| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
37. உக்³க³ஹனித்³தே³ஸோ
37. Uggahaniddeso
உக்³க³ஹோதி –
Uggahoti –
281.
281.
கம்மசேதியஸங்க⁴ஞ்ஞ-புக்³க³லத்த²ங் க³ணஸ்ஸ ச;
Kammacetiyasaṅghañña-puggalatthaṃ gaṇassa ca;
த³ஸபே⁴த³ம்பி ரதனங், உக்³க³ண்ஹந்தஸ்ஸ து³க்கடங்.
Dasabhedampi ratanaṃ, uggaṇhantassa dukkaṭaṃ.
282.
282.
நிஸ்ஸக்³கி³ தேஸு அத்தத்த²ங், த்³வீஸு ஸேஸேஸு து³க்கடங்;
Nissaggi tesu attatthaṃ, dvīsu sesesu dukkaṭaṃ;
அனாமஸித்வா வுத்தே து, க³ணங் ஸங்க⁴ஞ்ச புக்³க³லங்.
Anāmasitvā vutte tu, gaṇaṃ saṅghañca puggalaṃ.
283.
283.
‘‘செத்யஸ்ஸ நவகம்மஸ்ஸ, த³ம்மீ’’தி ந படிக்கி²பே;
‘‘Cetyassa navakammassa, dammī’’ti na paṭikkhipe;
வதே³ கப்பியகாரானங், ‘‘வத³ந்தேவமிமே’’ இதி.
Vade kappiyakārānaṃ, ‘‘vadantevamime’’ iti.
284.
284.
கெ²த்தங் வத்து²ங் தளாகங் வா, தெ³ந்தே தா³ஸபஸ்வாதி³கங்;
Khettaṃ vatthuṃ taḷākaṃ vā, dente dāsapasvādikaṃ;
படிக்கி²பித்வா க³ண்ஹெய்ய, கப்பியேன கமேன ச;
Paṭikkhipitvā gaṇheyya, kappiyena kamena ca;
கெ²த்தாதீ³னி விஹாரஸ்ஸ, வுத்தே த³ம்மீதி வட்டதி.
Khettādīni vihārassa, vutte dammīti vaṭṭati.
285.
285.
நவமாதிககேதா³ர-தளாககிரியானவே;
Navamātikakedāra-taḷākakiriyānave;
மத்திகுத்³த⁴ரணங் ப³ந்தோ⁴, தி²ரகாரோ ச ஆளியா.
Mattikuddharaṇaṃ bandho, thirakāro ca āḷiyā.
286.
286.
திரேகபா⁴க³க³ஹணங் , கேதா³ரே அனவே நவே;
Tirekabhāgagahaṇaṃ , kedāre anave nave;
அபரிச்ச²ன்னபா⁴கே³ ச, ஸஸ்ஸே ‘‘தே³தெ²த்தகே’’ இதி;
Aparicchannabhāge ca, sasse ‘‘dethettake’’ iti;
கஹாபணுட்டா²பனஞ்ச, ஸப்³பே³ஸம்பி அகப்பியங்.
Kahāpaṇuṭṭhāpanañca, sabbesampi akappiyaṃ.
287.
287.
அவத்வா கஸ வப்பிச்சாதெ³த்திகாய ச பூ⁴மியா;
Avatvā kasa vappiccādettikāya ca bhūmiyā;
பதிட்டா²பேதி பூ⁴மிங் வா, பா⁴கோ³ தெ³ய்யோதி எத்தகோ.
Patiṭṭhāpeti bhūmiṃ vā, bhāgo deyyoti ettako.
288.
288.
பூ⁴மிபா⁴கே³ கதங் ஸஸ்ஸங், எத்தகே க³ண்ஹதெ²த்தகங்;
Bhūmibhāge kataṃ sassaṃ, ettake gaṇhathettakaṃ;
க³ண்ஹனத்த²ங் வத³ந்தேவங், பமாணங் த³ண்ட³ரஜ்ஜுபி⁴.
Gaṇhanatthaṃ vadantevaṃ, pamāṇaṃ daṇḍarajjubhi.
289.
289.
மினநே ரக்க²ணே ட²த்வா, க²லே தங்னீஹராபனே;
Minane rakkhaṇe ṭhatvā, khale taṃnīharāpane;
கொட்டா²தி³படிஸாமனே, தஸ்ஸேவேதமகப்பியங்.
Koṭṭhādipaṭisāmane, tassevetamakappiyaṃ.
290.
290.
படிஸாமெய்ய பாசித்தி, யங் கிஞ்சி கி³ஹிஸந்தகங்;
Paṭisāmeyya pācitti, yaṃ kiñci gihisantakaṃ;
ப⁴ண்டா³கா³ரிகஸீஸேன, ஸசேபி பிதுஸந்தகங்.
Bhaṇḍāgārikasīsena, sacepi pitusantakaṃ.
291.
291.
பிதூனங் கப்பியங் வத்து²ங், அவஸ்ஸங் படிஸாமியங்;
Pitūnaṃ kappiyaṃ vatthuṃ, avassaṃ paṭisāmiyaṃ;
அத்தனோ ஸந்தகங் கத்வா, லப்³ப⁴தே படிஸாமிதுங்.
Attano santakaṃ katvā, labbhate paṭisāmituṃ.
292.
292.
தே³ஹீதி படிஸாமெத்வா, வுத்தே சாபி படிக்கி²பே;
Dehīti paṭisāmetvā, vutte cāpi paṭikkhipe;
பாதெத்வான க³தே லப்³ப⁴ங், பலிபோ³தோ⁴தி கோ³பிதுங்.
Pātetvāna gate labbhaṃ, palibodhoti gopituṃ.
293.
293.
கம்மங் கரொந்தோ ஆராமே, ஸகங் வட்³ட⁴கிஆத³யோ;
Kammaṃ karonto ārāme, sakaṃ vaḍḍhakiādayo;
பரிக்கா²ரஞ்ச ஸயன-ப⁴ண்ட³ங் வா ராஜவல்லபா⁴.
Parikkhārañca sayana-bhaṇḍaṃ vā rājavallabhā.
294.
294.
தே³ஹீதி படிஸாமெத்வா, வத³ந்தி யதி³ ச²ந்த³தோ;
Dehīti paṭisāmetvā, vadanti yadi chandato;
ந கரெய்ய ப⁴யா டா²னங், கு³த்தங் த³ஸ்ஸேது வட்டதி.
Na kareyya bhayā ṭhānaṃ, guttaṃ dassetu vaṭṭati.
295.
295.
ப³லக்காரேன பாதெத்வா, க³தேஸு படிஸாமிதுங்;
Balakkārena pātetvā, gatesu paṭisāmituṃ;
பி⁴க்கு²ங் மனுஸ்ஸா ஸங்கந்தி, நட்டே² வத்து²ம்ஹி தாதி³ஸே.
Bhikkhuṃ manussā saṅkanti, naṭṭhe vatthumhi tādise.
296.
296.
விஹாராவஸத²ஸ்ஸந்தோ, ரதனங் ரத்னஸம்மதங்;
Vihārāvasathassanto, ratanaṃ ratnasammataṃ;
நிக்கி²பெய்ய க³ஹெத்வான, மக்³கே³ரஞ்ஞேபி தாதி³ஸே;
Nikkhipeyya gahetvāna, maggeraññepi tādise;
ஸாமிகானாக³மங் ஞத்வா, பதிரூபங் கரீயதீதி.
Sāmikānāgamaṃ ñatvā, patirūpaṃ karīyatīti.
