| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༡. སམཱཔཏྟིམཱུལཀཋིཏིསུཏྟཾ
11. Samāpattimūlakaṭhitisuttaṃ
༦༧༢. སཱཝཏྠིནིདཱནཾ། ‘‘ཙཏྟཱརོམེ, བྷིཀྑཝེ, ཛྷཱཡཱི། ཀཏམེ ཙཏྟཱརོ? ཨིདྷ, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱཔཏྟིཀུསལོ ཧོཏི, ན སམཱདྷིསྨིཾ ཋིཏིཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ ཋིཏིཀུསལོ ཧོཏི, ན སམཱདྷིསྨིཾ སམཱཔཏྟིཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི ནེཝ སམཱདྷིསྨིཾ སམཱཔཏྟིཀུསལོ ཧོཏི, ན ཙ སམཱདྷིསྨིཾ ཋིཏིཀུསལོ། ཨིདྷ པན, བྷིཀྑཝེ, ཨེཀཙྩོ ཛྷཱཡཱི སམཱདྷིསྨིཾ སམཱཔཏྟིཀུསལོ ཙ ཧོཏི, སམཱདྷིསྨིཾ ཋིཏིཀུསལོ ཙ། ཏཏྲ, བྷིཀྑཝེ, ཡྭཱཡཾ ཛྷཱཡཱི སམཱདྷིསྨིཾ སམཱཔཏྟིཀུསལོ ཙ ཧོཏི, སམཱདྷིསྨིཾ ཋིཏིཀུསལོ ཙ ཨཡཾ ཨིམེསཾ ཙཏུནྣཾ ཛྷཱཡཱིནཾ ཨགྒོ ཙ སེཊྛོ ཙ མོཀྑོ ཙ ཨུཏྟམོ ཙ པཝརོ ཙ། སེཡྻཐཱཔི, བྷིཀྑཝེ, གཝཱ ཁཱིརཾ…པེ॰… པཝརོ ཙཱ’’ཏི། ཨེཀཱདསམཾ།
672. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ ṭhitikusalo. Idha pana, bhikkhave, ekacco jhāyī samādhismiṃ ṭhitikusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ ṭhitikusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ ṭhitikusalo ca. Tatra, bhikkhave, yvāyaṃ jhāyī samādhismiṃ samāpattikusalo ca hoti, samādhismiṃ ṭhitikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Ekādasamaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༥༥. སམཱདྷིམཱུལཀཋིཏིསུཏྟཱདིཝཎྞནཱ • 2-55. Samādhimūlakaṭhitisuttādivaṇṇanā
