| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
6. суггаат̇зрийг̇аат̇ааван̣н̣анаа
6. Sukkātherīgāthāvaṇṇanā
гим̣мз гад̇аа рааж̇аг̇ахзд̇иаад̣̇игаа суггааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ий вибассисса бхаг̇авад̇о гаалз б̣анд̇хумад̇ийнаг̇арз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇аа убаасигаахи сад̣̇д̇хим̣ вихаарам̣ г̇анд̇ваа сад̇т̇у санд̇игз д̇хаммам̣ суд̇ваа бадилад̣̇д̇хасад̣̇д̇хаа баб̣б̣аж̇ид̇ваа б̣ахуссуд̇аа д̇хаммад̇хараа бадибхаанавад̇ий ахоси. саа д̇ад̇т̇а б̣ахууни вассасахассаани б̣рахмажарияам̣ жарид̇ваа бут̇уж̇ж̇анагаалагирияамзва гад̇ваа д̇усид̇з ниб̣б̣ад̇д̇и. д̇ат̇аа сикисса бхаг̇авад̇о, взссабхусса бхаг̇авад̇о гаалзд̇и звам̣ д̇ин̣н̣ам̣ саммаасамб̣уд̣̇д̇хаанам̣ саасанз сийлам̣ рагкид̇ваа б̣ахуссуд̇аа д̇хаммад̇хараа ахоси, д̇ат̇аа гагусанд̇хасса, гон̣ааг̇аманасса, гассабасса жа бхаг̇авад̇о саасанз баб̣б̣аж̇ид̇ваа висуд̣̇д̇хасийлаа б̣ахуссуд̇аа д̇хаммагат̇игаа ахоси.
Kiṃme katā rājagahetiādikā sukkāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantī vipassissa bhagavato kāle bandhumatīnagare kulagehe nibbattitvā viññutaṃ pattā upāsikāhi saddhiṃ vihāraṃ gantvā satthu santike dhammaṃ sutvā paṭiladdhasaddhā pabbajitvā bahussutā dhammadharā paṭibhānavatī ahosi. Sā tattha bahūni vassasahassāni brahmacariyaṃ caritvā puthujjanakālakiriyameva katvā tusite nibbatti. Tathā sikhissa bhagavato, vessabhussa bhagavato kāleti evaṃ tiṇṇaṃ sammāsambuddhānaṃ sāsane sīlaṃ rakkhitvā bahussutā dhammadharā ahosi, tathā kakusandhassa, koṇāgamanassa, kassapassa ca bhagavato sāsane pabbajitvā visuddhasīlā bahussutā dhammakathikā ahosi.
звам̣ саа д̇ад̇т̇а д̇ад̇т̇а б̣ахум̣ бун̃н̃ам̣ убажинид̇ваа суг̇ад̇ийсуязва сам̣саранд̇ий имасмим̣ б̣уд̣̇д̇хуббаад̣̇з рааж̇аг̇аханаг̇арз г̇ахабад̇имахаасаалагулз ниб̣б̣ад̇д̇и, суггаад̇иссаа наамам̣ ахоси. саа вин̃н̃уд̇ам̣ бад̇д̇аа сад̇т̇у рааж̇аг̇ахабавзсанз лад̣̇д̇хаббасаад̣̇аа убаасигаа худ̇ваа абарабхааг̇з д̇хаммад̣̇иннааяа т̇зрияаа санд̇игз д̇хаммам̣ суд̇ваа сан̃ж̇аад̇асам̣взг̇аа д̇ассаа зва санд̇игз баб̣б̣аж̇ид̇ваа вибассанааяа гаммам̣ гаронд̇ий нажирассзва саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.4.111-142) –
Evaṃ sā tattha tattha bahuṃ puññaṃ upacinitvā sugatīsuyeva saṃsarantī imasmiṃ buddhuppāde rājagahanagare gahapatimahāsālakule nibbatti, sukkātissā nāmaṃ ahosi. Sā viññutaṃ pattā satthu rājagahapavesane laddhappasādā upāsikā hutvā aparabhāge dhammadinnāya theriyā santike dhammaṃ sutvā sañjātasaṃvegā tassā eva santike pabbajitvā vipassanāya kammaṃ karontī nacirasseva saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.4.111-142) –
‘‘зганавуд̇ид̇о габбз, вибассий наама нааяаго;
‘‘Ekanavutito kappe, vipassī nāma nāyako;
уббаж̇ж̇и жааруд̣̇ассано, саб̣б̣ад̇хаммавибассаго.
