| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༡. སིངྒཱལསུཏྟཾ
11. Siṅgālasuttaṃ
༢༣༣. སཱཝཏྠིཡཾ ཝིཧརཏི…པེ॰… ‘‘ཨསྶུཏྠ ནོ ཏུམྷེ, བྷིཀྑཝེ, རཏྟིཡཱ པཙྩཱུསསམཡཾ ཛརསིངྒཱལསྶ ཝསྶམཱནསྶཱ’’ཏི? ‘‘ཨེཝཾ, བྷནྟེ’’། ‘‘ཨེསོ ཁོ, བྷིཀྑཝེ, ཛརསིངྒཱལོ ཨུཀྐཎྜཀེན ནཱམ རོགཛཱཏེན ཕུཊྛོ། སོ ཡེན ཡེན ཨིཙྪཏི ཏེན ཏེན གཙྪཏི; ཡཏྠ ཡཏྠ ཨིཙྪཏི ཏཏྠ ཏཏྠ ཏིཊྛཏི; ཡཏྠ ཡཏྠ ཨིཙྪཏི ཏཏྠ ཏཏྠ ནིསཱིདཏི; ཡཏྠ ཡཏྠ ཨིཙྪཏི ཏཏྠ ཏཏྠ ནིཔཛྫཏི; སཱིཏཀོཔི ནཾ ཝཱཏོ ཨུཔཝཱཡཏི། སཱདྷུ ཁྭསྶ, བྷིཀྑཝེ, ཡཾ ཨིདྷེཀཙྩོ སཀྱཔུཏྟིཡཔཊིཉྙོ ཨེཝརཱུཔམྤི ཨཏྟབྷཱཝཔཊིལཱབྷཾ པཊིསཾཝེདིཡེཐ། ཏསྨཱཏིཧ, བྷིཀྑཝེ , ཨེཝཾ སིཀྑིཏབྦཾ – ‘ཨཔྤམཏྟཱ ཝིཧརིསྶཱམཱ’ཏི། ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི། ཨེཀཱདསམཾ།
233. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena nāma rogajātena phuṭṭho. So yena yena icchati tena tena gacchati; yattha yattha icchati tattha tattha tiṭṭhati; yattha yattha icchati tattha tattha nisīdati; yattha yattha icchati tattha tattha nipajjati; sītakopi naṃ vāto upavāyati. Sādhu khvassa, bhikkhave, yaṃ idhekacco sakyaputtiyapaṭiñño evarūpampi attabhāvapaṭilābhaṃ paṭisaṃvediyetha. Tasmātiha, bhikkhave , evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Ekādasamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༡. སིངྒཱལསུཏྟཝཎྞནཱ • 11. Siṅgālasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༡. སིངྒཱལསུཏྟཝཎྞནཱ • 11. Siṅgālasuttavaṇṇanā
