| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
4. сунд̣̇арийт̇зрийг̇аат̇ааван̣н̣анаа
4. Sundarītherīgāthāvaṇṇanā
бзд̇аани бход̇и буд̇д̇аанийд̇иаад̣̇игаа сунд̣̇арияаа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий ид̇о згад̇им̣сагаббз взссабхусса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа згад̣̇ивасам̣ сад̇т̇аарам̣ бин̣д̣ааяа жаранд̇ам̣ д̣̇исваа басаннамаанасаа бхигкам̣ д̣̇ад̇ваа бан̃жабад̇идтид̇зна ванд̣̇и. сад̇т̇аа д̇ассаа жид̇д̇аббасаад̣̇ам̣ н̃ад̇ваа анумод̣̇анам̣ гад̇ваа баггаами. саа д̇зна бун̃н̃агаммзна д̇аавад̇им̣сзсу ниб̣б̣ад̇д̇ид̇ваа д̇ад̇т̇а яаавад̇ааяугам̣ тад̇ваа д̣̇иб̣б̣асамбад̇д̇им̣ анубхавид̇ваа д̇ад̇о жуд̇аа абараабарам̣ суг̇ад̇ийсуязва сам̣саранд̇ий барибагган̃аан̣аа худ̇ваа имасмим̣ б̣уд̣̇д̇хуббаад̣̇з б̣аараан̣асияам̣ суж̇аад̇асса наама б̣раахман̣асса д̇хийд̇аа худ̇ваа ниб̣б̣ад̇д̇и. д̇ассаа руубасамбад̇д̇ияаа сунд̣̇арийд̇и наамам̣ ахоси. ваяаббад̇д̇агаалз жассаа ганидтабхаад̇аа гааламагааси. ат̇ассаа бид̇аа буд̇д̇асогзна абхибхууд̇о д̇ад̇т̇а д̇ад̇т̇а вижаранд̇о ваасидтид̇т̇зрияаа самааг̇анд̇ваа д̇ам̣ согавинод̣̇анагааран̣ам̣ бужчанд̇о ‘‘бзд̇аани бход̇и буд̇д̇ааний’’д̇иаад̣̇игаа д̣̇вз г̇аат̇аа абхааси. т̇зрий д̇ам̣ согаабхибхууд̇ам̣ н̃ад̇ваа согам̣ винод̣̇зд̇угаамаа ‘‘б̣ахууни буд̇д̇асад̇ааний’’д̇иаад̣̇игаа д̣̇вз г̇аат̇аа вад̇ваа ад̇д̇ано асогабхаавам̣ гат̇зси. д̇ам̣ суд̇ваа б̣раахман̣о ‘‘гат̇ам̣ д̇вам̣, аяяз, звам̣ асогаа ж̇аад̇аа’’д̇и ааха. д̇асса т̇зрий рад̇анад̇д̇аяаг̇ун̣ам̣ гат̇зси.
Petāni bhoti puttānītiādikā sundariyā theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī ito ekatiṃsakappe vessabhussa bhagavato kāle kulagehe nibbattitvā viññutaṃ patvā ekadivasaṃ satthāraṃ piṇḍāya carantaṃ disvā pasannamānasā bhikkhaṃ datvā pañcapatiṭṭhitena vandi. Satthā tassā cittappasādaṃ ñatvā anumodanaṃ katvā pakkāmi. Sā tena puññakammena tāvatiṃsesu nibbattitvā tattha yāvatāyukaṃ ṭhatvā dibbasampattiṃ anubhavitvā tato cutā aparāparaṃ sugatīsuyeva saṃsarantī paripakkañāṇā hutvā imasmiṃ buddhuppāde bārāṇasiyaṃ sujātassa nāma brāhmaṇassa dhītā hutvā nibbatti. Tassā rūpasampattiyā sundarīti nāmaṃ ahosi. Vayappattakāle cassā kaniṭṭhabhātā kālamakāsi. Athassā pitā puttasokena abhibhūto tattha tattha vicaranto vāsiṭṭhittheriyā samāgantvā taṃ sokavinodanakāraṇaṃ pucchanto ‘‘petāni bhoti puttānī’’tiādikā dve gāthā abhāsi. Therī taṃ sokābhibhūtaṃ ñatvā sokaṃ vinodetukāmā ‘‘bahūni puttasatānī’’tiādikā dve gāthā vatvā attano asokabhāvaṃ kathesi. Taṃ sutvā brāhmaṇo ‘‘kathaṃ tvaṃ, ayye, evaṃ asokā jātā’’ti āha. Tassa therī ratanattayaguṇaṃ kathesi.
ат̇а б̣раахман̣о ‘‘гухим̣ сад̇т̇аа’’д̇и бужчид̇ваа ‘‘ид̣̇аани мит̇илааяам̣ вихарад̇ий’’д̇и д̇ам̣ суд̇ваа д̇аавад̣̇зва рат̇ам̣ яож̇зд̇ваа рат̇зна мит̇илам̣ г̇анд̇ваа сад̇т̇аарам̣ убасан̇гамид̇ваа ванд̣̇ид̇ваа саммод̣̇анийяам̣ гат̇ам̣ гад̇ваа згаманд̇ам̣ нисийд̣̇и. д̇асса сад̇т̇аа д̇хаммам̣ д̣̇зсзси. со д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа гхадзнд̇о вааяаманд̇о д̇ад̇ияз д̣̇ивасз арахад̇д̇ам̣ баабун̣и. ат̇а саарат̇и рат̇ам̣ аад̣̇ааяа б̣аараан̣асим̣ г̇анд̇ваа б̣раахман̣ияаа д̇ам̣ бавад̇д̇им̣ аарожзси. сунд̣̇арий ад̇д̇ано бид̇у баб̣б̣аж̇ид̇абхаавам̣ суд̇ваа, ‘‘амма, ахамби баб̣б̣аж̇иссаамий’’д̇и маад̇арам̣ аабужчи. маад̇аа ‘‘яам̣ имасмим̣ г̇зхз бхог̇аж̇аад̇ам̣, саб̣б̣ам̣ д̇ам̣ д̇уяхам̣ санд̇агам̣, д̇вам̣ имасса гуласса д̣̇ааяаад̣̇игаа бадибаж̇ж̇а, имам̣ саб̣б̣абхог̇ам̣ барибхун̃ж̇а, маа баб̣б̣аж̇ий’’д̇и ааха. саа ‘‘на маяхам̣ бхог̇зхи ад̇т̇о, баб̣б̣аж̇иссаамзваахам̣, аммаа’’д̇и маад̇арам̣ ануж̇аанаабзд̇ваа махад̇им̣ самбад̇д̇им̣ кзл̣абин̣д̣ам̣ вияа чад̣д̣зд̇ваа баб̣б̣аж̇и. баб̣б̣аж̇ид̇ваа жа сигкамаанааязва худ̇ваа вибассанам̣ вад̣дхзд̇ваа гхадзнд̇ий вааяаманд̇ий хзд̇усамбаннад̇ааяа н̃аан̣асса барибаагам̣ г̇ад̇ад̇д̇аа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз –
Atha brāhmaṇo ‘‘kuhiṃ satthā’’ti pucchitvā ‘‘idāni mithilāyaṃ viharatī’’ti taṃ sutvā tāvadeva rathaṃ yojetvā rathena mithilaṃ gantvā satthāraṃ upasaṅkamitvā vanditvā sammodanīyaṃ kathaṃ katvā ekamantaṃ nisīdi. Tassa satthā dhammaṃ desesi. So dhammaṃ sutvā paṭiladdhasaddho pabbajitvā vipassanaṃ paṭṭhapetvā ghaṭento vāyamanto tatiye divase arahattaṃ pāpuṇi. Atha sārathi rathaṃ ādāya bārāṇasiṃ gantvā brāhmaṇiyā taṃ pavattiṃ ārocesi. Sundarī attano pitu pabbajitabhāvaṃ sutvā, ‘‘amma, ahampi pabbajissāmī’’ti mātaraṃ āpucchi. Mātā ‘‘yaṃ imasmiṃ gehe bhogajātaṃ, sabbaṃ taṃ tuyhaṃ santakaṃ, tvaṃ imassa kulassa dāyādikā paṭipajja, imaṃ sabbabhogaṃ paribhuñja, mā pabbajī’’ti āha. Sā ‘‘na mayhaṃ bhogehi attho, pabbajissāmevāhaṃ, ammā’’ti mātaraṃ anujānāpetvā mahatiṃ sampattiṃ kheḷapiṇḍaṃ viya chaḍḍetvā pabbaji. Pabbajitvā ca sikkhamānāyeva hutvā vipassanaṃ vaḍḍhetvā ghaṭentī vāyamantī hetusampannatāya ñāṇassa paripākaṃ gatattā saha paṭisambhidāhi arahattaṃ pāpuṇi. Tena vuttaṃ apadāne –
‘‘бин̣д̣абаад̇ам̣ жаранд̇асса, взссабхусса махзсино;
‘‘Piṇḍapātaṃ carantassa, vessabhussa mahesino;
гадажчубхигкамуг̇г̇аяха, б̣уд̣̇д̇хасздтассад̣̇аасахам̣.
Kaṭacchubhikkhamuggayha, buddhaseṭṭhassadāsahaṃ.
‘‘бадиг̇г̇ахзд̇ваа самб̣уд̣̇д̇хо, взссабхуу логанааяаго;
‘‘Paṭiggahetvā sambuddho, vessabhū lokanāyako;
вийт̇ияаа сан̣тид̇о сад̇т̇аа, агаа мз анумод̣̇анам̣.
Vīthiyā saṇṭhito satthā, akā me anumodanaṃ.
‘‘гадажчубхигкам̣ д̣̇ад̇ваана, д̇аавад̇им̣сам̣ г̇амиссаси;
‘‘Kaṭacchubhikkhaṃ datvāna, tāvatiṃsaṃ gamissasi;
чад̇д̇им̣сад̣̇зварааж̇уунам̣, махзсид̇д̇ам̣ гариссаси.
Chattiṃsadevarājūnaṃ, mahesittaṃ karissasi.
‘‘бан̃н̃аасам̣ жаггавад̇д̇ийнам̣, махзсид̇д̇ам̣ гариссаси;
‘‘Paññāsaṃ cakkavattīnaṃ, mahesittaṃ karissasi;
манасаа бад̇т̇ид̇ам̣ саб̣б̣ам̣, бадилажчаси саб̣б̣ад̣̇аа.
Manasā patthitaṃ sabbaṃ, paṭilacchasi sabbadā.
‘‘самбад̇д̇им̣ анубход̇ваана, баб̣б̣аж̇иссаси гин̃жанаа;
‘‘Sampattiṃ anubhotvāna, pabbajissasi kiñcanā;
саб̣б̣аасавз барин̃н̃ааяа, ниб̣б̣ааяиссасинаасаваа.
Sabbāsave pariññāya, nibbāyissasināsavā.
‘‘ид̣̇ам̣ вад̇ваана самб̣уд̣̇д̇хо, взссабхуу логанааяаго;
‘‘Idaṃ vatvāna sambuddho, vessabhū lokanāyako;
набхам̣ аб̣бхуг̇г̇амий вийро, хам̣сарааж̇аава амб̣арз.
Nabhaṃ abbhuggamī vīro, haṃsarājāva ambare.
‘‘суд̣̇иннам̣ мз д̣̇аанаварам̣, суяидтаа яааг̇асамбад̣̇аа;
‘‘Sudinnaṃ me dānavaraṃ, suyiṭṭhā yāgasampadā;
гадажчубхигкам̣ д̣̇ад̇ваана, бад̇д̇аахам̣ ажалам̣ бад̣̇ам̣.
Kaṭacchubhikkhaṃ datvāna, pattāhaṃ acalaṃ padaṃ.
‘‘згад̇им̣сз ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, бхигкаад̣̇аанассид̣̇ам̣ палам̣.
Duggatiṃ nābhijānāmi, bhikkhādānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа паласукзна ниб̣б̣аанасукзна жа вихаранд̇ий абарабхааг̇з ‘‘сад̇т̇у бурад̇о сийханаад̣̇ам̣ над̣̇иссаамий’’д̇и убаж̇жхааяам̣ аабужчид̇ваа б̣аараан̣асид̇о нигкамид̇ваа самб̣ахулаахи бхигкунийхи сад̣̇д̇хим̣ ануггамзна саавад̇т̇им̣ г̇анд̇ваа сад̇т̇у санд̇игам̣ убасан̇гамид̇ваа сад̇т̇аарам̣ ванд̣̇ид̇ваа згаманд̇ам̣ тид̇аа сад̇т̇аараа гад̇абадисант̇аараа сад̇т̇у орасад̇хийд̇убхааваад̣̇ивибхааванзна ан̃н̃ам̣ б̣яаагааси. ат̇ассаа маад̇арам̣ аад̣̇им̣ гад̇ваа саб̣б̣о н̃аад̇иг̇ан̣о бариж̇ано жа баб̣б̣аж̇и. саа абарабхааг̇з ад̇д̇ано бадибад̇д̇им̣ бажжавзгкид̇ваа бид̇араа вуд̇д̇аг̇аат̇ам̣ аад̣̇им̣ гад̇ваа уд̣̇аанавасзна –
Arahattaṃ pana patvā phalasukhena nibbānasukhena ca viharantī aparabhāge ‘‘satthu purato sīhanādaṃ nadissāmī’’ti upajjhāyaṃ āpucchitvā bārāṇasito nikkhamitvā sambahulāhi bhikkhunīhi saddhiṃ anukkamena sāvatthiṃ gantvā satthu santikaṃ upasaṅkamitvā satthāraṃ vanditvā ekamantaṃ ṭhitā satthārā katapaṭisanthārā satthu orasadhītubhāvādivibhāvanena aññaṃ byākāsi. Athassā mātaraṃ ādiṃ katvā sabbo ñātigaṇo parijano ca pabbaji. Sā aparabhāge attano paṭipattiṃ paccavekkhitvā pitarā vuttagāthaṃ ādiṃ katvā udānavasena –
313.