Uppajji cārudassano, sabbadhammavipassako.
‘‘д̇ад̣̇аахам̣ б̣анд̇хумад̇ияам̣, ж̇аад̇аа ан̃н̃ад̇арз гулз;
‘‘Tadāhaṃ bandhumatiyaṃ, jātā aññatare kule;
д̇хаммам̣ суд̇ваана мунино, баб̣б̣аж̇им̣ анаг̇аарияам̣.
Dhammaṃ sutvāna munino, pabbajiṃ anagāriyaṃ.
‘‘б̣ахуссуд̇аа д̇хаммад̇хараа, бадибхаанавад̇ий д̇ат̇аа;
‘‘Bahussutā dhammadharā, paṭibhānavatī tathā;
вижид̇д̇агат̇игаа жааби, ж̇инасаасанагааригаа.
Vicittakathikā cāpi, jinasāsanakārikā.
‘‘д̇ад̣̇аа д̇хаммагат̇ам̣ гад̇ваа, хид̇ааяа ж̇анад̇ам̣ б̣ахум̣;
‘‘Tadā dhammakathaṃ katvā, hitāya janataṃ bahuṃ;
д̇ад̇о жуд̇аахам̣ д̇усид̇ам̣, убабаннаа яасассиний.
Tato cutāhaṃ tusitaṃ, upapannā yasassinī.
‘‘згад̇д̇им̣сз ид̇о габбз, сикий вияа сикий ж̇ино;
‘‘Ekattiṃse ito kappe, sikhī viya sikhī jino;
д̇абанд̇о яасасаа логз, уббаж̇ж̇и вад̣̇ад̇ам̣ варо.
Tapanto yasasā loke, uppajji vadataṃ varo.
‘‘д̇ад̣̇ааби баб̣б̣аж̇ид̇ваана, б̣уд̣̇д̇хасаасанаговид̣̇аа;
‘‘Tadāpi pabbajitvāna, buddhasāsanakovidā;
ж̇од̇зд̇ваа ж̇инаваагяаани, д̇ад̇оби д̇ид̣̇ивам̣ г̇ад̇аа.
Jotetvā jinavākyāni, tatopi tidivaṃ gatā.
‘‘згад̇д̇им̣сзва габбамхи, взссабхуу наама нааяаго;
‘‘Ekattiṃseva kappamhi, vessabhū nāma nāyako;
уббаж̇ж̇ид̇т̇а махаан̃аан̣ий, д̇ад̣̇ааби жа д̇ат̇звахам̣.
Uppajjittha mahāñāṇī, tadāpi ca tathevahaṃ.
‘‘баб̣б̣аж̇ид̇ваа д̇хаммад̇хараа, ж̇од̇аяим̣ ж̇инасаасанам̣;
‘‘Pabbajitvā dhammadharā, jotayiṃ jinasāsanaṃ;
г̇анд̇ваа марубурам̣ раммам̣, анубхосим̣ махаасукам̣.
Gantvā marupuraṃ rammaṃ, anubhosiṃ mahāsukhaṃ.
‘‘имамхи бхад̣̇д̣̇агз габбз, гагусанд̇хо ж̇инуд̇д̇амо;
‘‘Imamhi bhaddake kappe, kakusandho jinuttamo;
уббаж̇ж̇и нарасаран̣о, д̇ад̣̇ааби жа д̇ат̇звахам̣.
Uppajji narasaraṇo, tadāpi ca tathevahaṃ.
‘‘баб̣б̣аж̇ид̇ваа мунимад̇ам̣, ж̇од̇аяид̇ваа яат̇ааяугам̣;
‘‘Pabbajitvā munimataṃ, jotayitvā yathāyukaṃ;
д̇ад̇о жуд̇аахам̣ д̇ид̣̇ивам̣, аг̇ам̣ сабхаванам̣ яат̇аа.
Tato cutāhaṃ tidivaṃ, agaṃ sabhavanaṃ yathā.
