| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༢. ཨུཔཏིསྶསུཏྟཝཎྞནཱ
2. Upatissasuttavaṇṇanā
༢༣༦. དུཏིཡེ ཨཏྠི ནུ ཁོ ཏཾ ཀིཉྩི ལོཀསྨིནྟི ཨིདཾ ཨཏིཨུལཱ༹རམྤི སཏྟཾ ཝཱ སངྑཱརཾ ཝཱ སནྡྷཱཡ ཝུཏྟཾ། སཏྠུཔི ཁོཏི ཨིདཾ ཡསྨཱ ཨཱནནྡཏྠེརསྶ སཏྠརི ཨདྷིམཏྟོ ཚནྡོ ཙ པེམཉྩ, ཏསྨཱ ‘‘ཀིཾ ནུ ཁོ ཨིམསྶ ཐེརསྶ སཏྠུ ཝིཔརིཎཱམེནཔི སོཀཱདཡོ ནུཔྤཛྫེཡྻུ’’ནྟི ཛཱནནཏྠཾ པུཙྪཏི? དཱིགྷརཏྟནྟི སཱུཀརཁཏལེཎདྭཱརེ དཱིགྷནཁཔརིབྦཱཛཀསྶ ཝེདནཱཔརིགྒཧསུཏྟནྟཾ དེསིཏདིཝསཏོ པཊྛཱཡ ཨཏིཀྐནྟཀཱལཾ སནྡྷཱཡཱཧ། ཏསྨིཉྷི དིཝསེ ཐེརསྶ ཨིམེ ཝཊྚཱནུགཏཀིལེསཱ སམཱུཧཏཱཏི། དུཏིཡཾ།
236. Dutiye atthi nu kho taṃ kiñci lokasminti idaṃ atiuḷārampi sattaṃ vā saṅkhāraṃ vā sandhāya vuttaṃ. Satthupi khoti idaṃ yasmā ānandattherassa satthari adhimatto chando ca pemañca, tasmā ‘‘kiṃ nu kho imassa therassa satthu vipariṇāmenapi sokādayo nuppajjeyyu’’nti jānanatthaṃ pucchati? Dīgharattanti sūkarakhataleṇadvāre dīghanakhaparibbājakassa vedanāpariggahasuttantaṃ desitadivasato paṭṭhāya atikkantakālaṃ sandhāyāha. Tasmiñhi divase therassa ime vaṭṭānugatakilesā samūhatāti. Dutiyaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༢. ཨུཔཏིསྶསུཏྟཾ • 2. Upatissasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. ཨུཔཏིསྶསུཏྟཝཎྞནཱ • 2. Upatissasuttavaṇṇanā