313.
‘‘бзд̇аани бход̇и буд̇д̇аани, каад̣̇амаанаа д̇увам̣ бурз;
‘‘Petāni bhoti puttāni, khādamānā tuvaṃ pure;
д̇увам̣ д̣̇иваа жа рад̇д̇о жа, ад̇ийва барид̇аббаси.
Tuvaṃ divā ca ratto ca, atīva paritappasi.
314.
314.
‘‘сааж̇ж̇а саб̣б̣аани каад̣̇ид̇ваа, сад̇абуд̇д̇аани б̣раахман̣ий;
‘‘Sājja sabbāni khāditvā, sataputtāni brāhmaṇī;
ваасздти гзна ван̣н̣зна, на б̣аал̣хам̣ барид̇аббаси.
Vāseṭṭhi kena vaṇṇena, na bāḷhaṃ paritappasi.
315.
315.
‘‘б̣ахууни буд̇д̇асад̇аани, н̃аад̇исан̇гхасад̇аани жа;
‘‘Bahūni puttasatāni, ñātisaṅghasatāni ca;
каад̣̇ид̇аани ад̇ийд̇ам̣сз, мама д̇ун̃хан̃жа б̣раахман̣а.
Khāditāni atītaṃse, mama tuñhañca brāhmaṇa.
316.
316.
‘‘саахам̣ ниссаран̣ам̣ н̃ад̇ваа, ж̇аад̇ияаа маран̣асса жа;
‘‘Sāhaṃ nissaraṇaṃ ñatvā, jātiyā maraṇassa ca;
на сожаами на род̣̇аами, на жааби барид̇аббаяим̣.
Na socāmi na rodāmi, na cāpi paritappayiṃ.
317.
317.
‘‘аб̣бхуд̇ам̣ вад̇а ваасздти, ваажам̣ бхаасаси зд̣̇исим̣;
‘‘Abbhutaṃ vata vāseṭṭhi, vācaṃ bhāsasi edisiṃ;
гасса д̇вам̣ д̇хаммаман̃н̃ааяа, г̇ирам̣ бхаасаси зд̣̇исим̣.
Kassa tvaṃ dhammamaññāya, giraṃ bhāsasi edisiṃ.
318.
318.
‘‘зса б̣раахман̣а самб̣уд̣̇д̇хо, наг̇арам̣ мит̇илам̣ бад̇и;
‘‘Esa brāhmaṇa sambuddho, nagaraṃ mithilaṃ pati;
саб̣б̣ад̣̇угкаббахаанааяа, д̇хаммам̣ д̣̇зсзси баан̣инам̣.
Sabbadukkhappahānāya, dhammaṃ desesi pāṇinaṃ.
319.
319.
‘‘д̇асса б̣рахмз арахад̇о, д̇хаммам̣ суд̇ваа нируубад̇хим̣;
‘‘Tassa brahme arahato, dhammaṃ sutvā nirūpadhiṃ;
д̇ад̇т̇а вин̃н̃аад̇асад̣̇д̇хаммаа, буд̇д̇асогам̣ б̣яабаануд̣̇им̣.
Tattha viññātasaddhammā, puttasokaṃ byapānudiṃ.
320.
320.
‘‘со ахамби г̇амиссаами, наг̇арам̣ мит̇илам̣ бад̇и;
‘‘So ahampi gamissāmi, nagaraṃ mithilaṃ pati;
аббзва мам̣ со бхаг̇аваа, саб̣б̣ад̣̇угкаа баможаяз.
Appeva maṃ so bhagavā, sabbadukkhā pamocaye.
321.
321.
‘‘ад̣̇д̣̇аса б̣раахман̣о б̣уд̣̇д̇хам̣, виббамуд̇д̇ам̣ нируубад̇хим̣;
‘‘Addasa brāhmaṇo buddhaṃ, vippamuttaṃ nirūpadhiṃ;
свасса д̇хаммамад̣̇зсзси, муни д̣̇угкасса баараг̇уу.
Svassa dhammamadesesi, muni dukkhassa pāragū.
322.
322.
‘‘д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;
‘‘Dukkhaṃ dukkhasamuppādaṃ, dukkhassa ca atikkamaṃ;
арияам̣ жадтан̇г̇игам̣ маг̇г̇ам̣, д̣̇угкуубасамаг̇ааминам̣.
Ariyaṃ caṭṭhaṅgikaṃ maggaṃ, dukkhūpasamagāminaṃ.
323.
323.
‘‘д̇ад̇т̇а вин̃н̃аад̇асад̣̇д̇хаммо, баб̣б̣аж̇ж̇ам̣ самарожаяи;
‘‘Tattha viññātasaddhammo, pabbajjaṃ samarocayi;
суж̇аад̇о д̇ийхи рад̇д̇ийхи, д̇иссо виж̇ж̇аа апассаяи.
Sujāto tīhi rattīhi, tisso vijjā aphassayi.
324.
324.
‘‘зхи саарат̇и г̇ажчаахи, рат̇ам̣ нияяаад̣̇аяаахимам̣;
‘‘Ehi sārathi gacchāhi, rathaṃ niyyādayāhimaṃ;
аарог̇яам̣ б̣раахман̣им̣ важ̇ж̇а, баб̣б̣аж̇и д̣̇аани б̣раахман̣о;
Ārogyaṃ brāhmaṇiṃ vajja, pabbaji dāni brāhmaṇo;
суж̇аад̇о д̇ийхи рад̇д̇ийхи, д̇иссо виж̇ж̇аа апассаяи.
Sujāto tīhi rattīhi, tisso vijjā aphassayi.