‘‘имасмим̣язва габбамхи, гон̣ааг̇амананааяаго;
‘‘Imasmiṃyeva kappamhi, koṇāgamananāyako;
уббаж̇ж̇и логасаран̣о, аран̣о амад̇ан̇г̇ад̇о.
Uppajji lokasaraṇo, araṇo amataṅgato.
‘‘д̇ад̣̇ааби баб̣б̣аж̇ид̇ваана, саасанз д̇асса д̇аад̣̇ино;
‘‘Tadāpi pabbajitvāna, sāsane tassa tādino;
б̣ахуссуд̇аа д̇хаммад̇хараа, ж̇од̇аяим̣ ж̇инасаасанам̣.
Bahussutā dhammadharā, jotayiṃ jinasāsanaṃ.
‘‘имасмим̣язва габбамхи, гассабо мунимуд̇д̇амо;
‘‘Imasmiṃyeva kappamhi, kassapo munimuttamo;
уббаж̇ж̇и логасаран̣о, аран̣о маран̣анд̇аг̇уу.
Uppajji lokasaraṇo, araṇo maraṇantagū.
‘‘д̇ассааби наравийрасса, баб̣б̣аж̇ид̇ваана саасанз;
‘‘Tassāpi naravīrassa, pabbajitvāna sāsane;
барияаабудасад̣̇д̇хаммаа, барибужчаа висаарад̣̇аа.
Pariyāpuṭasaddhammā, paripucchā visāradā.
‘‘сусийлаа лаж̇ж̇иний жзва, д̇ийсу сигкаасу говид̣̇аа;
‘‘Susīlā lajjinī ceva, tīsu sikkhāsu kovidā;
б̣ахум̣ д̇хаммагат̇ам̣ гад̇ваа, яааваж̇ийвам̣ махаамунз.
Bahuṃ dhammakathaṃ katvā, yāvajīvaṃ mahāmune.
‘‘д̇зна гаммавибаагзна, жзд̇анаабан̣ид̇хийхи жа;
‘‘Tena kammavipākena, cetanāpaṇidhīhi ca;
ж̇ахид̇ваа маанусам̣ д̣̇зхам̣, д̇аавад̇им̣самаг̇ажчахам̣.
Jahitvā mānusaṃ dehaṃ, tāvatiṃsamagacchahaṃ.
‘‘бажчимз жа бхавз д̣̇аани, г̇ириб̣б̣аж̇абуруд̇д̇амз;
‘‘Pacchime ca bhave dāni, giribbajapuruttame;
ж̇аад̇аа сздтигулз пийд̇з, махаарад̇анасан̃жаяз.
Jātā seṭṭhikule phīte, mahāratanasañcaye.
‘‘яад̣̇аа бхигкусахассзна, баривуд̇о логанааяаго;
‘‘Yadā bhikkhusahassena, parivuto lokanāyako;
убааг̇ами рааж̇аг̇ахам̣, сахассагкзна ван̣н̣ид̇о.
Upāgami rājagahaṃ, sahassakkhena vaṇṇito.
‘‘д̣̇анд̇о д̣̇анд̇зхи саха бураан̣аж̇адилзхи, виббамуд̇д̇о виббамуд̇д̇зхи;
‘‘Danto dantehi saha purāṇajaṭilehi, vippamutto vippamuttehi;
син̇г̇ийнигкасаван̣н̣о, рааж̇аг̇ахам̣ баависи бхаг̇аваа.
Siṅgīnikkhasavaṇṇo, rājagahaṃ pāvisi bhagavā.
‘‘д̣̇исваа б̣уд̣̇д̇хаанубхаавам̣ д̇ам̣, суд̇ваава г̇ун̣асан̃жаяам̣;
‘‘Disvā buddhānubhāvaṃ taṃ, sutvāva guṇasañcayaṃ;
б̣уд̣̇д̇хз жид̇д̇ам̣ басаад̣̇зд̇ваа, бууж̇аяим̣ д̇ам̣ яат̇ааб̣алам̣.
Buddhe cittaṃ pasādetvā, pūjayiṃ taṃ yathābalaṃ.
‘‘абарзна жа гаалзна, д̇хаммад̣̇иннааяа санд̇игз;
‘‘Aparena ca kālena, dhammadinnāya santike;
аг̇аараа нигкамид̇ваана, баб̣б̣аж̇им̣ анаг̇аарияам̣.
