| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
8. сахад̇хаммигаваг̇г̇о
8. Sahadhammikavaggo
1. сахад̇хаммигасигкаабад̣̇аван̣н̣анаа
1. Sahadhammikasikkhāpadavaṇṇanā
сахад̇хаммигаваг̇г̇асса батамз сахад̇хаммигам̣ вужжамаанод̇и имассад̇т̇о д̣̇уб̣б̣ажасигкаабад̣̇з вуд̇д̇о. зд̇асмим̣ сигкаабад̣̇зд̇и зд̇асмим̣ сигкаабад̣̇з яам̣ вуд̇д̇ам̣, д̇ам̣ на д̇аава сигкиссаамийд̇и ад̇т̇о. баажид̇д̇ияанд̇и зд̇т̇а бана анаад̣̇арияабхаяаа лзсзна звам̣ вад̣̇анд̇асса ваажааяа ваажааяа баажид̇д̇ияам̣ взд̣̇ид̇аб̣б̣ам̣. сигкамаанзнаад̇и оваад̣̇ам̣ сирасаа самбадижчид̇ваа сигкид̇угаамзнзва худ̇ваа. ан̃н̃аад̇аб̣б̣анд̇и ааж̇аанид̇аб̣б̣ам̣. барибужчид̇аб̣б̣анд̇и ‘‘имасса го ад̇т̇о’’д̇и барибужчид̇аб̣б̣ам̣. барибан̃хид̇аб̣б̣анд̇и жинд̇зд̇аб̣б̣ам̣ д̇улаяид̇аб̣б̣ам̣.
Sahadhammikavaggassa paṭhame sahadhammikaṃ vuccamānoti imassattho dubbacasikkhāpade vutto. Etasmiṃ sikkhāpadeti etasmiṃ sikkhāpade yaṃ vuttaṃ, taṃ na tāva sikkhissāmīti attho. Pācittiyanti ettha pana anādariyabhayā lesena evaṃ vadantassa vācāya vācāya pācittiyaṃ veditabbaṃ. Sikkhamānenāti ovādaṃ sirasā sampaṭicchitvā sikkhitukāmeneva hutvā. Aññātabbanti ājānitabbaṃ. Paripucchitabbanti ‘‘imassa ko attho’’ti paripucchitabbaṃ. Paripañhitabbanti cintetabbaṃ tulayitabbaṃ.
госамб̣ияам̣ чаннад̇т̇зрам̣ аараб̣бха звам̣ бхан̣анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣ , д̇игабаажид̇д̇ияам̣, анубасамбаннз д̇игад̣̇уггадам̣, убхохиби ‘‘ид̣̇ам̣ на саллзкааяаа’’д̇иаад̣̇инаа (баажи. 436) наязнзва аббан̃н̃ад̇д̇зна вужжамаанассааби звам̣ вад̣̇ад̇о д̣̇уггадамзва. ‘‘ж̇ааниссаами сигкиссаамий’’д̇и бхан̣анд̇асса, уммад̇д̇агаад̣̇ийнан̃жа анаабад̇д̇и. убасамбаннасса бан̃н̃ад̇д̇зна важанам̣, асигкид̇угаамад̇ааяа звам̣ важананд̇и имаанзд̇т̇а д̣̇вз ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Kosambiyaṃ channattheraṃ ārabbha evaṃ bhaṇanavatthusmiṃ paññattaṃ, sādhāraṇapaññatti, anāṇattikaṃ , tikapācittiyaṃ, anupasampanne tikadukkaṭaṃ, ubhohipi ‘‘idaṃ na sallekhāyā’’tiādinā (pāci. 436) nayeneva appaññattena vuccamānassāpi evaṃ vadato dukkaṭameva. ‘‘Jānissāmi sikkhissāmī’’ti bhaṇantassa, ummattakādīnañca anāpatti. Upasampannassa paññattena vacanaṃ, asikkhitukāmatāya evaṃ vacananti imānettha dve aṅgāni. Samuṭṭhānādīni adinnādānasadisāni, idaṃ pana dukkhavedananti.
