| Library / Tipiṭaka / តិបិដក • Tipiṭaka / ឥតិវុត្តកបាឡិ • Itivuttakapāḷi |
៤. សន្តតរសុត្តំ
4. Santatarasuttaṃ
៧៣. វុត្តញ្ហេតំ ភគវតា, វុត្តមរហតាតិ មេ សុតំ –
73. Vuttañhetaṃ bhagavatā, vuttamarahatāti me sutaṃ –
‘‘រូបេហិ, ភិក្ខវេ, អរូបា 1 សន្តតរា, អរូបេហិ និរោធោ សន្តតរោ’’តិ។ ឯតមត្ថំ ភគវា អវោច។ តត្ថេតំ ឥតិ វុច្ចតិ –
‘‘Rūpehi, bhikkhave, arūpā 2 santatarā, arūpehi nirodho santataro’’ti. Etamatthaṃ bhagavā avoca. Tatthetaṃ iti vuccati –
និរោធំ អប្បជានន្តា, អាគន្តារោ បុនព្ភវំ។
Nirodhaṃ appajānantā, āgantāro punabbhavaṃ.
‘‘យេ ច រូបេ បរិញ្ញាយ, អរូបេសុ អសណ្ឋិតា;
‘‘Ye ca rūpe pariññāya, arūpesu asaṇṭhitā;
និរោធេ យេ វិមុច្ចន្តិ, តេ ជនា មច្ចុហាយិនោ។
Nirodhe ye vimuccanti, te janā maccuhāyino.
‘‘កាយេន អមតំ ធាតុំ, ផុសយិត្វា និរូបធិំ;
‘‘Kāyena amataṃ dhātuṃ, phusayitvā nirūpadhiṃ;
ឧបធិប្បដិនិស្សគ្គំ, សច្ឆិកត្វា អនាសវោ;
Upadhippaṭinissaggaṃ, sacchikatvā anāsavo;
ទេសេតិ សម្មាសម្ពុទ្ធោ, អសោកំ វិរជំ បទ’’ន្តិ។
Deseti sammāsambuddho, asokaṃ virajaṃ pada’’nti.
អយម្បិ អត្ថោ វុត្តោ ភគវតា, ឥតិ មេ សុតន្តិ។ ចតុត្ថំ។
Ayampi attho vutto bhagavatā, iti me sutanti. Catutthaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឥតិវុត្តក-អដ្ឋកថា • Itivuttaka-aṭṭhakathā / ៤. សន្តតរសុត្តវណ្ណនា • 4. Santatarasuttavaṇṇanā