Agārā nikkhamitvāna, pabbajiṃ anagāriyaṃ.
‘‘гзсзсу чиж̇ж̇амаанзсу, гилзсз жхаабаяим̣ ахам̣;
‘‘Kesesu chijjamānesu, kilese jhāpayiṃ ahaṃ;
уг̇г̇ахим̣ саасанам̣ саб̣б̣ам̣, баб̣б̣аж̇ид̇ваа жирзнахам̣.
Uggahiṃ sāsanaṃ sabbaṃ, pabbajitvā cirenahaṃ.
‘‘д̇ад̇о д̇хаммамад̣̇зсзсим̣, махааж̇анасамааг̇амз;
‘‘Tato dhammamadesesiṃ, mahājanasamāgame;
д̇хаммз д̣̇зсияамаанамхи, д̇хаммаабхисамаяо аху.
Dhamme desiyamānamhi, dhammābhisamayo ahu.
‘‘нзгабаан̣асахассаанам̣, д̇ам̣ вид̣̇ид̇ваад̇ивимхид̇о;
‘‘Nekapāṇasahassānaṃ, taṃ viditvātivimhito;
абхиббасанно мз яагко, бхамид̇ваана г̇ириб̣б̣аж̇ам̣.
Abhippasanno me yakkho, bhamitvāna giribbajaṃ.
‘‘гим̣мз гад̇аа рааж̇аг̇ахз мануссаа, мад̇хум̣ бийд̇аава ажчарз;
‘‘Kiṃme katā rājagahe manussā, madhuṃ pītāva acchare;
яз суггам̣ на убаасанд̇и, д̣̇зсзнд̇им̣ амад̇ам̣ бад̣̇ам̣.
Ye sukkaṃ na upāsanti, desentiṃ amataṃ padaṃ.
‘‘д̇ан̃жа аббадиваанийяам̣, асзжанагамож̇авам̣;
‘‘Tañca appaṭivānīyaṃ, asecanakamojavaṃ;
биванд̇и ман̃н̃з саббан̃н̃аа, валаахагамивад̣̇д̇хаг̇уу.
Pivanti maññe sappaññā, valāhakamivaddhagū.
‘‘ид̣̇д̇хийсу жа васий хоми, д̣̇иб̣б̣ааяа сод̇ад̇хаад̇уяаа;
‘‘Iddhīsu ca vasī homi, dibbāya sotadhātuyā;
жзд̇обарияан̃аан̣асса, васий хоми махаамунз.
Cetopariyañāṇassa, vasī homi mahāmune.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
саб̣б̣аасавабаригкийн̣аа, над̇т̇и д̣̇аани бунаб̣бхаво.
Sabbāsavaparikkhīṇā, natthi dāni punabbhavo.
‘‘ад̇т̇ад̇хамманируд̇д̇ийсу, бадибхаанз д̇ат̇зва жа;
‘‘Atthadhammaniruttīsu, paṭibhāne tatheva ca;
н̃аан̣ам̣ мама махаавийра, уббаннам̣ д̇ава санд̇игз.
Ñāṇaṃ mama mahāvīra, uppannaṃ tava santike.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа бан̃жасад̇абхигкунибариваараа махаад̇хаммагат̇игаа ахоси. саа згад̣̇ивасам̣ рааж̇аг̇ахз бин̣д̣ааяа жарид̇ваа гад̇абхад̇д̇агижжаа бхигкунубассаяам̣ бависид̇ваа саннисиннааяа махад̇ияаа барисааяа мад̇хубхан̣д̣ам̣ бийл̣зд̇ваа сумад̇хурам̣ бааязнд̇ий вияа амад̇зна абхисин̃жанд̇ий вияа д̇хаммам̣ д̣̇зсзд̇и. барисаа жассаа д̇хаммагат̇ам̣ охид̇асод̇аа авигкид̇д̇ажид̇д̇аа саггажжам̣ сун̣аад̇и. д̇асмим̣ кан̣з т̇зрияаа жан̇гаманагодияам̣ ругкз ад̇хивад̇т̇аа д̣̇звад̇аа д̇хаммад̣̇зсанааяа басаннаа рааж̇аг̇ахам̣ бависид̇ваа рат̇ияааяа рат̇ияам̣ син̇гхаадагзна син̇гхаадагам̣ вижарид̇ваа д̇ассаа г̇ун̣ам̣ вибхаавзнд̇ий –
Arahattaṃ pana patvā pañcasatabhikkhuniparivārā mahādhammakathikā ahosi. Sā ekadivasaṃ rājagahe piṇḍāya caritvā katabhattakiccā bhikkhunupassayaṃ pavisitvā sannisinnāya mahatiyā parisāya madhubhaṇḍaṃ pīḷetvā sumadhuraṃ pāyentī viya amatena abhisiñcantī viya dhammaṃ deseti. Parisā cassā dhammakathaṃ ohitasotā avikkhittacittā sakkaccaṃ suṇāti. Tasmiṃ khaṇe theriyā caṅkamanakoṭiyaṃ rukkhe adhivatthā devatā dhammadesanāya pasannā rājagahaṃ pavisitvā rathiyāya rathiyaṃ siṅghāṭakena siṅghāṭakaṃ vicaritvā tassā guṇaṃ vibhāventī –
54.
