| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៤៦៦. សមុទ្ទវាណិជជាតកំ (៣)
466. Samuddavāṇijajātakaṃ (3)
២៥.
25.
កសន្តិ វបន្តិ តេ ជនា, មនុជា កម្មផលូបជីវិនោ;
Kasanti vapanti te janā, manujā kammaphalūpajīvino;
នយិមស្ស ទីបកស្ស ភាគិនោ, ជម្ពុទីបា ឥទមេវ នោ វរំ។
Nayimassa dīpakassa bhāgino, jambudīpā idameva no varaṃ.
២៦.
26.
តិបញ្ចរត្តូបគតម្ហិ ចន្ទេ, វេគោ មហា ហេហិតិ សាគរស្ស;
Tipañcarattūpagatamhi cande, vego mahā hehiti sāgarassa;
ឧប្លវិស្សំ ទីបមិមំ ឧឡារំ, មា វោ វធី គច្ឆថ លេណមញ្ញំ។
Uplavissaṃ dīpamimaṃ uḷāraṃ, mā vo vadhī gacchatha leṇamaññaṃ.
២៧.
27.
ន ជាតុយំ សាគរវារិវេគោ, ឧប្លវិស្សំ ទីបមិមំ ឧឡារំ;
Na jātuyaṃ sāgaravārivego, uplavissaṃ dīpamimaṃ uḷāraṃ;
តំ មេ និមិត្តេហិ ពហូហិ ទិដ្ឋំ, មា ភេថ កិំ សោចថ មោទថវ្ហោ 1។
Taṃ me nimittehi bahūhi diṭṭhaṃ, mā bhetha kiṃ socatha modathavho 2.
២៨.
28.
បហូតភក្ខំ ពហុអន្នបានំ, បត្តត្ថ អាវាសមិមំ ឧឡារំ;
Pahūtabhakkhaṃ bahuannapānaṃ, pattattha āvāsamimaṃ uḷāraṃ;
ន វោ ភយំ បដិបស្សាមិ កិញ្ចិ, អាបុត្តបុត្តេហិ បមោទថវ្ហោ។
Na vo bhayaṃ paṭipassāmi kiñci, āputtaputtehi pamodathavho.
២៩.
29.
យោ ទេវោយំ ទក្ខិណាយំ 3 ទិសាយំ, ខេមន្តិ បក្កោសតិ តស្ស សច្ចំ;
Yo devoyaṃ dakkhiṇāyaṃ 4 disāyaṃ, khemanti pakkosati tassa saccaṃ;
ន ឧត្តរោ វេទិ ភយាភយស្ស, មា ភេថ កិំ សោចថ មោទថវ្ហោ។
Na uttaro vedi bhayābhayassa, mā bhetha kiṃ socatha modathavho.
៣០.
30.
យថា ឥមេ វិប្បវទន្តិ យក្ខា, ឯកោ ភយំ សំសតិ ខេមមេកោ;
Yathā ime vippavadanti yakkhā, eko bhayaṃ saṃsati khemameko;
តទិង្ឃ មយ្ហំ វចនំ សុណាថ, ខិប្បំ លហុំ មា វិនស្សិម្ហ សព្ពេ។
Tadiṅgha mayhaṃ vacanaṃ suṇātha, khippaṃ lahuṃ mā vinassimha sabbe.
៣១.
31.
សព្ពេ សមាគម្ម ករោម នាវំ, ទោណិំ ទឡ្ហំ សព្ពយន្តូបបន្នំ;
Sabbe samāgamma karoma nāvaṃ, doṇiṃ daḷhaṃ sabbayantūpapannaṃ;
សចេ អយំ ទក្ខិណោ សច្ចមាហ, មោឃំ បដិក្កោសតិ ឧត្តរោយំ;
Sace ayaṃ dakkhiṇo saccamāha, moghaṃ paṭikkosati uttaroyaṃ;
សា ចេវ នោ ហេហិតិ អាបទត្ថា, ឥមញ្ច ទីបំ ន បរិច្ចជេម។
Sā ceva no hehiti āpadatthā, imañca dīpaṃ na pariccajema.
៣២.
32.
សចេ ច ខោ ឧត្តរោ សច្ចមាហ, មោឃំ បដិក្កោសតិ ទក្ខិណោយំ;
Sace ca kho uttaro saccamāha, moghaṃ paṭikkosati dakkhiṇoyaṃ;
តមេវ នាវំ អភិរុយ្ហ សព្ពេ, ឯវំ មយំ សោត្ថិ តរេមុ បារំ។
Tameva nāvaṃ abhiruyha sabbe, evaṃ mayaṃ sotthi taremu pāraṃ.
៣៣.
33.
ន វេ សុគណ្ហំ បឋមេន សេដ្ឋំ, កនិដ្ឋមាបាថគតំ គហេត្វា;
Na ve sugaṇhaṃ paṭhamena seṭṭhaṃ, kaniṭṭhamāpāthagataṃ gahetvā;
៣៤.
34.
យថាបិ តេ សាគរវារិមជ្ឈេ, សកម្មុនា សោត្ថិ វហិំសុ វាណិជា;
Yathāpi te sāgaravārimajjhe, sakammunā sotthi vahiṃsu vāṇijā;
អនាគតត្ថំ បដិវិជ្ឈិយាន, អប្បម្បិ នាច្ចេតិ ស ភូរិបញ្ញោ។
Anāgatatthaṃ paṭivijjhiyāna, appampi nācceti sa bhūripañño.
៣៥.
35.
ពាលា ច មោហេន រសានុគិទ្ធា, អនាគតំ អប្បដិវិជ្ឈិយត្ថំ;
Bālā ca mohena rasānugiddhā, anāgataṃ appaṭivijjhiyatthaṃ;
បច្ចុប្បន្នេ សីទន្តិ អត្ថជាតេ, សមុទ្ទមជ្ឈេ យថា តេ មនុស្សា។
Paccuppanne sīdanti atthajāte, samuddamajjhe yathā te manussā.
៣៦.
36.
អនាគតំ បដិកយិរាថ កិច្ចំ, ‘‘មា មំ កិច្ចំ កិច្ចកាលេ ព្យធេសិ’’;
Anāgataṃ paṭikayirātha kiccaṃ, ‘‘mā maṃ kiccaṃ kiccakāle byadhesi’’;
តំ តាទិសំ បដិកត 9 កិច្ចការិំ, ន តំ កិច្ចំ កិច្ចកាលេ ព្យធេតីតិ។
Taṃ tādisaṃ paṭikata 10 kiccakāriṃ, na taṃ kiccaṃ kiccakāle byadhetīti.
សមុទ្ទវាណិជជាតកំ តតិយំ។
Samuddavāṇijajātakaṃ tatiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៤៦៦] ៣. សមុទ្ទវាណិជជាតកវណ្ណនា • [466] 3. Samuddavāṇijajātakavaṇṇanā