сахад̇хаммигасигкаабад̣̇аван̣н̣анаа нидтид̇аа.
Sahadhammikasikkhāpadavaṇṇanā niṭṭhitā.
2. вилзканасигкаабад̣̇аван̣н̣анаа
2. Vilekhanasikkhāpadavaṇṇanā
д̣̇уд̇ияз уд̣̇д̣̇иссамаанзд̇и аажариязна анд̇зваасигасса вужжамаанз ваа саж̇жхааяавасзна баривад̇д̇ияамаанз ваа. куд̣̇д̣̇аанукуд̣̇д̣̇агзхийд̇и куд̣̇д̣̇агзхи жа анукуд̣̇д̣̇агзхи жа. яаавад̣̇зваад̇и д̇зсам̣ сам̣вад̇д̇анамарияаад̣̇абарижчзд̣̇аважанам̣. ид̣̇ам̣ вуд̇д̇ам̣ ход̇и – зд̇аани хи яз уд̣̇д̣̇исанд̇и ваа уд̣̇д̣̇исаабзнд̇и ваа саж̇жхааяанд̇и ваа, д̇зсам̣ д̇аава сам̣вад̇д̇анд̇и, яаава ‘‘габбад̇и ну ко, на габбад̇и ну ко’’д̇и гуггужжавиббадисааро, вихзсаа, вижигижчаа мановилзкаа жа уббаж̇ж̇анд̇иязва. ат̇а ваа яаавад̣̇зваад̇и ад̇исаяававад̇т̇аабанам̣. д̇асса ‘сам̣вад̇д̇анд̇ий’д̇ииминаа самб̣анд̇хо, гуггужжааяа вихзсааяа вилзкааяа ад̇ивияа сам̣вад̇д̇анд̇иязваад̇и вуд̇д̇ам̣ ход̇и. сигкаабад̣̇авиван̣н̣агзд̇и звам̣ сигкаабад̣̇аанам̣ виван̣н̣агз г̇арахан̣з баажид̇д̇ияам̣ ход̇ийд̇и ад̇т̇о.
Dutiye uddissamāneti ācariyena antevāsikassa vuccamāne vā sajjhāyavasena parivattiyamāne vā. Khuddānukhuddakehīti khuddakehi ca anukhuddakehi ca. Yāvadevāti tesaṃ saṃvattanamariyādaparicchedavacanaṃ. Idaṃ vuttaṃ hoti – etāni hi ye uddisanti vā uddisāpenti vā sajjhāyanti vā, tesaṃ tāva saṃvattanti, yāva ‘‘kappati nu kho, na kappati nu kho’’ti kukkuccavippaṭisāro, vihesā, vicikicchā manovilekhā ca uppajjantiyeva. Atha vā yāvadevāti atisayavavatthāpanaṃ. Tassa ‘saṃvattantī’tiiminā sambandho, kukkuccāya vihesāya vilekhāya ativiya saṃvattantiyevāti vuttaṃ hoti. Sikkhāpadavivaṇṇaketi evaṃ sikkhāpadānaṃ vivaṇṇake garahaṇe pācittiyaṃ hotīti attho.