54.
‘‘гим̣мз гад̇аа рааж̇аг̇ахз мануссаа, мад̇хум̣ бийд̇аава ажчарз;
‘‘Kiṃme katā rājagahe manussā, madhuṃ pītāva acchare;
яз суггам̣ на убаасанд̇и, д̣̇зсзнд̇им̣ б̣уд̣̇д̇хасаасанам̣.
Ye sukkaṃ na upāsanti, desentiṃ buddhasāsanaṃ.
55.
55.
‘‘д̇ан̃жа аббадиваанийяам̣, асзжанагамож̇авам̣;
‘‘Tañca appaṭivānīyaṃ, asecanakamojavaṃ;
биванд̇и ман̃н̃з саббан̃н̃аа, валаахагамивад̣̇д̇хаг̇уу’’д̇и. –
Pivanti maññe sappaññā, valāhakamivaddhagū’’ti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а гим̣мз гад̇аа рааж̇аг̇ахз мануссаад̇и имз рааж̇аг̇ахз мануссаа гим̣ гад̇аа, гисмим̣ наама гижжз б̣яаавадаа. мад̇хум̣ бийд̇аава ажчарзд̇и яат̇аа бхан̣д̣амад̇хум̣ г̇ахзд̇ваа мад̇хум̣ бийд̇аванд̇о висан̃н̃ино худ̇ваа сийсам̣ угкибид̇ум̣ на саггонд̇и , звам̣ имзби д̇хаммасан̃н̃ааяа висан̃н̃ино худ̇ваа ман̃н̃з сийсам̣ угкибид̇ум̣ на саггонд̇и, гзвалам̣ ажчанд̇иязваад̇и ад̇т̇о. яз суггам̣ на убаасанд̇и, д̣̇зсзнд̇им̣ б̣уд̣̇д̇хасаасананд̇и б̣уд̣̇д̇хасса бхаг̇авад̇о саасанам̣ яаат̇аавад̇о д̣̇зсзнд̇им̣ багаасзнд̇им̣ суггам̣ т̇зрим̣ яз на убаасанд̇и на баяирубаасанд̇и. д̇з имз рааж̇аг̇ахз мануссаа гим̣ гад̇аад̇и яож̇анаа.
Tattha kiṃme katā rājagahe manussāti ime rājagahe manussā kiṃ katā, kismiṃ nāma kicce byāvaṭā. Madhuṃ pītāva acchareti yathā bhaṇḍamadhuṃ gahetvā madhuṃ pītavanto visaññino hutvā sīsaṃ ukkhipituṃ na sakkonti , evaṃ imepi dhammasaññāya visaññino hutvā maññe sīsaṃ ukkhipituṃ na sakkonti, kevalaṃ acchantiyevāti attho. Ye sukkaṃ naupāsanti, desentiṃ buddhasāsananti buddhassa bhagavato sāsanaṃ yāthāvato desentiṃ pakāsentiṃ sukkaṃ theriṃ ye na upāsanti na payirupāsanti. Te ime rājagahe manussā kiṃ katāti yojanā.
