajjukaṃ pāhetabbo ‘gaccha, āvuso, saṃkhittena vā vitthārena vā pātimokkhaṃ pariyāpuṇitvā āgacchā’’’ti (mahāva. 163).
414. уд̣̇д̣̇исанд̇з ваад̇и (махаава. 172) баад̇имогкз уд̣̇д̣̇исияамаанз самаа ваа т̇огад̇араа ваа яад̣̇и ааг̇ажчзяяум̣, уд̣̇д̣̇идтам̣ сууд̣̇д̣̇идтам̣, д̇зхи сад̣̇д̇хим̣ нисийд̣̇ид̇ваа авасзсагам̣ сод̇аб̣б̣анд̇и ад̇т̇о.
414.Uddisante vāti (mahāva. 172) pātimokkhe uddisiyamāne samā vā thokatarā vā yadi āgaccheyyuṃ, uddiṭṭhaṃ suuddiṭṭhaṃ, tehi saddhiṃ nisīditvā avasesakaṃ sotabbanti attho.
415. уд̣̇д̣̇идтамад̇д̇з (махаава. 172) ваа сагалааяа ваа згажжааяа ваа барисааяа вудтид̇ааяа самаа ваа т̇огад̇араа ваа яад̣̇и ааг̇ажчзяяунд̇и самб̣анд̇хо. баарисуд̣̇д̇хинд̇и баарисуд̣̇д̇хиубосат̇ам̣. гарзяязсанд̇и гарзяяа зсам̣, зд̇зсам̣ санд̇игзд̇и ад̇т̇о. б̣ахугаат̇а жзд̇и ат̇а б̣ахугаа жз, буна ааг̇ад̇аа б̣ахугаа жзд̇и ад̇т̇о ,. ‘‘уд̣̇д̣̇иссамаанз, уд̣̇д̣̇идтамад̇д̇з згажжааяа вудтид̇ааяа сагалааяа вудтид̇ааяаа’’д̇и (махаава. 172) ааг̇ад̇зсу саб̣б̣авигаббзсу буб̣б̣агижжам̣ гад̇ваа буна аад̣̇ид̇о бадтааяа баад̇имогкам̣ уд̣̇д̣̇исзд̇и ад̇т̇о.
415.Uddiṭṭhamatte (mahāva. 172) vā sakalāya vā ekaccāya vā parisāya vuṭṭhitāya samā vā thokatarā vā yadi āgaccheyyunti sambandho. Pārisuddhinti pārisuddhiuposathaṃ. Kareyyesanti kareyya esaṃ, etesaṃ santiketi attho. Bahukātha ceti atha bahukā ce, puna āgatā bahukā ceti attho ,. ‘‘Uddissamāne, uddiṭṭhamatte ekaccāya vuṭṭhitāya sakalāya vuṭṭhitāyā’’ti (mahāva. 172) āgatesu sabbavikappesu pubbakiccaṃ katvā puna ādito paṭṭhāya pātimokkhaṃ uddiseti attho.
416. ид̇араананд̇и ааг̇анд̇угаанам̣. сажзд̇арод̇и сажз жаад̇уд̣̇д̣̇асигод̇и ад̇т̇о. самаанзд̇арзнувад̇д̇анд̇ууд̇и самаа ваа уунаа ваа ид̇арз ааг̇анд̇угаа буримаанам̣ ааваасигаанам̣ анувад̇д̇анд̇ууд̇и ад̇т̇о. сажзд̇хигаад̇и ааг̇анд̇угаа сажз ад̇хигаа, буримаа ааваасигаа анувад̇д̇анд̇ууд̇и ад̇т̇о. сзсзбяаяам̣ наяод̇и ‘‘ааг̇анд̇угаанам̣ баннарасо ход̇и, ааваасигаанам̣ жаад̇уд̣̇д̣̇асо’’д̇и ид̇арзби самат̇огаа ааг̇анд̇угаа ааваасигаанам̣ анувад̇д̇анд̇ууд̇иаад̣̇инаа наязна винижчаяо взд̣̇ид̇аб̣б̣од̇и ад̇т̇о.
