| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༣. སཾཡོཛནསམུགྒྷཱཏསུཏྟཾ
3. Saṃyojanasamugghātasuttaṃ
༥༥. ‘‘ཀཐཾ ནུ ཁོ, བྷནྟེ, ཛཱནཏོ, ཀཐཾ པསྶཏོ སཾཡོཛནཱ སམུགྒྷཱཏཾ གཙྪནྟཱི’’ཏི? ‘‘ཙཀྑུཾ ཁོ, བྷིཀྑུ, ཨནཏྟཏོ ཛཱནཏོ པསྶཏོ སཾཡོཛནཱ སམུགྒྷཱཏཾ གཙྪནྟི། རཱུཔེ ཨནཏྟཏོ… ཙཀྑུཝིཉྙཱཎཾ… ཙཀྑུསམྥསྶཾ… ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནཏྟཏོ ཛཱནཏོ པསྶཏོ སཾཡོཛནཱ སམུགྒྷཱཏཾ གཙྪནྟི། སོཏཾ… གྷཱནཾ… ཛིཝ྄ཧཾ… ཀཱཡཾ… མནཾ… དྷམྨེ… མནོཝིཉྙཱཎཾ… མནོསམྥསྶཾ… ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི ཨནཏྟཏོ ཛཱནཏོ པསྶཏོ སཾཡོཛནཱ སམུགྒྷཱཏཾ གཙྪནྟི། ཨེཝཾ ཁོ, བྷིཀྑུ, ཛཱནཏོ ཨེཝཾ པསྶཏོ སཾཡོཛནཱ སམུགྒྷཱཏཾ གཙྪནྟཱི’’ཏི། ཏཏིཡཾ།
55. ‘‘Kathaṃ nu kho, bhante, jānato, kathaṃ passato saṃyojanā samugghātaṃ gacchantī’’ti? ‘‘Cakkhuṃ kho, bhikkhu, anattato jānato passato saṃyojanā samugghātaṃ gacchanti. Rūpe anattato… cakkhuviññāṇaṃ… cakkhusamphassaṃ… yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato saṃyojanā samugghātaṃ gacchanti. Sotaṃ… ghānaṃ… jivhaṃ… kāyaṃ… manaṃ… dhamme… manoviññāṇaṃ… manosamphassaṃ… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato saṃyojanā samugghātaṃ gacchanti. Evaṃ kho, bhikkhu, jānato evaṃ passato saṃyojanā samugghātaṃ gacchantī’’ti. Tatiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. ཨཝིཛྫཱཝགྒཝཎྞནཱ • 6. Avijjāvaggavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. ཨཝིཛྫཱཝགྒཝཎྞནཱ • 6. Avijjāvaggavaṇṇanā
