| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-པུརཱཎ-ཊཱིཀཱ • Kaṅkhāvitaraṇī-purāṇa-ṭīkā |
༨. སནྣིདྷིཀཱརཀསིཀྑཱཔདཝཎྞནཱ
8. Sannidhikārakasikkhāpadavaṇṇanā
‘‘དུདྡྷོཏོ ཧོཏཱི’’ཏིཨཱདིནཱ ནཡེན ཨིདྷ ཝུཏྟཏྟཱ, ‘‘དུདྡྷོཏཾ པཏྟཾ དྷོཝིཏྭཱ པུན
‘‘Duddhotohotī’’tiādinā nayena idha vuttattā, ‘‘duddhotaṃ pattaṃ dhovitvā puna
ཏཏྠ ཨཙྪོདཀཾ ཝཱ ཨཱསིཉྩིཏྭཱ, ཨངྒུལིཡཱ ཝཱ གྷཾསིཏྭཱ ནིསྣེཧབྷཱཝོ ཛཱནིཏབྦོ’’ཏི (པཱཙི॰ ཨཊྛ॰ ༢༥༣) སམནྟཔཱསཱདིཀཱཡཾ ཝུཏྟཏྟཱ ཙ མཏྟིཀཱཔཏྟསྶ ཀཔཱལེན པཱིཏོ སྣེཧོ སནྣིདྷིཾ ཀརོཏཱིཏི སིདྡྷནྟི ལིཁིཏཾ། སཡཾ པཊིགྒཧེཏྭཱ ཨཔརིཙྩཏྟམེཝཱཏི ཨེཏྠ ཨཔརིཙྩཏྟཾ ནཱམ ཨནུཔསམྤནྣཱནཾ ནིརཔེཀྑཨཔརིཙྩཏྟཾ ཨཝིཛཧིཏཾ། ‘‘པཊིགྒཧཎནྟི ཨེཏྠ པཊིགྒཧིཏབྷཱཝམཝིཛཧིཏམེཝ སནྣིདྷིཾ ཛནེཏཱི’’ཏི དྷམྨསིརིཏྠེརོ, ཏཾ ‘‘པཊིགྒཎྷཱཏི, ཨཱཔཏྟི དུཀྐཊསྶཱ’’ཏི (པཱཙི॰ ༢༥༥) པཱལི༹ཡཱ ཝིརུཛ྄ཛྷཏི། ཏསྶ པན པུན པཊིགྒཎྷནཀིཙྩཱབྷཱཝཏོ ཝཱིམཾསིཏབྦཾ།
Tattha acchodakaṃ vā āsiñcitvā, aṅguliyā vā ghaṃsitvā nisnehabhāvo jānitabbo’’ti (pāci. aṭṭha. 253) samantapāsādikāyaṃ vuttattā ca mattikāpattassa kapālena pīto sneho sannidhiṃ karotīti siddhanti likhitaṃ. Sayaṃ paṭiggahetvā apariccattamevāti ettha apariccattaṃ nāma anupasampannānaṃ nirapekkhaapariccattaṃ avijahitaṃ. ‘‘Paṭiggahaṇanti ettha paṭiggahitabhāvamavijahitameva sannidhiṃ janetī’’ti dhammasiritthero, taṃ ‘‘paṭiggaṇhāti, āpatti dukkaṭassā’’ti (pāci. 255) pāḷiyā virujjhati. Tassa pana puna paṭiggaṇhanakiccābhāvato vīmaṃsitabbaṃ.
སནྣིདྷིཀཱརཀསིཀྑཱཔདཝཎྞནཱ ནིཊྛིཏཱ།
Sannidhikārakasikkhāpadavaṇṇanā niṭṭhitā.