416.Itarānanti āgantukānaṃ. Sacetaroti sace cātuddasikoti attho. Samānetarenuvattantūti samā vā ūnā vā itare āgantukā purimānaṃ āvāsikānaṃ anuvattantūti attho. Sacedhikāti āgantukā sace adhikā, purimā āvāsikā anuvattantūti attho. Sesepyayaṃ nayoti ‘‘āgantukānaṃ pannaraso hoti, āvāsikānaṃ cātuddaso’’ti itarepi samathokā āgantukā āvāsikānaṃ anuvattantūtiādinā nayena vinicchayo veditabboti attho.
417. мууладтаад̇и ааваасигаа. самат̇огаанам̣ ааг̇анд̇угаанам̣. саамаг̇г̇им̣ д̣̇знд̇у гаамад̇од̇и яад̣̇и ижчанд̇и, д̣̇знд̇ууд̇и ад̇т̇о.
417.Mūlaṭṭhāti āvāsikā. Samathokānaṃ āgantukānaṃ. Sāmaggiṃ dentu kāmatoti yadi icchanti, dentūti attho.
418. но жз д̣̇знд̇и, ааг̇анд̇угзхи б̣ахи г̇анд̇ваана убосат̇о гаад̇аб̣б̣од̇и ад̇т̇о. анижчааяа саамаг̇г̇ий д̣̇зяяаад̇и самб̣анд̇хо.
418. No ce denti, āgantukehi bahi gantvāna uposatho kātabboti attho. Anicchāya sāmaggī deyyāti sambandho.
419. ‘‘на бхигкавз баад̇имогкуд̣̇д̣̇зсагзна сан̃жижжа на саавзд̇аб̣б̣ам̣. яо на саавзяяа, аабад̇д̇и д̣̇уггадассаа’’д̇ивуд̇д̇ад̇д̇аа (махаава. 154) ‘‘саавзяяа суд̇д̇а’’нд̇и вуд̇д̇ам̣. ‘‘ануж̇аанаами, бхигкавз, баад̇имогкуд̣̇д̣̇зсагзна вааяамид̇ум̣ гат̇ам̣ саавзяяанд̇и, вааяаманд̇асса анаабад̇д̇ий’’д̇и (махаава. 154) вуд̇д̇ад̇д̇аа ‘‘сан̃жижжа ассаавзнд̇асса д̣̇уггада’’нд̇и вуд̇д̇ам̣.
419. ‘‘Na bhikkhave pātimokkhuddesakena sañcicca na sāvetabbaṃ. Yo na sāveyya, āpatti dukkaṭassā’’tivuttattā (mahāva. 154) ‘‘sāveyya sutta’’nti vuttaṃ. ‘‘Anujānāmi, bhikkhave, pātimokkhuddesakena vāyamituṃ kathaṃ sāveyyanti, vāyamantassa anāpattī’’ti (mahāva. 154) vuttattā ‘‘sañcicca assāventassa dukkaṭa’’nti vuttaṃ.
420. д̇ат̇аад̇и д̣̇уггаданд̇и ад̇т̇о. галлод̇и аг̇илаано. бзсид̇од̇и аан̣ад̇д̇о. ‘‘на бхигкавз т̇зрзна аан̣ад̇д̇зна аг̇илаанзна на саммаж̇ж̇ид̇аб̣б̣ам̣. яо на саммаж̇ж̇зяяа, аабад̇д̇и д̣̇уггадассаа’’д̇иаад̣̇и (махаава. 159) вуд̇д̇ам̣.
420.Tathāti dukkaṭanti attho. Kalloti agilāno. Pesitoti āṇatto. ‘‘Na bhikkhave therena āṇattena agilānena na sammajjitabbaṃ. Yo na sammajjeyya, āpatti dukkaṭassā’’tiādi (mahāva. 159) vuttaṃ.