325.
325.
‘‘д̇ад̇о жа рат̇амаад̣̇ааяа, сахассан̃жааби саарат̇и;
‘‘Tato ca rathamādāya, sahassañcāpi sārathi;
аарог̇яам̣ б̣раахман̣им̣вожа, ‘баб̣б̣аж̇и д̣̇аани б̣раахман̣о;
Ārogyaṃ brāhmaṇiṃvoca, ‘pabbaji dāni brāhmaṇo;
суж̇аад̇о д̇ийхи рад̇д̇ийхи, д̇иссо виж̇ж̇аа апассаяи.
Sujāto tīhi rattīhi, tisso vijjā aphassayi.
326.
326.
‘‘зд̇ан̃жаахам̣ ассарат̇ам̣, сахассан̃жааби саарат̇и;
‘‘Etañcāhaṃ assarathaṃ, sahassañcāpi sārathi;
д̇звиж̇ж̇ам̣ б̣раахман̣ам̣ суд̇ваа, бун̣н̣абад̇д̇ам̣ д̣̇ад̣̇аами д̇з.
Tevijjaṃ brāhmaṇaṃ sutvā, puṇṇapattaṃ dadāmi te.
327.
327.
‘‘д̇уяхзва ход̇вассарат̇о, сахассан̃жааби б̣раахман̣и;
‘‘Tuyheva hotvassaratho, sahassañcāpi brāhmaṇi;
ахамби баб̣б̣аж̇иссаами, варабан̃н̃асса санд̇игз.
Ahampi pabbajissāmi, varapaññassa santike.
328.
328.
‘‘хад̇т̇ий г̇авассам̣ ман̣игун̣д̣алан̃жа, пийд̇ан̃жимам̣ г̇ахавибхавам̣ бахааяа;
‘‘Hatthī gavassaṃ maṇikuṇḍalañca, phītañcimaṃ gahavibhavaṃ pahāya;
бид̇аа баб̣б̣аж̇ид̇о д̇уяхам̣, бхун̃ж̇а бхог̇аани сунд̣̇арий;
Pitā pabbajito tuyhaṃ, bhuñja bhogāni sundarī;
д̇увам̣ д̣̇ааяаад̣̇игаа гулз.
Tuvaṃ dāyādikā kule.
329.
329.
‘‘хад̇т̇ий г̇авассам̣ ман̣игун̣д̣алан̃жа, раммам̣ жимам̣ г̇ахавибхавам̣ бахааяа;
‘‘Hatthī gavassaṃ maṇikuṇḍalañca, rammaṃ cimaṃ gahavibhavaṃ pahāya;
бид̇аа баб̣б̣аж̇ид̇о маяхам̣, буд̇д̇асогзна аддид̇о;
Pitā pabbajito mayhaṃ, puttasokena aṭṭito;
ахамби баб̣б̣аж̇иссаами, бхаад̇усогзна аддид̇аа.
Ahampi pabbajissāmi, bhātusokena aṭṭitā.
330.
330.
‘‘со д̇з иж̇жхад̇у сан̇габбо, яам̣ д̇вам̣ бад̇т̇зси сунд̣̇арий;
‘‘So te ijjhatu saṅkappo, yaṃ tvaṃ patthesi sundarī;
уд̇д̇идтабин̣д̣о ун̃чо жа, бам̣сугуулан̃жа жийварам̣;
Uttiṭṭhapiṇḍo uñcho ca, paṃsukūlañca cīvaraṃ;
зд̇аани абхисамбхонд̇ий, баралогз анаасаваа.
Etāni abhisambhontī, paraloke anāsavā.
331.
331.
‘‘сигкамаанааяа мз аяяз, д̣̇иб̣б̣ажагку висод̇хид̇ам̣;
‘‘Sikkhamānāya me ayye, dibbacakkhu visodhitaṃ;
буб̣б̣зниваасам̣ ж̇аанаами, яад̇т̇а мз вусид̇ам̣ бурз.
Pubbenivāsaṃ jānāmi, yattha me vusitaṃ pure.
332.
332.
‘‘д̇увам̣ ниссааяа галяаан̣и, т̇зри сан̇гхасса собханз;
‘‘Tuvaṃ nissāya kalyāṇi, theri saṅghassa sobhane;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
333.
333.
‘‘ануж̇аанаахи мз аяяз, ижчз саавад̇т̇и г̇анд̇авз;
‘‘Anujānāhi me ayye, icche sāvatthi gantave;
сийханаад̣̇ам̣ над̣̇иссаами, б̣уд̣̇д̇хасздтасса санд̇игз.
Sīhanādaṃ nadissāmi, buddhaseṭṭhassa santike.
334.
334.
‘‘басса сунд̣̇ари сад̇т̇аарам̣, хзмаван̣н̣ам̣ харид̇д̇ажам̣;
‘‘Passa sundari satthāraṃ, hemavaṇṇaṃ harittacaṃ;
ад̣̇анд̇аанам̣ д̣̇амзд̇аарам̣, самб̣уд̣̇д̇хамагуд̇обхаяам̣.
Adantānaṃ dametāraṃ, sambuddhamakutobhayaṃ.
335.
335.
‘‘басса сунд̣̇аримааяанд̇им̣, виббамуд̇д̇ам̣ нируубад̇хим̣;
‘‘Passa sundarimāyantiṃ, vippamuttaṃ nirūpadhiṃ;
вийд̇арааг̇ам̣ висам̣яуд̇д̇ам̣, гад̇агижжаманаасавам̣.
Vītarāgaṃ visaṃyuttaṃ, katakiccamanāsavaṃ.
336.
336.
‘‘б̣аараан̣асид̇о нигкамма, д̇ава санд̇игамааг̇ад̇аа;
‘‘Bārāṇasito nikkhamma, tava santikamāgatā;
саавигаа д̇з махаавийра, баад̣̇з ванд̣̇ад̇и сунд̣̇арий.
Sāvikā te mahāvīra, pāde vandati sundarī.
337.
337.
‘‘д̇увам̣ б̣уд̣̇д̇хо д̇увам̣ сад̇т̇аа, д̇уяхам̣ д̇хийд̇аамхи б̣раахман̣а;
‘‘Tuvaṃ buddho tuvaṃ satthā, tuyhaṃ dhītāmhi brāhmaṇa;
орасаа мукад̇о ж̇аад̇аа, гад̇агижжаа анаасаваа.
Orasā mukhato jātā, katakiccā anāsavā.
338.
338.