д̇ан̃жа аббадиваанийяанд̇и д̇ан̃жа бана д̇хаммам̣ анивад̇д̇ид̇абхааваавахам̣ нияяаанигам̣, абхигганд̇ад̇ааяа ваа яат̇аа сод̇уж̇анасаванаманохарабхаавзна анабанийяам̣, асзжанагам̣ анаасид̇д̇агам̣ багад̇ияаава махаарасам̣ д̇ад̇о зва ож̇аванд̇ам̣. ‘‘осад̇ха’’нд̇иби баал̣и. ваддад̣̇угкаб̣яаад̇хид̇игижчааяа осад̇хабхууд̇ам̣. биванд̇и ман̃н̃з саббан̃н̃аа, валаахагамивад̣̇д̇хаг̇ууд̇и валаахаганд̇арад̇о нигканд̇ам̣ уд̣̇агам̣ нируд̣̇агаганд̇аарз бат̇аг̇аа вияа д̇ам̣ д̇хаммам̣ саббан̃н̃аа бан̣д̣ид̇абурисаа биванд̇и ман̃н̃з биванд̇аа вияа сун̣анд̇и.
Tañcaappaṭivānīyanti tañca pana dhammaṃ anivattitabhāvāvahaṃ niyyānikaṃ, abhikkantatāya vā yathā sotujanasavanamanoharabhāvena anapanīyaṃ, asecanakaṃ anāsittakaṃ pakatiyāva mahārasaṃ tato eva ojavantaṃ. ‘‘Osadha’’ntipi pāḷi. Vaṭṭadukkhabyādhitikicchāya osadhabhūtaṃ. Pivanti maññe sappaññā, valāhakamivaddhagūti valāhakantarato nikkhantaṃ udakaṃ nirudakakantāre pathagā viya taṃ dhammaṃ sappaññā paṇḍitapurisā pivanti maññe pivantā viya suṇanti.
мануссаа д̇ам̣ суд̇ваа басаннамаанасаа т̇зрияаа санд̇игам̣ убасан̇гамид̇ваа саггажжам̣ д̇хаммам̣ сун̣им̣су. абарабхааг̇з т̇зрияаа ааяубарияосаанз бариниб̣б̣аанагаалз саасанасса нияяаанигабхаававибхааванад̇т̇ам̣ ан̃н̃ам̣ б̣яаагаронд̇ий –
Manussā taṃ sutvā pasannamānasā theriyā santikaṃ upasaṅkamitvā sakkaccaṃ dhammaṃ suṇiṃsu. Aparabhāge theriyā āyupariyosāne parinibbānakāle sāsanassa niyyānikabhāvavibhāvanatthaṃ aññaṃ byākarontī –
56.
56.
‘‘суггаа суггзхи д̇хаммзхи, вийд̇арааг̇аа самаахид̇аа;
‘‘Sukkā sukkehi dhammehi, vītarāgā samāhitā;
д̇хаарзд̇и анд̇имам̣ д̣̇зхам̣, ж̇зд̇ваа маарам̣ саваахана’’нд̇и. – имам̣ г̇аат̇ам̣ абхааси;
Dhāreti antimaṃ dehaṃ, jetvā māraṃ savāhana’’nti. – imaṃ gāthaṃ abhāsi;
д̇ад̇т̇а суггаад̇и суггаат̇зрий ад̇д̇аанамзва барам̣ вияа д̣̇ассзд̇и. суггзхи д̇хаммзхийд̇и субарисуд̣̇д̇хзхи логуд̇д̇арад̇хаммзхи. вийд̇арааг̇аа самаахид̇аад̇и аг̇г̇амаг̇г̇зна саб̣б̣асо вийд̇арааг̇аа арахад̇д̇апаласамаад̇хинаа самаахид̇аа. сзсам̣ вуд̇д̇анаяамзва.
Tattha sukkāti sukkātherī attānameva paraṃ viya dasseti. Sukkehi dhammehīti suparisuddhehi lokuttaradhammehi. Vītarāgā samāhitāti aggamaggena sabbaso vītarāgā arahattaphalasamādhinā samāhitā. Sesaṃ vuttanayameva.
суггаат̇зрийг̇аат̇ааван̣н̣анаа нидтид̇аа.
Sukkātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 6. суггаат̇зрийг̇аат̇аа • 6. Sukkātherīgāthā