421-3. ид̣̇аани баарисуд̣̇д̇хиубосат̇ам̣ д̣̇ассзд̇ум̣ ‘‘саммаж̇ж̇ид̇ваа’’д̇иаад̣̇и вуд̇д̇ам̣. ан̃ж̇алим̣ (махаава. 168) баг̇г̇аяхаад̇и самб̣анд̇хо. д̇зд̇и авасзсаа д̣̇вз звам̣ самуд̣̇ийрияаа вад̇д̇аб̣б̣аад̇и ад̇т̇о. згам̣сам̣ уд̇д̇араасан̇г̇аад̣̇игаран̣авасзна самад̇д̇абуб̣б̣аарамбхзна д̇з д̣̇вз бхигкуу навзна звамийрияаа вад̇д̇аб̣б̣аад̇и ад̇т̇о.
421-3. Idāni pārisuddhiuposathaṃ dassetuṃ ‘‘sammajjitvā’’tiādi vuttaṃ. Añjaliṃ (mahāva. 168) paggayhāti sambandho. Teti avasesā dve evaṃ samudīriyā vattabbāti attho. Ekaṃsaṃ uttarāsaṅgādikaraṇavasena samattapubbārambhena te dve bhikkhū navena evamīriyā vattabbāti attho.
424-5. ид̣̇аани д̣̇вийхи гад̇д̇аб̣б̣ам̣ д̣̇ассзд̇ум̣ ‘‘д̣̇вийсу т̇зрзнаа’’д̇и вуд̇д̇ам̣.
424-5. Idāni dvīhi kattabbaṃ dassetuṃ ‘‘dvīsu therenā’’ti vuttaṃ.
426. зд̇д̇аавад̇аа ‘‘ануж̇аанаами, бхигкавз, жад̇уннам̣ баад̇имогкам̣ уд̣̇д̣̇исид̇у’’нд̇и (махаава. 168) жа ‘‘ануж̇аанаами, бхигкавз, д̇ин̣н̣ам̣ баарисуд̣̇д̇хиубосат̇ам̣ гаад̇у’’нд̇и (махаава. 168) жа ‘‘ануж̇аанаами, бхигкавз, д̣̇виннам̣ баарисуд̣̇д̇хиубосат̇ам̣ гаад̇у’’нд̇и (махаава. 168) жа вуд̇д̇ам̣ сан̇гхубосат̇ан̃жа баарисуд̣̇д̇хиубосат̇ан̃жа д̣̇ассзд̇ваа ид̣̇аани яад̇т̇а зго бхигку вихарад̇и, д̇асса анун̃н̃аад̇ам̣ ад̇хидтаанубосат̇ам̣ д̣̇ассзд̇ум̣ ‘‘буб̣б̣агижжа’’нд̇иаад̣̇имааха. зд̇т̇а жа буб̣б̣агижжам̣ наама саммаж̇ж̇анаад̣̇игам̣язва.
426. Ettāvatā ‘‘anujānāmi, bhikkhave, catunnaṃ pātimokkhaṃ uddisitu’’nti (mahāva. 168) ca ‘‘anujānāmi, bhikkhave, tiṇṇaṃ pārisuddhiuposathaṃ kātu’’nti (mahāva. 168) ca ‘‘anujānāmi, bhikkhave, dvinnaṃ pārisuddhiuposathaṃ kātu’’nti (mahāva. 168) ca vuttaṃ saṅghuposathañca pārisuddhiuposathañca dassetvā idāni yattha eko bhikkhu viharati, tassa anuññātaṃ adhiṭṭhānuposathaṃ dassetuṃ ‘‘pubbakicca’’ntiādimāha. Ettha ca pubbakiccaṃ nāma sammajjanādikaṃyeva.
427. сан̇гхубосат̇абаарисуд̣̇д̇хиубосат̇аад̇хидтаанаубосат̇аанам̣ васзна д̇ам̣ д̇ам̣ убосат̇ам̣ яад̣̇и гаяирунд̇и самб̣анд̇хо.