‘‘д̇ассаа д̇з свааг̇ад̇ам̣ бхад̣̇д̣̇з, д̇ад̇о д̇з ад̣̇урааг̇ад̇ам̣;
‘‘Tassā te svāgataṃ bhadde, tato te adurāgataṃ;
зван̃хи д̣̇анд̇аа ааяанд̇и, сад̇т̇у баад̣̇аани ванд̣̇игаа;
Evañhi dantā āyanti, satthu pādāni vandikā;
вийд̇арааг̇аа висам̣яуд̇д̇аа, гад̇агижжаа анаасаваа’’д̇и. –
Vītarāgā visaṃyuttā, katakiccā anāsavā’’ti. –
имаа г̇аат̇аа бажжуд̣̇аахааси.
Imā gāthā paccudāhāsi.
д̇ад̇т̇а бзд̇аанийд̇и мад̇аани. бход̇ийд̇и д̇ам̣ аалабад̇и. буд̇д̇аанийд̇и лин̇г̇авибаллаасзна вуд̇д̇ам̣, бзд̇з буд̇д̇зд̇и ад̇т̇о. зго зва жа д̇ассаа буд̇д̇о мад̇о, б̣раахман̣о бана ‘‘жирагаалам̣ аяам̣ согзна аддаа худ̇ваа вижари, б̣ахуу ман̃н̃з имиссаа буд̇д̇аа мад̇аа’’д̇и звам̣сан̃н̃ий худ̇ваа б̣ахуважанзнааха. д̇ат̇аа жа ‘‘сааж̇ж̇а саб̣б̣аани каад̣̇ид̇ваа сад̇абуд̇д̇ааний’’д̇и. каад̣̇амаанаад̇и логавохааравасзна кум̣санаважанамзд̇ам̣. логз хи яассаа ид̇т̇ияаа ж̇аад̇аж̇аад̇аа буд̇д̇аа маранд̇и, д̇ам̣ г̇араханд̇аа ‘‘буд̇д̇акаад̣̇иний’’д̇иаад̣̇им̣ вад̣̇анд̇и. ад̇ийваад̇и ад̇ивияа бхусам̣. барид̇аббасийд̇и санд̇аббаси, бурзд̇и яож̇анаа. аяан̃хзд̇т̇а сан̇кзбад̇т̇о – бход̇и ваасздти, буб̣б̣з д̇вам̣ мад̇абуд̇д̇аа худ̇ваа сожанд̇ий барид̣̇званд̇ий ад̇ивияа согааяа самаббид̇аа г̇ааманиг̇амарааж̇ад̇хаанияо аахин̣д̣аси.
Tattha petānīti matāni. Bhotīti taṃ ālapati. Puttānīti liṅgavipallāsena vuttaṃ, pete putteti attho. Eko eva ca tassā putto mato, brāhmaṇo pana ‘‘cirakālaṃ ayaṃ sokena aṭṭā hutvā vicari, bahū maññe imissā puttā matā’’ti evaṃsaññī hutvā bahuvacanenāha. Tathā ca ‘‘sājja sabbāni khāditvā sataputtānī’’ti. Khādamānāti lokavohāravasena khuṃsanavacanametaṃ. Loke hi yassā itthiyā jātajātā puttā maranti, taṃ garahantā ‘‘puttakhādinī’’tiādiṃ vadanti. Atīvāti ativiya bhusaṃ. Paritappasīti santappasi, pureti yojanā. Ayañhettha saṅkhepattho – bhoti vāseṭṭhi, pubbe tvaṃ mataputtā hutvā socantī paridevantī ativiya sokāya samappitā gāmanigamarājadhāniyo āhiṇḍasi.
сааж̇ж̇аад̇и саа аж̇ж̇а, саа д̇вам̣ зд̇арахийд̇и ад̇т̇о. ‘‘саж̇ж̇аа’’д̇и ваа баато. гзна ван̣н̣знаад̇и гзна гааран̣зна.
Sājjāti sā ajja, sā tvaṃ etarahīti attho. ‘‘Sajjā’’ti vā pāṭho. Kena vaṇṇenāti kena kāraṇena.
каад̣̇ид̇аанийд̇и т̇зрийби б̣раахман̣зна вуд̇д̇абарияааязнзва вад̣̇ад̇и. каад̣̇ид̇аани ваа б̣яаг̇гхад̣̇ийбиб̣ил̣аараад̣̇иж̇аад̇ияо санд̇хааязвамааха. ад̇ийд̇ам̣сзд̇и ад̇ийд̇агодтаасз, ад̇игганд̇абхавзсууд̇и ад̇т̇о. мама д̇уяхан̃жаад̇и маяаа жа д̇аяаа жа.
Khāditānīti therīpi brāhmaṇena vuttapariyāyeneva vadati. Khāditāni vā byagghadīpibiḷārādijātiyo sandhāyevamāha. Atītaṃseti atītakoṭṭhāse, atikkantabhavesūti attho. Mama tuyhañcāti mayā ca tayā ca.
ниссаран̣ам̣ н̃ад̇ваа ж̇аад̇ияаа маран̣асса жаад̇и ж̇аад̇иж̇араамаран̣аанам̣ ниссаран̣абхууд̇ам̣ ниб̣б̣аанам̣ маг̇г̇ан̃аан̣зна бадивиж̇жхид̇ваа. на жааби барид̇аббаяинд̇и на жааби убааяаасаасим̣, ахам̣ убааяаасам̣ на аабаж̇ж̇инд̇и ад̇т̇о.
Nissaraṇaṃ ñatvā jātiyā maraṇassa cāti jātijarāmaraṇānaṃ nissaraṇabhūtaṃ nibbānaṃ maggañāṇena paṭivijjhitvā. Na cāpi paritappayinti na cāpi upāyāsāsiṃ, ahaṃ upāyāsaṃ na āpajjinti attho.
аб̣бхуд̇ам̣ вад̇аад̇и ажчарияам̣ вад̇а. д̇ан̃хи аб̣бхуд̇ам̣ буб̣б̣з абхууд̇ам̣ аб̣бхуд̇анд̇и вужжад̇и. зд̣̇исинд̇и зваруубим̣, ‘‘на сожаами на род̣̇аами, на жааби барид̇аббаяи’’нд̇и звам̣ сожанаад̣̇ийнам̣ абхаавад̣̇ийбаним̣ ваажам̣. гасса д̇вам̣ д̇хаммаман̃н̃ааяаад̇и гзвалам̣ яат̇аа зд̣̇исо д̇хаммо лад̣̇д̇хум̣ на саггаа, д̇асмаа гасса наама сад̇т̇уно д̇хаммаман̃н̃ааяа г̇ирам̣ бхаасаси зд̣̇исанд̇и сад̇т̇аарам̣ саасанан̃жа бужчад̇и.
