| Library / Tipiṭaka / តិបិដក • Tipiṭaka / ខុទ្ទកបាឋបាឡិ • Khuddakapāṭhapāḷi |
៧. តិរោកុដ្ដសុត្តំ
7. Tirokuṭṭasuttaṃ
១.
1.
តិរោកុដ្ដេសុ តិដ្ឋន្តិ, សន្ធិសិង្ឃាដកេសុ ច;
Tirokuṭṭesu tiṭṭhanti, sandhisiṅghāṭakesu ca;
ទ្វារពាហាសុ តិដ្ឋន្តិ, អាគន្ត្វាន សកំ ឃរំ។
Dvārabāhāsu tiṭṭhanti, āgantvāna sakaṃ gharaṃ.
២.
2.
បហូតេ អន្នបានម្ហិ, ខជ្ជភោជ្ជេ ឧបដ្ឋិតេ;
Pahūte annapānamhi, khajjabhojje upaṭṭhite;
ន តេសំ កោចិ សរតិ, សត្តានំ កម្មបច្ចយា។
Na tesaṃ koci sarati, sattānaṃ kammapaccayā.
៣.
3.
ឯវំ ទទន្តិ ញាតីនំ, យេ ហោន្តិ អនុកម្បកា;
Evaṃ dadanti ñātīnaṃ, ye honti anukampakā;
សុចិំ បណីតំ កាលេន, កប្បិយំ បានភោជនំ;
Suciṃ paṇītaṃ kālena, kappiyaṃ pānabhojanaṃ;
ឥទំ វោ ញាតីនំ ហោតុ, សុខិតា ហោន្តុ ញាតយោ។
Idaṃ vo ñātīnaṃ hotu, sukhitā hontu ñātayo.
៤.
4.
តេ ច តត្ថ សមាគន្ត្វា, ញាតិបេតា សមាគតា;
Te ca tattha samāgantvā, ñātipetā samāgatā;
បហូតេ អន្នបានម្ហិ, សក្កច្ចំ អនុមោទរេ។
Pahūte annapānamhi, sakkaccaṃ anumodare.
៥.
5.
ចិរំ ជីវន្តុ នោ ញាតី, យេសំ ហេតុ លភាមសេ;
Ciraṃ jīvantu no ñātī, yesaṃ hetu labhāmase;
អម្ហាកញ្ច កតា បូជា, ទាយកា ច អនិប្ផលា។
Amhākañca katā pūjā, dāyakā ca anipphalā.
៦.
6.
៧.
7.
ឧន្នមេ ឧទកំ វុដ្ឋំ, យថា និន្នំ បវត្តតិ;
Unname udakaṃ vuṭṭhaṃ, yathā ninnaṃ pavattati;
ឯវមេវ ឥតោ ទិន្នំ, បេតានំ ឧបកប្បតិ។
Evameva ito dinnaṃ, petānaṃ upakappati.
៨.
8.
យថា វារិវហា បូរា, បរិបូរេន្តិ សាគរំ;
Yathā vārivahā pūrā, paripūrenti sāgaraṃ;
ឯវមេវ ឥតោ ទិន្នំ, បេតានំ ឧបកប្បតិ។
Evameva ito dinnaṃ, petānaṃ upakappati.
៩.
9.
បេតានំ ទក្ខិណំ ទជ្ជា, បុព្ពេ កតមនុស្សរំ។
Petānaṃ dakkhiṇaṃ dajjā, pubbe katamanussaraṃ.
១០.
10.
ន ហិ រុណ្ណំ វា សោកោ វា, យា ចញ្ញា បរិទេវនា;
Na hi ruṇṇaṃ vā soko vā, yā caññā paridevanā;
ន តំ បេតានមត្ថាយ, ឯវំ តិដ្ឋន្តិ ញាតយោ។
Na taṃ petānamatthāya, evaṃ tiṭṭhanti ñātayo.
១១.
11.
អយញ្ច ខោ ទក្ខិណា ទិន្នា, សង្ឃម្ហិ សុប្បតិដ្ឋិតា;
Ayañca kho dakkhiṇā dinnā, saṅghamhi suppatiṭṭhitā;
ទីឃរត្តំ ហិតាយស្ស, ឋានសោ ឧបកប្បតិ។
Dīgharattaṃ hitāyassa, ṭhānaso upakappati.
១២.
12.
សោ ញាតិធម្មោ ច អយំ និទស្សិតោ, បេតាន បូជា ច កតា ឧឡារា;
So ñātidhammo ca ayaṃ nidassito, petāna pūjā ca katā uḷārā;
ពលញ្ច ភិក្ខូនមនុប្បទិន្នំ 9, តុម្ហេហិ បុញ្ញំ បសុតំ អនប្បកន្តិ។
Balañca bhikkhūnamanuppadinnaṃ 10, tumhehi puññaṃ pasutaṃ anappakanti.
តិរោកុដ្ដសុត្តំ និដ្ឋិតំ។
Tirokuṭṭasuttaṃ niṭṭhitaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ខុទ្ទកបាឋ-អដ្ឋកថា • Khuddakapāṭha-aṭṭhakathā / ៧. តិរោកុដ្ដសុត្តវណ្ណនា • 7. Tirokuṭṭasuttavaṇṇanā