саавад̇т̇ияам̣ чаб̣б̣аг̇г̇ияз аараб̣бха винаяавиван̣н̣анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, анубасамбаннасса виван̣н̣анз д̇игад̣̇уггадам̣, убхиннамби ан̃н̃ад̇хаммавиван̣н̣анз д̣̇уггадамзва. на виван̣н̣зд̇угаамасса, ‘‘ин̇гха д̇аава суд̇д̇анд̇з ваа г̇аат̇ааяо ваа абхид̇хаммам̣ ваа барияаабун̣ассу, бажчааби винаяам̣ барияаабун̣иссасий’’д̇и бхан̣ад̇о, уммад̇д̇агаад̣̇ийнан̃жа анаабад̇д̇и. г̇арахид̇угаамад̇аа жа, убасамбаннасса санд̇игз сигкаабад̣̇авиван̣н̣анан̃жаад̇и имаанзд̇т̇а д̣̇вз ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ chabbaggiye ārabbha vinayavivaṇṇanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampannassa vivaṇṇane tikadukkaṭaṃ, ubhinnampi aññadhammavivaṇṇane dukkaṭameva. Na vivaṇṇetukāmassa, ‘‘iṅgha tāva suttante vā gāthāyo vā abhidhammaṃ vā pariyāpuṇassu, pacchāpi vinayaṃ pariyāpuṇissasī’’ti bhaṇato, ummattakādīnañca anāpatti. Garahitukāmatā ca, upasampannassa santike sikkhāpadavivaṇṇanañcāti imānettha dve aṅgāni. Samuṭṭhānādīni adinnādānasadisāni, idaṃ pana dukkhavedananti.
вилзканасигкаабад̣̇аван̣н̣анаа нидтид̇аа.
Vilekhanasikkhāpadavaṇṇanā niṭṭhitā.
3. моханасигкаабад̣̇аван̣н̣анаа
3. Mohanasikkhāpadavaṇṇanā
д̇ад̇ияз анвад̣дхамаасанд̇и анубадибаадияаа ад̣̇д̇хамаасз ад̣̇д̇хамаасз. уд̣̇д̣̇иссамаанзд̇и убосат̇авасзна уд̣̇д̣̇исияамаанз. яан̃жа д̇ад̇т̇а аабад̇д̇им̣ аабаннод̇и яам̣ со анаажаарам̣ аажарид̇ваа ан̃н̃аан̣агзна аабаннабхаавам̣ ж̇аанаабзд̇угаамо звамааха, д̇асмим̣ анаажаарз яам̣ аабад̇д̇им̣ аабанно. д̇ан̃жа яат̇аад̇хаммо гаарзд̇аб̣б̣од̇и ан̃н̃аан̣агзна аабаннад̇д̇аа могко над̇т̇и, яат̇аа бана д̇хаммо жа винаяо жа тид̇о, д̇ат̇аа д̇ам̣ аабад̇д̇им̣ гаарзд̇аб̣б̣о, д̣̇зсанааг̇ааминияаа д̣̇зсаабзд̇аб̣б̣о, вудтаанаг̇ааминияаа вудтаабзд̇аб̣б̣од̇и ад̇т̇о. уд̇д̇ари жасса мохо ааробзд̇аб̣б̣од̇и яат̇аад̇хаммагаран̣ад̇о жа уд̇д̇ари ‘‘д̇асса д̇з, аавусо’’д̇иаад̣̇иважанзхи нинд̣̇ид̇ваа д̇асса буг̇г̇аласса н̃ад̇д̇ид̣̇уд̇ияагаммзна мохо ааробзд̇аб̣б̣о. ид̣̇ам̣ д̇асмим̣ моханагз баажид̇д̇ияанд̇и яо звам̣ ааробид̇з мохз буна мохзд̇и, д̇асмим̣ моханагз буг̇г̇алз ид̣̇ам̣ баажид̇д̇ияам̣ взд̣̇ид̇аб̣б̣ам̣, на анааробид̇з мохзд̇и ад̇т̇о.
