| Library / Tipiṭaka / তিপিটক • Tipiṭaka / খুদ্দসিক্খা-মূলসিক্খা • Khuddasikkhā-mūlasikkhā |
৪৮. সন্তোসনিদ্দেসৰণ্ণনা
48. Santosaniddesavaṇṇanā
৪৫৯. ‘‘চত্তারিমানি , ভিক্খৰে, অপ্পানি চেৰ সুলভানি চ, তানি চ অনৰজ্জানি। কতমানি চত্তারি? পংসুকূলং, ভিক্খৰে, চীৰরানং অপ্পঞ্চ সুলভঞ্চ, তঞ্চ অনৰজ্জং। পিণ্ডিযালোপো, ভিক্খৰে, ভোজনানং অপ্পঞ্চ সুলভঞ্চ, তঞ্চ অনৰজ্জং। রুক্খমূলং , ভিক্খৰে, সেনাসনানং অপ্পঞ্চ সুলভঞ্চ, তঞ্চ অনৰজ্জং। পূতিমুত্তভেসজ্জং, ভিক্খৰে, ভেসজ্জানং অপ্পঞ্চ সুলভঞ্চ, তঞ্চ অনৰজ্জং। ইমানি খো, ভিক্খৰে, চত্তারি অপ্পানি চেৰ সুলভানি চ, তানি চ অনৰজ্জানী’’তি (অ॰ নি॰ ৪.২৭; ইতিৰু॰ ১০১) ৰচনতো ‘‘অপ্পেনা’’তিআদি ৰুত্তং।
459. ‘‘Cattārimāni , bhikkhave, appāni ceva sulabhāni ca, tāni ca anavajjāni. Katamāni cattāri? Paṃsukūlaṃ, bhikkhave, cīvarānaṃ appañca sulabhañca, tañca anavajjaṃ. Piṇḍiyālopo, bhikkhave, bhojanānaṃ appañca sulabhañca, tañca anavajjaṃ. Rukkhamūlaṃ , bhikkhave, senāsanānaṃ appañca sulabhañca, tañca anavajjaṃ. Pūtimuttabhesajjaṃ, bhikkhave, bhesajjānaṃ appañca sulabhañca, tañca anavajjaṃ. Imāni kho, bhikkhave, cattāri appāni ceva sulabhāni ca, tāni ca anavajjānī’’ti (a. ni. 4.27; itivu. 101) vacanato ‘‘appenā’’tiādi vuttaṃ.
সন্তুট্ঠোতি এত্থ যথালাভযথাবলযথাসারুপ্পসন্তোসানং ৰসেন একেকস্মিং পচ্চযে তযো তযো কত্ৰা চতূসু পচ্চযেসু দ্ৰাদস সন্তোসা হোন্তি। মত্তঞ্ঞূতি এত্থ (ম॰ নি॰ অট্ঠ॰ ১.৪২২; সং॰ নি॰ অট্ঠ॰ ৩.৪.২৩৯; অ॰ নি॰ অট্ঠ॰ ২.৩.১৬; ইতিৰু॰ অট্ঠ॰ ২৮; ধ॰ স॰ অট্ঠ॰ ১২৪-১৩৪) চত্তারো মত্তা পরিযেসনমত্তা পটিগ্গহণমত্তা পরিভোগমত্তা ৰিস্সজ্জনমত্তাতি। ইতরীতরেন যাপেন্তো সুভরো নাম। সন্তোসৰিনিচ্ছযো।
Santuṭṭhoti ettha yathālābhayathābalayathāsāruppasantosānaṃ vasena ekekasmiṃ paccaye tayo tayo katvā catūsu paccayesu dvādasa santosā honti. Mattaññūti ettha (ma. ni. aṭṭha. 1.422; saṃ. ni. aṭṭha. 3.4.239; a. ni. aṭṭha. 2.3.16; itivu. aṭṭha. 28; dha. sa. aṭṭha. 124-134) cattāro mattā pariyesanamattā paṭiggahaṇamattā paribhogamattā vissajjanamattāti. Itarītarena yāpento subharo nāma. Santosavinicchayo.
সন্তোসনিদ্দেসৰণ্ণনা নিট্ঠিতা।
Santosaniddesavaṇṇanā niṭṭhitā.
