| Library / Tipiṭaka / तिपिटक • Tipiṭaka / महावग्गपाळि • Mahāvaggapāḷi |
१०६. तस्सुद्दानं
106. Tassuddānaṃ
तित्थिया बिम्बिसारो च, सन्निपतितुं तुण्हिका।
Titthiyā bimbisāro ca, sannipatituṃ tuṇhikā;
धम्मं रहो पातिमोक्खं, देवसिकं तदा सकिं॥
Dhammaṃ raho pātimokkhaṃ, devasikaṃ tadā sakiṃ.
यथापरिसा समग्गं, सामग्गी मद्दकुच्छि च।
Yathāparisā samaggaṃ, sāmaggī maddakucchi ca;
सीमा महती नदिया, अनु द्वे खुद्दकानि च॥
Sīmā mahatī nadiyā, anu dve khuddakāni ca.
नवा राजगहे चेव, सीमा अविप्पवासना।
Navā rājagahe ceva, sīmā avippavāsanā;
असम्मता गामसीमा, नदिया समुद्दे सरे।
Asammatā gāmasīmā, nadiyā samudde sare;
उदकुक्खेपो भिन्दन्ति, तथेवज्झोत्थरन्ति च॥
Udakukkhepo bhindanti, tathevajjhottharanti ca.
कति कम्मानि उद्देसो, सवरा असतीपि च।
Kati kammāni uddeso, savarā asatīpi ca;
धम्मं विनयं तज्जेन्ति, पुन विनयतज्जना॥
Dhammaṃ vinayaṃ tajjenti, puna vinayatajjanā.
चोदना कते ओकासे, अधम्मप्पटिक्कोसना।
Codanā kate okāse, adhammappaṭikkosanā;
चतुपञ्चपरा आवि, सञ्चिच्च चेपि वायमे॥
Catupañcaparā āvi, sañcicca cepi vāyame.
सगहट्ठा अनज्झिट्ठा, चोदनम्हि न जानति।
Sagahaṭṭhā anajjhiṭṭhā, codanamhi na jānati;
सम्बहुला न जानन्ति, सज्जुकं न च गच्छरे॥
Sambahulā na jānanti, sajjukaṃ na ca gacchare.
कतिमी कीवतिका दूरे, आरोचेतुञ्च नस्सरि।
Katimī kīvatikā dūre, ārocetuñca nassari;
उक्लापं आसनं दीपो, दिसा अञ्ञो बहुस्सुतो॥
Uklāpaṃ āsanaṃ dīpo, disā añño bahussuto.
गग्गो चतुतयो द्वेको, आपत्तिसभागा सरि॥
Gaggo catutayo dveko, āpattisabhāgā sari.
सब्बो सङ्घो वेमतिको, न जानन्ति बहुस्सुतो।
Sabbo saṅgho vematiko, na jānanti bahussuto;
बहू समसमा थोका, परिसा अवुट्ठिताय च॥
Bahū samasamā thokā, parisā avuṭṭhitāya ca.
एकच्चा वुट्ठिता सब्बा, जानन्ति च वेमतिका।
Ekaccā vuṭṭhitā sabbā, jānanti ca vematikā;
कप्पतेवाति कुक्कुच्चा, जानं पस्सं सुणन्ति च॥
Kappatevāti kukkuccā, jānaṃ passaṃ suṇanti ca.
आवासिकेन आगन्तु, चातुपन्नरसो पुन।
Āvāsikena āgantu, cātupannaraso puna;
पाटिपदो पन्नरसो, लिङ्गसंवासका उभो॥
Pāṭipado pannaraso, liṅgasaṃvāsakā ubho.
पारिवासानुपोसथो , अञ्ञत्र सङ्घसामग्गिया।
Pārivāsānuposatho , aññatra saṅghasāmaggiyā;
एते विभत्ता उद्दाना, वत्थुविभूतकारणाति॥
Ete vibhattā uddānā, vatthuvibhūtakāraṇāti.
इमस्मिं खन्धके वत्थूनि छअसीति।
Imasmiṃ khandhake vatthūni chaasīti.
उपोसथक्खन्धको निट्ठितो।
Uposathakkhandhako niṭṭhito.
Footnotes:
