| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៣០. សីលវីមំសជាតកំ (៤-៣-១០)
330. Sīlavīmaṃsajātakaṃ (4-3-10)
១១៧.
117.
សីលំ កិរេវ កល្យាណំ, សីលំ លោកេ អនុត្តរំ;
Sīlaṃ kireva kalyāṇaṃ, sīlaṃ loke anuttaraṃ;
បស្ស ឃោរវិសោ នាគោ, សីលវាតិ ន ហញ្ញតិ។
Passa ghoraviso nāgo, sīlavāti na haññati.
១១៨.
118.
យាវទេវស្សហូ កិញ្ចិ, តាវទេវ អខាទិសុំ;
Yāvadevassahū kiñci, tāvadeva akhādisuṃ;
សង្គម្ម កុលលា លោកេ, ន ហិំសន្តិ អកិញ្ចនំ។
Saṅgamma kulalā loke, na hiṃsanti akiñcanaṃ.
១១៩.
119.
សុខំ និរាសា សុបតិ, អាសា ផលវតី សុខា;
Sukhaṃ nirāsā supati, āsā phalavatī sukhā;
អាសំ និរាសំ កត្វាន, សុខំ សុបតិ បិង្គលា។
Āsaṃ nirāsaṃ katvāna, sukhaṃ supati piṅgalā.
១២០.
120.
ន សមាធិបរោ អត្ថិ, អស្មិំ លោកេ បរម្ហិ ច;
Na samādhiparo atthi, asmiṃ loke paramhi ca;
ន បរំ នាបិ អត្តានំ, វិហិំសតិ សមាហិតោតិ។
Na paraṃ nāpi attānaṃ, vihiṃsati samāhitoti.
សីលវីមំសជាតកំ ទសមំ។
Sīlavīmaṃsajātakaṃ dasamaṃ.
កុដិទូសកវគ្គោ តតិយោ។
Kuṭidūsakavaggo tatiyo.
តស្សុទ្ទានំ –
Tassuddānaṃ –
សមនុស្ស -សទុទ្ទុភ-យាចនកោ, អថ មេណ្ឌវរុត្តម-គោធវរោ;
Samanussa -saduddubha-yācanako, atha meṇḍavaruttama-godhavaro;
អថ កាយសកេបុក ភោតីវរោ, អថ រាធសុសីលវរេន ទសាតិ។
Atha kāyasakepuka bhotīvaro, atha rādhasusīlavarena dasāti.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៣០] ១០. សីលវីមំសជាតកវណ្ណនា • [330] 10. Sīlavīmaṃsajātakavaṇṇanā
