| Library / Tipiṭaka / តិបិដក • Tipiṭaka / បដិសម្ភិទាមគ្គបាឡិ • Paṭisambhidāmaggapāḷi |
៤. សត្តពោធិសត្តវារោ
4. Sattabodhisattavāro
៣៣. ‘‘‘សមុទយោ សមុទយោ’តិ ខោ, ភិក្ខវេ, វិបស្សិស្ស ពោធិសត្តស្ស បុព្ពេ អននុស្សុតេសុ ធម្មេសុ ចក្ខុំ ឧទបាទិ…បេ.… អាលោកោ ឧទបាទិ។ ‘និរោធោ និរោធោ’តិ ខោ, ភិក្ខវេ, វិបស្សិស្ស ពោធិសត្តស្ស បុព្ពេ អននុស្សុតេសុ ធម្មេសុ ចក្ខុំ ឧទបាទិ…បេ.… អាលោកោ ឧទបាទិ’’។ វិបស្សិស្ស ពោធិសត្តស្ស វេយ្យាករណេ ទស ធម្មា, ទស អត្ថា, វីសតិ និរុត្តិយោ, ចត្តាលីសំ 1 ញាណានិ។
33. ‘‘‘Samudayo samudayo’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, vipassissa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Vipassissa bodhisattassa veyyākaraṇe dasa dhammā, dasa atthā, vīsati niruttiyo, cattālīsaṃ 2 ñāṇāni.
‘‘‘សមុទយោ សមុទយោ’តិ ខោ, ភិក្ខវេ, សិខិស្ស ពោធិសត្តស្ស…បេ.… វេស្សភុស្ស ពោធិសត្តស្ស…បេ.… កកុសន្ធស្ស ពោធិសត្តស្ស…បេ.… កោណាគមនស្ស ពោធិសត្តស្ស…បេ.… កស្សបស្ស ពោធិសត្តស្ស បុព្ពេ អននុស្សុតេសុ ធម្មេសុ ចក្ខុំ ឧទបាទិ…បេ.… អាលោកោ ឧទបាទិ។ ‘និរោធោ និរោធោ’តិ ខោ, ភិក្ខវេ, កស្សបស្ស ពោធិសត្តស្ស បុព្ពេ អននុស្សុតេសុ ធម្មេសុ ចក្ខុំ ឧទបាទិ…បេ.… អាលោកោ ឧទបាទិ’’។ កស្សបស្ស ពោធិសត្តស្ស វេយ្យាករណេ ទស ធម្មា, ទស អត្ថា, វីសតិ និរុត្តិយោ, ចត្តាលីស ញាណានិ។
‘‘‘Samudayo samudayo’ti kho, bhikkhave, sikhissa bodhisattassa…pe… vessabhussa bodhisattassa…pe… kakusandhassa bodhisattassa…pe… koṇāgamanassa bodhisattassa…pe… kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, kassapassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Kassapassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.
‘‘‘សមុទយោ សមុទយោ’តិ ខោ, ភិក្ខវេ, គោតមស្ស ពោធិសត្តស្ស បុព្ពេ អននុស្សុតេសុ ធម្មេសុ ចក្ខុំ ឧទបាទិ…បេ.… អាលោកោ ឧទបាទិ។ ‘និរោធោ និរោធោ’តិ ខោ, ភិក្ខវេ, គោតមស្ស ពោធិសត្តស្ស បុព្ពេ អននុស្សុតេសុ ធម្មេសុ ចក្ខុំ ឧទបាទិ…បេ.… អាលោកោ ឧទបាទិ’’។ គោតមស្ស ពោធិសត្តស្ស វេយ្យាករណេ ទស ធម្មា, ទស អត្ថា, វីសតិ និរុត្តិយោ, ចត្តាលីស ញាណានិ។
‘‘‘Samudayo samudayo’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi. ‘Nirodho nirodho’ti kho, bhikkhave, gotamassa bodhisattassa pubbe ananussutesu dhammesu cakkhuṃ udapādi…pe… āloko udapādi’’. Gotamassa bodhisattassa veyyākaraṇe dasa dhammā, dasa atthā, vīsati niruttiyo, cattālīsa ñāṇāni.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បដិសម្ភិទាមគ្គ-អដ្ឋកថា • Paṭisambhidāmagga-aṭṭhakathā / ៤-៨. សត្តពោធិសត្តវារាទិវណ្ណនា • 4-8. Sattabodhisattavārādivaṇṇanā
