| Library / Tipiṭaka / ติปิฎก • Tipiṭaka / มหาวคฺคปาฬิ • Mahāvaggapāḷi |
๒๐๑. ตสฺสุทฺทานํ
201. Tassuddānaṃ
ติํส ปาเวยฺยกา ภิกฺขู, สาเกตุกฺกณฺฐิตา วสุํ;
Tiṃsa pāveyyakā bhikkhū, sāketukkaṇṭhitā vasuṃ;
วสฺสํวุโฎฺฐกปุเณฺณหิ, อคมุํ ชินทสฺสนํฯ
Vassaṃvuṭṭhokapuṇṇehi, agamuṃ jinadassanaṃ.
อิทํ วตฺถุ กถินสฺส, กปฺปิสฺสนฺติ จ ปญฺจกา;
Idaṃ vatthu kathinassa, kappissanti ca pañcakā;
อนามนฺตา อสมาจารา, ตเถว คณโภชนํฯ
Anāmantā asamācārā, tatheva gaṇabhojanaṃ.
ยาวทตฺถญฺจ อุปฺปาโท, อตฺถตานํ ภวิสฺสติ;
Yāvadatthañca uppādo, atthatānaṃ bhavissati;
ญตฺติ เอวตฺถตเญฺจว, เอวเญฺจว อนตฺถตํฯ
Ñatti evatthatañceva, evañceva anatthataṃ.
อุลฺลิขิ โธวนา เจว, วิจารณญฺจ เฉทนํ;
Ullikhi dhovanā ceva, vicāraṇañca chedanaṃ;
พนฺธโน วฎฺฎิ กณฺฑุส, ทฬฺหีกมฺมานุวาติกาฯ
Bandhano vaṭṭi kaṇḍusa, daḷhīkammānuvātikā.
ปริภณฺฑํ โอวเทฺธยฺยํ, มทฺทนา นิมิตฺตํ กถา;
Paribhaṇḍaṃ ovaddheyyaṃ, maddanā nimittaṃ kathā;
กุกฺกุ สนฺนิธิ นิสฺสคฺคิ, น กปฺปญฺญตฺร เต ตโยฯ
Kukku sannidhi nissaggi, na kappaññatra te tayo.
อญฺญตฺร ปญฺจาติเรเก, สญฺฉิเนฺนน สมณฺฑลี;
Aññatra pañcātireke, sañchinnena samaṇḍalī;
นาญฺญตฺร ปุคฺคลา สมฺมา, นิสฺสีมโฎฺฐนุโมทติฯ
Nāññatra puggalā sammā, nissīmaṭṭhonumodati.
กถินานตฺถตํ โหติ, เอวํ พุเทฺธน เทสิตํ;
Kathinānatthataṃ hoti, evaṃ buddhena desitaṃ;
อหตากปฺปปิโลติ, ปํสุ ปาปณิกาย จฯ
Ahatākappapiloti, paṃsu pāpaṇikāya ca.
อนิมิตฺตาปริกถา, อกุกฺกุ จ อสนฺนิธิ;
Animittāparikathā, akukku ca asannidhi;
อนิสฺสคฺคิ กปฺปกเต, ตถา ติจีวเรน จฯ
Anissaggi kappakate, tathā ticīvarena ca.
ปญฺจเก วาติเรเก วา, ฉิเนฺน สมณฺฑลีกเต;
Pañcake vātireke vā, chinne samaṇḍalīkate;
ปุคฺคลสฺสตฺถารา สมฺมา, สีมโฎฺฐ อนุโมทติฯ
Puggalassatthārā sammā, sīmaṭṭho anumodati.
เอวํ กถินตฺถรณํ, อุพฺภารสฺสฎฺฐมาติกา;
Evaṃ kathinattharaṇaṃ, ubbhārassaṭṭhamātikā;
ปกฺกมนนฺติ นิฎฺฐานํ, สนฺนิฎฺฐานญฺจ นาสนํฯ
Pakkamananti niṭṭhānaṃ, sanniṭṭhānañca nāsanaṃ.
สวนํ อาสาวเจฺฉทิ, สีมา สหุพฺภารฎฺฐมี;
Savanaṃ āsāvacchedi, sīmā sahubbhāraṭṭhamī;
กตจีวรมาทาย, ‘‘น ปเจฺจสฺส’’นฺติ คจฺฉติฯ
Katacīvaramādāya, ‘‘na paccessa’’nti gacchati.
ตสฺส ตํ กถินุทฺธารา,เอ โหติ ปกฺกมนนฺติโก;
Tassa taṃ kathinuddhārā,e hoti pakkamanantiko;
อาทาย จีวรํ ยาติ, นิสฺสีเม อิทํ จินฺตยิฯ
Ādāya cīvaraṃ yāti, nissīme idaṃ cintayi.
‘‘กาเรสฺสํ น ปเจฺจสฺส’’นฺติ, นิฎฺฐาเน กถินุทฺธาโร;
‘‘Kāressaṃ na paccessa’’nti, niṭṭhāne kathinuddhāro;
อาทาย นิสฺสีมํ เนว, ‘‘น ปเจฺจสฺส’’นฺติ มานโสฯ
Ādāya nissīmaṃ neva, ‘‘na paccessa’’nti mānaso.
ตสฺส ตํ กถินุทฺธาโร, สนฺนิฎฺฐานนฺติโก ภเว;
Tassa taṃ kathinuddhāro, sanniṭṭhānantiko bhave;
อาทาย จีวรํ ยาติ, นิสฺสีเม อิทํ จินฺตยิฯ
Ādāya cīvaraṃ yāti, nissīme idaṃ cintayi.