427. Saṅghuposathapārisuddhiuposathaadhiṭṭhānauposathānaṃ vasena taṃ taṃ uposathaṃ yadi kayirunti sambandho.
428. ваг̇г̇з (махаава. 173) жа самаг̇г̇з жа ‘‘ваг̇г̇о’’д̇и сан̃н̃ино жа ‘‘ваг̇г̇о ну ко, самаг̇г̇о ну ко’’д̇и звам̣ вимад̇исса жа д̣̇уггадам̣, ‘‘нассанд̇зд̇з винассанд̇зд̇з, го д̇зхи ад̇т̇о’’д̇и звам̣ анааг̇ад̇аанам̣ бхигкуунам̣ ад̇т̇ибхаавам̣ н̃ад̇ваа бхзд̣̇аад̇хиббааязна убосат̇ам̣ гарод̇о т̇уллажжаяам̣ ход̇ийд̇и ад̇т̇о. д̇ад̣̇убхаязби ‘‘самаг̇г̇о’’д̇и сан̃н̃ино анаабад̇д̇и.
428. Vagge (mahāva. 173) ca samagge ca ‘‘vaggo’’ti saññino ca ‘‘vaggo nu kho, samaggo nu kho’’ti evaṃ vimatissa ca dukkaṭaṃ, ‘‘nassantete vinassantete, ko tehi attho’’ti evaṃ anāgatānaṃ bhikkhūnaṃ atthibhāvaṃ ñatvā bhedādhippāyena uposathaṃ karoto thullaccayaṃ hotīti attho. Tadubhayepi ‘‘samaggo’’ti saññino anāpatti.
429-430. сзсасахад̇хаммигаа наама бхигкум̣ табзд̇ваа авасзсаа жад̇д̇ааро. абхаб̣б̣ассаад̇и зд̇т̇а бан̣д̣агат̇зяяасам̣ваасага д̇ид̇т̇ияабагганд̇ага д̇иражчаанаг̇ад̇а маад̇угхаад̇ага бид̇угхаад̇ага араханд̇агхаад̇ага бхигкунид̣̇уусага сан̇гхабхзд̣̇ага лохид̇уббаад̣̇агаубхад̇об̣яан̃ж̇анагаа абхаб̣б̣аа г̇ахид̇аа. зд̇т̇а бана нааг̇амаан̣авагаад̣̇аяо д̇иражчаанаг̇ад̇абагкигаад̇и взд̣̇ид̇аб̣б̣аа. зд̇зсам̣ нисиннабарисааяан̃жа баад̇имогкам̣ на уд̣̇д̣̇исзд̇и самб̣анд̇хо.
429-430.Sesasahadhammikā nāma bhikkhuṃ ṭhapetvā avasesā cattāro. Abhabbassāti ettha paṇḍakatheyyasaṃvāsaka titthiyapakkantaka tiracchānagata mātughātaka pitughātaka arahantaghātaka bhikkhunidūsaka saṅghabhedaka lohituppādakaubhatobyañjanakā abhabbā gahitā. Ettha pana nāgamāṇavakādayo tiracchānagatapakkhikāti veditabbā. Etesaṃ nisinnaparisāyañca pātimokkhaṃ na uddiseti sambandho.
д̇ат̇аад̇и яо бана сан̇гхо сабхааг̇аабад̇д̇иго, соби на уд̣̇д̣̇исз, баривуд̇т̇зна чанд̣̇знаби на уд̣̇д̣̇исзд̇и ад̇т̇о. зд̇т̇а бана жад̇уб̣б̣ид̇хам̣ баариваасияам̣ барисабаариваасияам̣ рад̇д̇ибаариваасияам̣ чанд̣̇абаариваасияам̣ аж̇жхаасаяабаариваасияанд̇и.
Tathāti yo pana saṅgho sabhāgāpattiko, sopi na uddise, parivutthena chandenapi na uddiseti attho. Ettha pana catubbidhaṃ pārivāsiyaṃ parisapārivāsiyaṃ rattipārivāsiyaṃ chandapārivāsiyaṃ ajjhāsayapārivāsiyanti.