Abbhutaṃ vatāti acchariyaṃ vata. Tañhi abbhutaṃ pubbe abhūtaṃ abbhutanti vuccati. Edisinti evarūpiṃ, ‘‘na socāmi na rodāmi, na cāpi paritappayi’’nti evaṃ socanādīnaṃ abhāvadīpaniṃ vācaṃ. Kassa tvaṃ dhammamaññāyāti kevalaṃ yathā ediso dhammo laddhuṃ na sakkā, tasmā kassa nāma satthuno dhammamaññāya giraṃ bhāsasi edisanti satthāraṃ sāsanañca pucchati.
нируубад̇хинд̇и нид̣̇д̣̇угкам̣. вин̃н̃аад̇асад̣̇д̇хаммаад̇и бадивид̣̇д̇хаарияасажжад̇хаммаа. б̣яабаануд̣̇инд̇и нийхарим̣ баж̇ахим̣.
Nirūpadhinti niddukkhaṃ. Viññātasaddhammāti paṭividdhaariyasaccadhammā. Byapānudinti nīhariṃ pajahiṃ.
виббамуд̇д̇анд̇и саб̣б̣асо вимуд̇д̇ам̣, саб̣б̣агилзсзхи саб̣б̣абхавзхи жа висам̣яуд̇д̇ам̣. свассаад̇и со саммаасамб̣уд̣̇д̇хо асса б̣раахман̣асса.
Vippamuttanti sabbaso vimuttaṃ, sabbakilesehi sabbabhavehi ca visaṃyuttaṃ. Svassāti so sammāsambuddho assa brāhmaṇassa.
д̇ад̇т̇аад̇и д̇ассам̣ жад̇усажжад̇хаммад̣̇зсанааяам̣.
Tatthāti tassaṃ catusaccadhammadesanāyaṃ.
рат̇ам̣ нияяаад̣̇аяаахиманд̇и имам̣ рат̇ам̣ б̣раахман̣ияаа нияяаад̣̇зхи.
Rathaṃ niyyādayāhimanti imaṃ rathaṃ brāhmaṇiyā niyyādehi.
сахассан̃жаабийд̇и маг̇г̇абариб̣б̣аяад̇т̇ам̣ нийд̇ам̣ гахаабан̣асахассан̃жааби аад̣̇ааяа нияяаад̣̇зхийд̇и яож̇анаа.
Sahassañcāpīti maggaparibbayatthaṃ nītaṃ kahāpaṇasahassañcāpi ādāya niyyādehīti yojanā.
ассарат̇анд̇и ассаяуд̇д̇арат̇ам̣. бун̣н̣абад̇д̇анд̇и д̇удтид̣̇аанам̣.
Assarathanti assayuttarathaṃ. Puṇṇapattanti tuṭṭhidānaṃ.
звам̣ б̣раахман̣ияаа д̇удтид̣̇аанз д̣̇ияяамаанз д̇ам̣ асамбадижчанд̇о саарат̇и ‘‘д̇уяхзва ход̇уу’’д̇и г̇аат̇ам̣ вад̇ваа сад̇т̇у санд̇игамзва г̇анд̇ваа баб̣б̣аж̇и. баб̣б̣аж̇ид̇з бана саарат̇имхи б̣раахман̣ий ад̇д̇ано д̇хийд̇арам̣ сунд̣̇арим̣ ааманд̇зд̇ваа гхарааваасз нияож̇знд̇ий ‘‘хад̇т̇ий г̇авасса’’нд̇и г̇аат̇амааха. д̇ад̇т̇а хад̇т̇ийд̇и хад̇т̇ино. г̇авассанд̇и г̇ааво жа ассаа жа. ман̣игун̣д̣алан̃жаад̇и ман̣и жа гун̣д̣алаани жа. пийд̇ан̃жимам̣ г̇ахавибхавам̣ бахааяаад̇и имам̣ хад̇т̇иаад̣̇иббабхзд̣̇ам̣ яат̇аавуд̇д̇ам̣ авуд̇д̇ан̃жа кзд̇д̇авад̇т̇ухиран̃н̃асуван̣н̣аад̣̇ибхзд̣̇ам̣ пийд̇ам̣ бахууд̇ан̃жа г̇ахавибхавам̣ г̇зхуубагаран̣ам̣ ан̃н̃ан̃жа д̣̇аасид̣̇аасаад̣̇игам̣ саб̣б̣ам̣ бахааяа д̇ава бид̇аа баб̣б̣аж̇ид̇о. бхун̃ж̇а бхог̇аани сунд̣̇арийд̇и сунд̣̇ари, д̇вам̣ имз бхог̇з бхун̃ж̇ассу. д̇увам̣ д̣̇ааяаад̣̇игаа гулзд̇и д̇уван̃хи имасмим̣ гулз д̣̇ааяаж̇ж̇аарахаад̇и.
Evaṃ brāhmaṇiyā tuṭṭhidāne diyyamāne taṃ asampaṭicchanto sārathi ‘‘tuyheva hotū’’ti gāthaṃ vatvā satthu santikameva gantvā pabbaji. Pabbajite pana sārathimhi brāhmaṇī attano dhītaraṃ sundariṃ āmantetvā gharāvāse niyojentī ‘‘hatthī gavassa’’nti gāthamāha. Tattha hatthīti hatthino. Gavassanti gāvo ca assā ca. Maṇikuṇḍalañcāti maṇi ca kuṇḍalāni ca. Phītañcimaṃ gahavibhavaṃ pahāyāti imaṃ hatthiādippabhedaṃ yathāvuttaṃ avuttañca khettavatthuhiraññasuvaṇṇādibhedaṃ phītaṃ pahūtañca gahavibhavaṃ gehūpakaraṇaṃ aññañca dāsidāsādikaṃ sabbaṃ pahāya tava pitā pabbajito. Bhuñja bhogāni sundarīti sundari, tvaṃ ime bhoge bhuñjassu. Tuvaṃ dāyādikā kuleti tuvañhi imasmiṃ kule dāyajjārahāti.
д̇ам̣ суд̇ваа сунд̣̇арий ад̇д̇ано нзгкаммаж̇жхаасаяам̣ багаасзнд̇ий ‘‘хад̇т̇ийг̇авасса’’нд̇иаад̣̇имааха.
Taṃ sutvā sundarī attano nekkhammajjhāsayaṃ pakāsentī ‘‘hatthīgavassa’’ntiādimāha.
