| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๑๖. สฎฺฐิกูฎเปตวตฺถุ
16. Saṭṭhikūṭapetavatthu
๘๐๖.
806.
‘‘กิํ นุ อุมฺมตฺตรูโปว, มิโค ภโนฺตว ธาวสิ;
‘‘Kiṃ nu ummattarūpova, migo bhantova dhāvasi;
นิสฺสํสยํ ปาปกมฺมโนฺต 1, กิํ นุ สทฺทายเส ตุว’’นฺติฯ
Nissaṃsayaṃ pāpakammanto 2, kiṃ nu saddāyase tuva’’nti.
๘๐๗.
807.
‘‘อหํ ภทเนฺต เปโตมฺหิ, ทุคฺคโต ยมโลกิโก;
‘‘Ahaṃ bhadante petomhi, duggato yamalokiko;
ปาปกมฺมํ กริตฺวาน, เปตโลกํ อิโต คโตฯ
Pāpakammaṃ karitvāna, petalokaṃ ito gato.
๘๐๘.
808.
‘‘สฎฺฐิ กูฎสหสฺสานิ, ปริปุณฺณานิ สพฺพโส;
‘‘Saṭṭhi kūṭasahassāni, paripuṇṇāni sabbaso;
สีเส มยฺหํ นิปตนฺติ, เต ภินฺทนฺติ จ มตฺถก’’นฺติฯ
Sīse mayhaṃ nipatanti, te bhindanti ca matthaka’’nti.
๘๐๙.
809.
‘‘กิํ นุ กาเยน วาจาย, มนสา ทุกฺกฎํ กตํ;
‘‘Kiṃ nu kāyena vācāya, manasā dukkaṭaṃ kataṃ;
กิสฺส กมฺมวิปาเกน, อิทํ ทุกฺขํ นิคจฺฉสิฯ
Kissa kammavipākena, idaṃ dukkhaṃ nigacchasi.
๘๑๐.
810.
‘‘สฎฺฐิ กูฎสหสฺสานิ, ปริปุณฺณานิ สพฺพโส;
‘‘Saṭṭhi kūṭasahassāni, paripuṇṇāni sabbaso;
สีเส ตุยฺหํ นิปตนฺติ, เต ภินฺทนฺติ จ มตฺถก’’นฺติฯ
Sīse tuyhaṃ nipatanti, te bhindanti ca matthaka’’nti.
๘๑๑.
811.
‘‘อถทฺทสาสิํ สมฺพุทฺธํ, สุเนตฺตํ ภาวิตินฺทฺริยํ;
‘‘Athaddasāsiṃ sambuddhaṃ, sunettaṃ bhāvitindriyaṃ;
นิสินฺนํ รุกฺขมูลสฺมิํ, ฌายนฺตํ อกุโตภยํฯ
Nisinnaṃ rukkhamūlasmiṃ, jhāyantaṃ akutobhayaṃ.
๘๑๒.
812.
‘‘สาลิตฺตกปฺปหาเรน, ภินฺทิสฺสํ ตสฺส มตฺถกํ;
‘‘Sālittakappahārena, bhindissaṃ tassa matthakaṃ;
ตสฺส กมฺมวิปาเกน, อิทํ ทุกฺขํ นิคจฺฉิสํฯ
Tassa kammavipākena, idaṃ dukkhaṃ nigacchisaṃ.
๘๑๓.
813.
‘‘สฎฺฐิ กูฎสหสฺสานิ, ปริปุณฺณานิ สพฺพโส;
‘‘Saṭṭhi kūṭasahassāni, paripuṇṇāni sabbaso;
สีเส มยฺหํ นิปตนฺติ, เต ภินฺทนฺติ จ 3 มตฺถก’’นฺติฯ
Sīse mayhaṃ nipatanti, te bhindanti ca 4 matthaka’’nti.
๘๑๔.
814.
‘‘ธเมฺมน เต กาปุริส, สฎฺฐิกูฎสหสฺสานิ, ปริปุณฺณานิ สพฺพโส;
‘‘Dhammena te kāpurisa, saṭṭhikūṭasahassāni, paripuṇṇāni sabbaso;
สีเส ตุยฺหํ นิปตนฺติ, เต ภินฺทนฺติ จ มตฺถก’’นฺติฯ
Sīse tuyhaṃ nipatanti, te bhindanti ca matthaka’’nti.
สฎฺฐิกูฎเปตวตฺถุ โสฬสมํฯ
Saṭṭhikūṭapetavatthu soḷasamaṃ.
มหาวโคฺค จตุโตฺถ นิฎฺฐิโตฯ
Mahāvaggo catuttho niṭṭhito.
ตสฺสุทฺทานํ –
Tassuddānaṃ –
อมฺพสกฺกโร เสรีสโก, ปิงฺคโล เรวติ อุจฺฉุ;
Ambasakkaro serīsako, piṅgalo revati ucchu;
เทฺว กุมารา ทุเว คูถา, คณปาฎลิอมฺพวนํฯ
Dve kumārā duve gūthā, gaṇapāṭaliambavanaṃ.
อกฺขรุกฺขโภคสํหรา, เสฎฺฐิปุตฺตสฎฺฐิกูฎา;
Akkharukkhabhogasaṃharā, seṭṭhiputtasaṭṭhikūṭā;
อิติ โสฬสวตฺถูนิ, วโคฺค เตน ปวุจฺจติฯ
Iti soḷasavatthūni, vaggo tena pavuccati.
อถ วคฺคุทฺทานํ –
Atha vagguddānaṃ –
อุรโค อุปริวโคฺค, จูฬมหาติ จตุธา;
Urago uparivaggo, cūḷamahāti catudhā;
วตฺถูนิ เอกปญฺญาสํ, จตุธา ภาณวารโตฯ
Vatthūni ekapaññāsaṃ, catudhā bhāṇavārato.
เปตวตฺถุปาฬิ นิฎฺฐิตาฯ
Petavatthupāḷi niṭṭhitā.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๑๖. สฎฺฐิกูฎเปตวตฺถุวณฺณนา • 16. Saṭṭhikūṭapetavatthuvaṇṇanā