зд̇т̇а бана бхигкуу гзнажид̣̇зва гаран̣ийязна саннибад̇ид̇аа мзгхаад̣̇ийхи убад̣̇д̣̇уд̇аа ‘‘аногаасаа маяам̣, ан̃н̃ад̇ра г̇ажчаамаа’’д̇и чанд̣̇ам̣ ависсаж̇ж̇зд̇ваава удтаханд̇и. ид̣̇ам̣ барисабаариваасияам̣. гин̃жааби барисабаариваасияам̣, чанд̣̇асса бана ависсадтад̇д̇аа гаммам̣ гаад̇ум̣ ваддад̇и.
Ettha pana bhikkhū kenacideva karaṇīyena sannipatitā meghādīhi upaddutā ‘‘anokāsā mayaṃ, aññatra gacchāmā’’ti chandaṃ avissajjetvāva uṭṭhahanti. Idaṃ parisapārivāsiyaṃ. Kiñcāpi parisapārivāsiyaṃ, chandassa pana avissaṭṭhattā kammaṃ kātuṃ vaṭṭati.
бунаби бхигкуунам̣ ‘‘убосат̇аад̣̇ийни гариссаамаа’’д̇и рад̇д̇им̣ саннибад̇ид̇ваа д̇хаммам̣ сун̣анд̇аанам̣язва арун̣о уг̇г̇ажчад̇и. сажз ‘‘жаад̇уд̣̇д̣̇асигам̣ гариссаамаа’’д̇и нисиннаа, ‘‘баннарасо’’д̇и гаад̇ум̣ ваддад̇и. сажз баннарасигам̣ гаад̇ум̣ нисиннаа, баадибад̣̇з анубосат̇з убосат̇ам̣ гаад̇ум̣ на ваддад̇и, ан̃н̃ам̣ бана сан̇гхагижжам̣ гаад̇ум̣ ваддад̇и. ид̣̇ам̣ рад̇д̇ибаариваасияам̣ наама.
Punapi bhikkhūnaṃ ‘‘uposathādīni karissāmā’’ti rattiṃ sannipatitvā dhammaṃ suṇantānaṃyeva aruṇo uggacchati. Sace ‘‘cātuddasikaṃ karissāmā’’ti nisinnā, ‘‘pannaraso’’ti kātuṃ vaṭṭati. Sace pannarasikaṃ kātuṃ nisinnā, pāṭipade anuposathe uposathaṃ kātuṃ na vaṭṭati, aññaṃ pana saṅghakiccaṃ kātuṃ vaṭṭati. Idaṃ rattipārivāsiyaṃ nāma.
буна бхигкуу ‘‘яам̣гин̃жид̣̇зва аб̣бхаанаад̣̇игаммам̣ гариссаамаа’’д̇и саннибад̇ид̇аа хонд̇и, д̇ад̇рзго нагкад̇д̇абаатаго звам̣ вад̣̇ад̇и ‘‘аж̇ж̇а нагкад̇д̇ам̣ д̣̇аарун̣а’’нд̇и, д̇з д̇асса важанзна чанд̣̇ам̣ виссаж̇ж̇зд̇ваа д̇ад̇т̇зва нисиннаа хонд̇и. ат̇ан̃н̃о ааг̇анд̇ваа ‘‘гим̣ нагкад̇д̇зна, гарот̇аа’’д̇и вад̣̇ад̇и. ид̣̇ам̣ чанд̣̇абаариваасияан̃жзва аж̇жхаасаяабаариваасияан̃жа. д̇асмим̣ баариваасияз буна чанд̣̇абаарисуд̣̇д̇хим̣ анаанзд̇ваа гаммам̣ гаад̇ум̣ на ваддад̇и. ид̣̇ам̣ санд̇хааяа ‘‘чанд̣̇зна баривуд̇т̇знаа’’д̇и вуд̇д̇ам̣.
Puna bhikkhū ‘‘yaṃkiñcideva abbhānādikammaṃ karissāmā’’ti sannipatitā honti, tatreko nakkhattapāṭhako evaṃ vadati ‘‘ajja nakkhattaṃ dāruṇa’’nti, te tassa vacanena chandaṃ vissajjetvā tattheva nisinnā honti. Athañño āgantvā ‘‘kiṃ nakkhattena, karothā’’ti vadati. Idaṃ chandapārivāsiyañceva ajjhāsayapārivāsiyañca. Tasmiṃ pārivāsiye puna chandapārisuddhiṃ anānetvā kammaṃ kātuṃ na vaṭṭati. Idaṃ sandhāya ‘‘chandena parivutthenā’’ti vuttaṃ.