‘‘กาเรสฺสํ น ปเจฺจสฺส’’นฺติ, กยิรํ ตสฺส นสฺสติ;
‘‘Kāressaṃ na paccessa’’nti, kayiraṃ tassa nassati;
ตสฺส ตํ กถินุทฺธาโร, ภวติ นาสนนฺติโกฯ
Tassa taṃ kathinuddhāro, bhavati nāsanantiko.
อาทาย ยาติ ‘‘ปเจฺจสฺสํ’’, พหิ กาเรติ จีวรํ;
Ādāya yāti ‘‘paccessaṃ’’, bahi kāreti cīvaraṃ;
กตจีวโร สุณาติ, อุพฺภตํ กถินํ ตหิํฯ
Katacīvaro suṇāti, ubbhataṃ kathinaṃ tahiṃ.
ตสฺส ตํ กถินุทฺธาโร, ภวติ สวนนฺติโก;
Tassa taṃ kathinuddhāro, bhavati savanantiko;
อาทาย ยาติ ‘‘ปเจฺจสฺสํ’’, พหิ กาเรติ จีวรํฯ
Ādāya yāti ‘‘paccessaṃ’’, bahi kāreti cīvaraṃ.
กตจีวโร พหิทฺธา, นาเมติ กถินุทฺธารํ;
Katacīvaro bahiddhā, nāmeti kathinuddhāraṃ;
ตสฺส ตํ กถินุทฺธาโร, สีมาติกฺกนฺติโก ภเวฯ
Tassa taṃ kathinuddhāro, sīmātikkantiko bhave.
อาทาย ยาติ ‘‘ปเจฺจสฺสํ’’, พหิ กาเรติ จีวรํ;
Ādāya yāti ‘‘paccessaṃ’’, bahi kāreti cīvaraṃ;
กตจีวโร ปเจฺจสฺสํ, สโมฺภติ กถินุทฺธารํฯ
Katacīvaro paccessaṃ, sambhoti kathinuddhāraṃ.
ตสฺส ตํ กถินุทฺธาโร, สห ภิกฺขูหิ ชายติ;
Tassa taṃ kathinuddhāro, saha bhikkhūhi jāyati;
อาทาย จ สมาทาย, สตฺต-สตฺตวิธา คติฯ
Ādāya ca samādāya, satta-sattavidhā gati.
อาทาย นิสฺสีมคตํ, กาเรสฺสํ อิติ ชายติฯ
Ādāya nissīmagataṃ, kāressaṃ iti jāyati.
นิฎฺฐานํ สนฺนิฎฺฐานญฺจ, นาสนญฺจ อิเม ตโย;
Niṭṭhānaṃ sanniṭṭhānañca, nāsanañca ime tayo;
อาทาย ‘‘น ปเจฺจสฺส’’นฺติ, พหิสีเม กโรมิติฯ
Ādāya ‘‘na paccessa’’nti, bahisīme karomiti.
นิฎฺฐานํ สนฺนิฎฺฐานมฺปิ, นาสนมฺปิ อิทํ ตโย;
Niṭṭhānaṃ sanniṭṭhānampi, nāsanampi idaṃ tayo;
อนธิฎฺฐิเตน เนวสฺส, เหฎฺฐา ตีณิ นยาวิธิฯ
Anadhiṭṭhitena nevassa, heṭṭhā tīṇi nayāvidhi.
อาทาย ยาติ ปเจฺจสฺสํ, พหิสีเม กโรมิติ;
Ādāya yāti paccessaṃ, bahisīme karomiti;
‘‘น ปเจฺจสฺส’’นฺติ กาเรติ, นิฎฺฐาเน กถินุทฺธาโรฯ
‘‘Na paccessa’’nti kāreti, niṭṭhāne kathinuddhāro.
สนฺนิฎฺฐานํ นาสนญฺจ, สวนสีมาติกฺกมา;
Sanniṭṭhānaṃ nāsanañca, savanasīmātikkamā;
สห ภิกฺขูหิ ชาเยถ, เอวํ ปนฺนรสํ คติฯ
Saha bhikkhūhi jāyetha, evaṃ pannarasaṃ gati.
สมาทาย วิปฺปกตา, สมาทาย ปุนา ตถา;
Samādāya vippakatā, samādāya punā tathā;
อิเม เต จตุโร วารา, สเพฺพ ปนฺนรสวิธิฯ
Ime te caturo vārā, sabbe pannarasavidhi.
อนาสาย จ อาสาย, กรณีโย จ เต ตโย;
Anāsāya ca āsāya, karaṇīyo ca te tayo;
นยโต ตํ วิชาเนยฺย, ตโย ทฺวาทส ทฺวาทสฯ
Nayato taṃ vijāneyya, tayo dvādasa dvādasa.
ปลิโพธาปลิโพธา, อุทฺทานํ นยโต กตนฺติฯ
Palibodhāpalibodhā, uddānaṃ nayato katanti.
อิมมฺหิ ขนฺธเก วตฺถู โทฬสกเปยฺยาลมุขานิ เอกสตํ อฎฺฐารสฯ
Imamhi khandhake vatthū doḷasakapeyyālamukhāni ekasataṃ aṭṭhārasa.
กถินกฺขนฺธโก นิฎฺฐิโตฯ
Kathinakkhandhako niṭṭhito.
Footnotes:
