| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༩. སཱིཧསུཏྟཝཎྞནཱ
9. Sīhasuttavaṇṇanā
༩༩. ནཝམེ སཀྐཙྩཉྙེཝ དེཏི ནོ ཨསཀྐཙྩནྟི ཨནཝཉྙཱཡ ཨཝིརཛ྄ཛྷིཏྭཱཝ དེཏི, ནོ ཨཝཉྙཱཡ ཝིརཛ྄ཛྷིཏྭཱ། མཱ མེ ཡོགྒཔཐོ ནསྶཱཏི མཡཱ ཀཏཡོགྒཔཐོ མཡ྄ཧཾ མཱ ནསྶཏུ, ‘‘ཨེཀོ སཱིཧོ ཨུཊྛཱཡ བིལཱ༹རཾ པཧརནྟོ ཝིརཛ྄ཛྷིཏྭཱ པཧརཱི’’ཏི ཨེཝཾ ཝཏྟཱརོ མཱ ཧོནྟཱུཏི ཨཏྠོ། ཨནྣབྷཱརནེསཱདཱནནྟི ཨེཏྠ ཨནྣཾ ཝུཙྩཏི ཡཝབྷཏྟཾ, ཏཾ བྷཱརོ ཨེཏེསནྟི ཨནྣབྷཱརཱ། ཡཱཙཀཱནཾ ཨེཏཾ ནཱམཾ། ནེསཱདཱ ཝུཙྩནྟི སཱཀུཎིཀཱ། ཨིཏི སབྦཔཙྪིམཱཡ ཀོཊིཡཱ ཨེཏེསཾ ཡཱཙཀནེསཱདཱནམྤི སཀྐཙྩམེཝ དེསེཏི།
99. Navame sakkaccaññeva deti no asakkaccanti anavaññāya avirajjhitvāva deti, no avaññāya virajjhitvā. Mā me yoggapatho nassāti mayā katayoggapatho mayhaṃ mā nassatu, ‘‘eko sīho uṭṭhāya biḷāraṃ paharanto virajjhitvā paharī’’ti evaṃ vattāro mā hontūti attho. Annabhāranesādānanti ettha annaṃ vuccati yavabhattaṃ, taṃ bhāro etesanti annabhārā. Yācakānaṃ etaṃ nāmaṃ. Nesādā vuccanti sākuṇikā. Iti sabbapacchimāya koṭiyā etesaṃ yācakanesādānampi sakkaccameva deseti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༩. སཱིཧསུཏྟཾ • 9. Sīhasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༠. པཋམསམྤདཱསུཏྟཱདིཝཎྞནཱ • 1-10. Paṭhamasampadāsuttādivaṇṇanā