431. аабаннамаабад̇д̇им̣ (махаава. 169; махаава. адта. 169) ад̣̇зсаяид̇ваана ваа ‘‘ахам̣, аавусо, ид̇т̇аннаамааяа аабад̇д̇ияаа взмад̇иго, яад̣̇аа ниб̣б̣змад̇иго бхависсаами, д̇ам̣ аабад̇д̇им̣ бадигариссаамий’’д̇и вад̇ваа вимад̇им̣ анаавигад̇ваана ваа ‘‘на жа бхигкавз анубосат̇з убосат̇о гаад̇аб̣б̣о ан̃н̃ад̇ра сан̇гхасаамаг̇г̇ияаа’’д̇и (махаава. 183) вуд̇д̇ад̇д̇аа анубосат̇зби ваа гаад̇ум̣ на жа габбад̇ийд̇и ад̇т̇о.
431.Āpannamāpattiṃ (mahāva. 169; mahāva. aṭṭha. 169) adesayitvāna vā ‘‘ahaṃ, āvuso, itthannāmāya āpattiyā vematiko, yadā nibbematiko bhavissāmi, taṃ āpattiṃ paṭikarissāmī’’ti vatvā vimatiṃ anāvikatvāna vā ‘‘na ca bhikkhave anuposathe uposatho kātabbo aññatra saṅghasāmaggiyā’’ti (mahāva. 183) vuttattā anuposathepi vā kātuṃ na ca kappatīti attho.
432. ‘‘на жа бхигкавз д̇ад̣̇ахубосат̇з сабхигкугаа ааваасаа абхигкуго ааваасо ваа анааваасо ваа г̇анд̇аб̣б̣о ан̃н̃ад̇ра сан̇гхзна ан̃н̃ад̇ра анд̇арааяаа’’д̇и (махаава. 181) вуд̇д̇ад̇д̇аа ‘‘адтид̇обосат̇ааваасаа’’д̇и (махаава. адта. 181) вуд̇д̇ам̣. на важ̇з на г̇ажчз. ад̇хидтаад̇ум̣ сиймамзва ваад̇и сажз вихаарз убосат̇ам̣ гаронд̇и, убосат̇аад̇хидтаанад̇т̇ам̣ сиймааби над̣̇ийби на г̇анд̇аб̣б̣аа. сажз банзд̇т̇а гожи бхигку ход̇и, д̇асса санд̇игам̣ г̇анд̇ум̣ ваддад̇и. виссадтаубосат̇ааби ааваасаа г̇анд̇ум̣ ваддад̇и, звам̣ г̇ад̇о ад̇хидтаад̇умби лабхад̇ийд̇и. убосат̇авинижчаяо.
432. ‘‘Na ca bhikkhave tadahuposathe sabhikkhukā āvāsā abhikkhuko āvāso vā anāvāso vā gantabbo aññatra saṅghena aññatra antarāyā’’ti (mahāva. 181) vuttattā ‘‘aṭṭhitoposathāvāsā’’ti (mahāva. aṭṭha. 181) vuttaṃ. Na vaje na gacche. Adhiṭṭhātuṃ sīmameva vāti sace vihāre uposathaṃ karonti, uposathādhiṭṭhānatthaṃ sīmāpi nadīpi na gantabbā. Sace panettha koci bhikkhu hoti, tassa santikaṃ gantuṃ vaṭṭati. Vissaṭṭhauposathāpi āvāsā gantuṃ vaṭṭati, evaṃ gato adhiṭṭhātumpi labhatīti. Uposathavinicchayo.
убосат̇анид̣̇д̣̇зсаван̣н̣анаа нидтид̇аа.
Uposathaniddesavaṇṇanā niṭṭhitā.