ат̇а нам̣ маад̇аа нзгкаммзязва нияож̇знд̇ий ‘‘со д̇з иж̇жхад̇уу’’д̇иаад̣̇инаа д̣̇ияад̣дхаг̇аат̇амааха. д̇ад̇т̇а яам̣ д̇вам̣ бад̇т̇зси сунд̣̇арийд̇и сунд̣̇ари д̇вам̣ ид̣̇аани яам̣ бад̇т̇зси ааган̇каси. со д̇ава баб̣б̣аж̇ж̇ааяа сан̇габбо баб̣б̣аж̇ж̇ааяа чанд̣̇о иж̇жхад̇у ананд̇арааязна сиж̇жхад̇у. уд̇д̇идтабин̣д̣од̇и гхарз гхарз бад̇идтид̇ваа лад̣̇д̇хаб̣б̣абхигкаабин̣д̣о. ун̃чод̇и д̇ад̣̇ад̇т̇ам̣ гхарабадибаадияаа аахин̣д̣анам̣ уд̣̇д̣̇исса таанан̃жа. зд̇аанийд̇и уд̇д̇идтабин̣д̣аад̣̇ийни. абхисамбхонд̇ийд̇и аниб̣б̣иннаруубаа ж̇ан̇гхаб̣алам̣ ниссааяа абхисамбхаванд̇ий, саад̇хзнд̇ийд̇и ад̇т̇о.
Atha naṃ mātā nekkhammeyeva niyojentī ‘‘so te ijjhatū’’tiādinā diyaḍḍhagāthamāha. Tattha yaṃ tvaṃ patthesi sundarīti sundari tvaṃ idāni yaṃ patthesi ākaṅkhasi. So tava pabbajjāya saṅkappo pabbajjāya chando ijjhatu anantarāyena sijjhatu. Uttiṭṭhapiṇḍoti ghare ghare patiṭṭhitvā laddhabbabhikkhāpiṇḍo. Uñchoti tadatthaṃ gharapaṭipāṭiyā āhiṇḍanaṃ uddissa ṭhānañca. Etānīti uttiṭṭhapiṇḍādīni. Abhisambhontīti anibbinnarūpā jaṅghabalaṃ nissāya abhisambhavantī, sādhentīti attho.
ат̇а сунд̣̇арий ‘‘саад̇ху, аммаа’’д̇и маад̇уяаа бадиссун̣ид̇ваа нигкамид̇ваа бхигкунубассаяам̣ г̇анд̇ваа сигкамаанааязва самаанаа д̇иссо виж̇ж̇аа сажчигад̇ваа ‘‘сад̇т̇у санд̇игам̣ г̇амиссаамий’’д̇и убаж̇жхааяам̣ аарожзд̇ваа бхигкунийхи сад̣̇д̇хим̣ саавад̇т̇им̣ аг̇амааси. д̇зна вуд̇д̇ам̣ ‘‘сигкамаанааяа мз, аяяз’’д̇иаад̣̇и. д̇ад̇т̇а сигкамаанааяа мзд̇и сигкамаанааяа самаанааяа маяаа. аяязд̇и ад̇д̇ано убаж̇жхааяам̣ аалабад̇и.
Atha sundarī ‘‘sādhu, ammā’’ti mātuyā paṭissuṇitvā nikkhamitvā bhikkhunupassayaṃ gantvā sikkhamānāyeva samānā tisso vijjā sacchikatvā ‘‘satthu santikaṃ gamissāmī’’ti upajjhāyaṃ ārocetvā bhikkhunīhi saddhiṃ sāvatthiṃ agamāsi. Tena vuttaṃ ‘‘sikkhamānāya me, ayye’’tiādi. Tattha sikkhamānāya meti sikkhamānāya samānāya mayā. Ayyeti attano upajjhāyaṃ ālapati.
д̇увам̣ ниссааяа галяаан̣и, т̇зри сан̇гхасса собханзд̇и бхигкунисан̇гхз вуд̣̇д̇хад̇арабхаавзна т̇ираг̇ун̣аяог̇зна жа сан̇гхад̇т̇зри собханзхи сийлаад̣̇ийхи саманнааг̇ад̇ад̇д̇аа собханз галяаан̣и галяаан̣амид̇д̇з, аяяз, д̇ам̣ ниссааяа маяаа д̇иссо виж̇ж̇аа ануббад̇д̇аа гад̇ам̣ б̣уд̣̇д̇хасса саасананд̇и яож̇анаа.
Tuvaṃ nissāya kalyāṇi, theri saṅghassa sobhaneti bhikkhunisaṅghe vuddhatarabhāvena thiraguṇayogena ca saṅghattheri sobhanehi sīlādīhi samannāgatattā sobhane kalyāṇi kalyāṇamitte, ayye, taṃ nissāya mayā tisso vijjā anuppattā kataṃ buddhassa sāsananti yojanā.
ижчзд̇и ижчаами. саавад̇т̇и г̇анд̇авзд̇и саавад̇т̇им̣ г̇анд̇ум̣. сийханаад̣̇ам̣ над̣̇иссаамийд̇и ан̃н̃ааб̣яаагаран̣амзва санд̇хааяааха.
Iccheti icchāmi. Sāvatthi gantaveti sāvatthiṃ gantuṃ. Sīhanādaṃ nadissāmīti aññābyākaraṇameva sandhāyāha.
ат̇а сунд̣̇арий ануггамзна саавад̇т̇им̣ г̇анд̇ваа вихаарам̣ бависид̇ваа сад̇т̇аарам̣ д̇хаммаасанз нисиннам̣ д̣̇исваа ул̣аарам̣ бийд̇исоманассам̣ бадисам̣взд̣̇аяамаанаа ад̇д̇аанамзва аалабанд̇ий ааха ‘‘басса сунд̣̇арий’’д̇и. хзмаван̣н̣анд̇и суван̣н̣аван̣н̣ам̣. харид̇д̇ажанд̇и ган̃жанасаннибхад̇д̇ажам̣. зд̇т̇а жа бхаг̇аваа бийд̇аван̣н̣зна ‘‘суван̣н̣аван̣н̣о’’д̇и вужжад̇и. ат̇а ко саммад̣̇зва гхам̣сид̇ваа ж̇аад̇ихин̇г̇улагзна анулимбид̇ваа субаримаж̇ж̇ид̇аган̃жанаад̣̇аасасаннибход̇и д̣̇ассзд̇ум̣ ‘‘хзмаван̣н̣а’’нд̇и вад̇ваа ‘‘харид̇д̇ажа’’нд̇и вуд̇д̇ам̣.
