| Library / Tipiṭaka / តិបិដក • Tipiṭaka / ចរិយាបិដកបាឡិ • Cariyāpiṭakapāḷi |
១២. សុតសោមចរិយា
12. Sutasomacariyā
១០៥.
105.
‘‘បុនាបរំ យទា ហោមិ, សុតសោមោ មហីបតិ;
‘‘Punāparaṃ yadā homi, sutasomo mahīpati;
គហិតោ បោរិសាទេន, ព្រាហ្មណេ សង្គរំ សរិំ។
Gahito porisādena, brāhmaṇe saṅgaraṃ sariṃ.
១០៦.
106.
‘‘ខត្តិយានំ ឯកសតំ, អាវុណិត្វា ករត្តលេ;
‘‘Khattiyānaṃ ekasataṃ, āvuṇitvā karattale;
ឯតេសំ បមិលាបេត្វា, យញ្ញត្ថេ ឧបនយី មមំ។
Etesaṃ pamilāpetvā, yaññatthe upanayī mamaṃ.
១០៧.
107.
‘‘អបុច្ឆិ មំ បោរិសាទោ, ‘កិំ ត្វំ ឥច្ឆសិ និស្សជំ;
‘‘Apucchi maṃ porisādo, ‘kiṃ tvaṃ icchasi nissajaṃ;
យថាមតិ តេ កាហាមិ, យទិ មេ ត្វំ បុនេហិសិ’។
Yathāmati te kāhāmi, yadi me tvaṃ punehisi’.
១០៨.
108.
‘‘តស្ស បដិស្សុណិត្វាន, បណ្ហេ អាគមនំ មម;
‘‘Tassa paṭissuṇitvāna, paṇhe āgamanaṃ mama;
ឧបគន្ត្វា បុរំ រម្មំ, រជ្ជំ និយ្យាទយិំ តទា។
Upagantvā puraṃ rammaṃ, rajjaṃ niyyādayiṃ tadā.
១០៩.
109.
‘‘អនុស្សរិត្វា សតំ ធម្មំ, បុព្ពកំ ជិនសេវិតំ;
‘‘Anussaritvā sataṃ dhammaṃ, pubbakaṃ jinasevitaṃ;
ព្រាហ្មណស្ស ធនំ ទត្វា, បោរិសាទំ ឧបាគមិំ។
Brāhmaṇassa dhanaṃ datvā, porisādaṃ upāgamiṃ.
១១០.
110.
‘‘នត្ថិ មេ សំសយោ តត្ថ, ឃាតយិស្សតិ វា ន វា;
‘‘Natthi me saṃsayo tattha, ghātayissati vā na vā;
សច្ចវាចានុរក្ខន្តោ, ជីវិតំ ចជិតុមុបាគមិំ;
Saccavācānurakkhanto, jīvitaṃ cajitumupāgamiṃ;
សច្ចេន មេ សមោ នត្ថិ, ឯសា មេ សច្ចបារមី’’តិ។
Saccena me samo natthi, esā me saccapāramī’’ti.
សុតសោមចរិយំ ទ្វាទសមំ។
Sutasomacariyaṃ dvādasamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចរិយាបិដក-អដ្ឋកថា • Cariyāpiṭaka-aṭṭhakathā / ១២. មហាសុតសោមចរិយាវណ្ណនា • 12. Mahāsutasomacariyāvaṇṇanā
