| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣២០. សុច្ចជជាតកំ (៤-២-១០)
320. Succajajātakaṃ (4-2-10)
៧៧.
77.
សុច្ចជំ វត នច្ចជិ, វាចាយ អទទំ គិរិំ;
Succajaṃ vata naccaji, vācāya adadaṃ giriṃ;
កិំ ហិតស្ស ចជន្តស្ស, វាចាយ អទទ បព្ពតំ។
Kiṃ hitassa cajantassa, vācāya adada pabbataṃ.
៧៨.
78.
យញ្ហិ កយិរា តញ្ហិ វទេ, យំ ន កយិរា ន តំ វទេ;
Yañhi kayirā tañhi vade, yaṃ na kayirā na taṃ vade;
អករោន្តំ ភាសមានំ, បរិជានន្តិ បណ្ឌិតា។
Akarontaṃ bhāsamānaṃ, parijānanti paṇḍitā.
៧៩.
79.
រាជបុត្ត នមោ ត្យត្ថុ, សច្ចេ ធម្មេ ឋិតោ ចសិ;
Rājaputta namo tyatthu, sacce dhamme ṭhito casi;
យស្ស តេ ព្យសនំ បត្តោ, សច្ចស្មិំ រមតេ មនោ។
Yassa te byasanaṃ patto, saccasmiṃ ramate mano.
៨០.
80.
សា ហិស្ស បរមា ភរិយា, សហិរញ្ញស្ស ឥត្ថិយោតិ។
Sā hissa paramā bhariyā, sahiraññassa itthiyoti.
សុច្ចជជាតកំ ទសមំ។
Succajajātakaṃ dasamaṃ.
បុចិមន្ទវគ្គោ ទុតិយោ។
Pucimandavaggo dutiyo.
តស្សុទ្ទានំ –
Tassuddānaṃ –
អថ ចោរ សកស្សប ខន្តីវរោ, ទុជ្ជីវិតតា ច វរា ផរុសា;
Atha cora sakassapa khantīvaro, dujjīvitatā ca varā pharusā;
អថ សស មតញ្ច វសន្ត សុខំ, សុច្ចជំវតនច្ចជិនា ច ទសាតិ។
Atha sasa matañca vasanta sukhaṃ, succajaṃvatanaccajinā ca dasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣២០] ១០. សុច្ចជជាតកវណ្ណនា • [320] 10. Succajajātakavaṇṇanā