Atha sundarī anukkamena sāvatthiṃ gantvā vihāraṃ pavisitvā satthāraṃ dhammāsane nisinnaṃ disvā uḷāraṃ pītisomanassaṃ paṭisaṃvedayamānā attānameva ālapantī āha ‘‘passa sundarī’’ti. Hemavaṇṇanti suvaṇṇavaṇṇaṃ. Harittacanti kañcanasannibhattacaṃ. Ettha ca bhagavā pītavaṇṇena ‘‘suvaṇṇavaṇṇo’’ti vuccati. Atha kho sammadeva ghaṃsitvā jātihiṅgulakena anulimpitvā suparimajjitakañcanādāsasannibhoti dassetuṃ ‘‘hemavaṇṇa’’nti vatvā ‘‘harittaca’’nti vuttaṃ.
басса сунд̣̇аримааяанд̇инд̇и д̇ам̣ сунд̣̇аринаамигам̣ мам̣ бхаг̇аваа ааг̇ажчанд̇и басса. ‘‘виббамуд̇д̇а’’нд̇иаад̣̇инаа ан̃н̃ам̣ б̣яаагаронд̇ий бийд̇ивибпааравасзна вад̣̇ад̇и.
Passa sundarimāyantinti taṃ sundarināmikaṃ maṃ bhagavā āgacchanti passa. ‘‘Vippamutta’’ntiādinā aññaṃ byākarontī pītivipphāravasena vadati.
гуд̇о бана ааг̇ад̇аа, гад̇т̇а жа ааг̇ад̇аа, гийд̣̇исаа жааяам̣ сунд̣̇арийд̇и аасан̇ганд̇аанам̣ аасан̇гам̣ нивад̇д̇зд̇ум̣ ‘‘б̣аараан̣асид̇о’’д̇и г̇аат̇ам̣ вад̇ваа д̇ад̇т̇а ‘‘саавигаа жаа’’д̇и вуд̇д̇амад̇т̇ам̣ баагадад̇арам̣ гаад̇ум̣ ‘‘д̇увам̣ б̣уд̣̇д̇хо’’д̇и г̇аат̇амааха. д̇ассад̇т̇о – имасмим̣ сад̣̇звагз логз д̇увамзвзго саб̣б̣ан̃н̃уб̣уд̣̇д̇хо, д̣̇идтад̇хаммигасамбарааяигабарамад̇т̇зхи яат̇аарахам̣ анусаасанад̇о д̇увам̣ мз сад̇т̇аа, ахан̃жа кийн̣аасаваб̣раахман̣ий бхаг̇аваа д̇уяхам̣ урз вааяаама ж̇анид̇аабхиж̇аад̇ид̇ааяа орасаа, мукад̇о бавад̇д̇ад̇хаммагхосзна саасанасса жа мукабхууд̇зна арияамаг̇г̇зна ж̇аад̇ад̇д̇аа мукад̇о ж̇аад̇аа, нидтид̇абарин̃н̃аад̇аад̣̇игаран̣ийяад̇ааяа гад̇агижжаа, саб̣б̣асо аасаваанам̣ кзбид̇ад̇д̇аа анаасаваад̇и.
Kuto pana āgatā, kattha ca āgatā, kīdisā cāyaṃ sundarīti āsaṅkantānaṃ āsaṅkaṃ nivattetuṃ ‘‘bārāṇasito’’ti gāthaṃ vatvā tattha ‘‘sāvikā cā’’ti vuttamatthaṃ pākaṭataraṃ kātuṃ ‘‘tuvaṃ buddho’’ti gāthamāha. Tassattho – imasmiṃ sadevake loke tuvameveko sabbaññubuddho, diṭṭhadhammikasamparāyikaparamatthehi yathārahaṃ anusāsanato tuvaṃ me satthā, ahañca khīṇāsavabrāhmaṇī bhagavā tuyhaṃ ure vāyāma janitābhijātitāya orasā, mukhato pavattadhammaghosena sāsanassa ca mukhabhūtena ariyamaggena jātattā mukhato jātā, niṭṭhitapariññātādikaraṇīyatāya katakiccā, sabbaso āsavānaṃ khepitattā anāsavāti.
ат̇ассаа сад̇т̇аа ааг̇аманам̣ абхинанд̣̇анд̇о ‘‘д̇ассаа д̇з свааг̇ад̇а’’нд̇и г̇аат̇амааха. д̇ассад̇т̇о – яаа д̇вам̣ маяаа ад̇хиг̇ад̇ам̣ д̇хаммам̣ яаат̇аавад̇о ад̇хиг̇ажчи. д̇ассаа д̇з, бхад̣̇д̣̇з сунд̣̇ари, ид̇ха мама санд̇игз ааг̇ад̇ам̣ ааг̇аманам̣ суааг̇ад̇ам̣. д̇ад̇о зва д̇ам̣ ад̣̇урааг̇ад̇ам̣ на д̣̇урааг̇ад̇ам̣ ход̇и. гасмаа? яасмаа зван̃хи д̣̇анд̇аа ааяанд̇ийд̇и, яат̇аа д̇вам̣ сунд̣̇ари, зван̃хи уд̇д̇амзна арияамаг̇г̇ад̣̇амат̇зна д̣̇анд̇аа д̇ад̇о зва саб̣б̣ад̇хи вийд̇арааг̇аа, саб̣б̣зсам̣ сам̣яож̇анаанам̣ самужчиннад̇д̇аа висам̣яуд̇д̇аа гад̇агижжаа анаасаваа сад̇т̇у баад̣̇аанам̣ ванд̣̇игаа ааг̇ажчанд̇и, д̇асмаа д̇ассаа д̇з свааг̇ад̇ам̣ ад̣̇урааг̇ад̇анд̇и яож̇анаа.
Athassā satthā āgamanaṃ abhinandanto ‘‘tassā te svāgata’’nti gāthamāha. Tassattho – yā tvaṃ mayā adhigataṃ dhammaṃ yāthāvato adhigacchi. Tassā te, bhadde sundari, idha mama santike āgataṃ āgamanaṃ suāgataṃ. Tato eva taṃ adurāgataṃ na durāgataṃ hoti. Kasmā? Yasmā evañhi dantā āyantīti, yathā tvaṃ sundari, evañhi uttamena ariyamaggadamathena dantā tato eva sabbadhi vītarāgā, sabbesaṃ saṃyojanānaṃ samucchinnattā visaṃyuttā katakiccā anāsavā satthu pādānaṃ vandikā āgacchanti, tasmā tassā te svāgataṃ adurāgatanti yojanā.
сунд̣̇арийт̇зрийг̇аат̇ааван̣н̣анаа нидтид̇аа.
Sundarītherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 4. сунд̣̇арийт̇зрийг̇аат̇аа • 4. Sundarītherīgāthā