Tatiye anvaḍḍhamāsanti anupaṭipāṭiyā addhamāse addhamāse. Uddissamāneti uposathavasena uddisiyamāne. Yañca tattha āpattiṃ āpannoti yaṃ so anācāraṃ ācaritvā aññāṇakena āpannabhāvaṃ jānāpetukāmo evamāha, tasmiṃ anācāre yaṃ āpattiṃ āpanno. Tañca yathādhammo kāretabboti aññāṇakena āpannattā mokkho natthi, yathā pana dhammo ca vinayo ca ṭhito, tathā taṃ āpattiṃ kāretabbo, desanāgāminiyā desāpetabbo, vuṭṭhānagāminiyā vuṭṭhāpetabboti attho. Uttari cassa moho āropetabboti yathādhammakaraṇato ca uttari ‘‘tassa te, āvuso’’tiādivacanehi ninditvā tassa puggalassa ñattidutiyakammena moho āropetabbo. Idaṃ tasmiṃ mohanake pācittiyanti yo evaṃ āropite mohe puna moheti, tasmiṃ mohanake puggale idaṃ pācittiyaṃ veditabbaṃ, na anāropite moheti attho.
саавад̇т̇ияам̣ чаб̣б̣аг̇г̇ияз аараб̣бха моханавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, ад̇хаммагаммз д̇игад̣̇уггадам̣, анааробид̇з мохз д̣̇уггадамзва. язна на вид̇т̇аарзна суд̇ам̣, уунагад̣̇вад̇д̇игкад̇д̇ум̣ ваа вид̇т̇аарзна суд̇ам̣, яз жа на мохзд̇угаамаа д̇зсам̣, уммад̇д̇агаад̣̇ийнан̃жа анаабад̇д̇и. мохааробанам̣, мохзд̇угаамад̇аа, вуд̇д̇анаязна суд̇абхааво, мохананд̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ chabbaggiye ārabbha mohanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, adhammakamme tikadukkaṭaṃ, anāropite mohe dukkaṭameva. Yena na vitthārena sutaṃ, ūnakadvattikkhattuṃ vā vitthārena sutaṃ, ye ca na mohetukāmā tesaṃ, ummattakādīnañca anāpatti. Mohāropanaṃ, mohetukāmatā, vuttanayena sutabhāvo, mohananti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedananti.
моханасигкаабад̣̇аван̣н̣анаа нидтид̇аа.
Mohanasikkhāpadavaṇṇanā niṭṭhitā.
4. бахаарасигкаабад̣̇аван̣н̣анаа
4. Pahārasikkhāpadavaṇṇanā
жад̇уд̇т̇з бахаарам̣ д̣̇ад̣̇зяяаад̇и зд̇т̇а бахарид̇угаамад̇ааяа бахаарз д̣̇иннз сажзби марад̇и, баажид̇д̇ияамзва.
Catutthe pahāraṃ dadeyyāti ettha paharitukāmatāya pahāre dinne sacepi marati, pācittiyameva.
саавад̇т̇ияам̣ чаб̣б̣аг̇г̇ияз аараб̣бха бахаарад̣̇аанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, анубасамбаннз д̇игад̣̇уггадам̣, вируубагаран̣аад̇хиббааязна бана убасамбаннассаби ган̣н̣аад̣̇ижчзд̣̇анз д̣̇уггадамзва. гзнажи вихзтияамаанасса бана могкаад̇хиббааяасса, уммад̇д̇агаад̣̇ийнан̃жа анаабад̇д̇и. губид̇ад̇аа, на могкаад̇хиббааяад̇аа, убасамбаннасса бахаарад̣̇аананд̇и имаанзд̇т̇а д̇ийн̣и ан̇г̇аани. самудтаанаад̣̇ийни батамабаарааж̇игасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ chabbaggiye ārabbha pahāradānavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampanne tikadukkaṭaṃ, virūpakaraṇādhippāyena pana upasampannassapi kaṇṇādicchedane dukkaṭameva. Kenaci viheṭhiyamānassa pana mokkhādhippāyassa, ummattakādīnañca anāpatti. Kupitatā, na mokkhādhippāyatā, upasampannassa pahāradānanti imānettha tīṇi aṅgāni. Samuṭṭhānādīni paṭhamapārājikasadisāni, idaṃ pana dukkhavedananti.
бахаарасигкаабад̣̇аван̣н̣анаа нидтид̇аа.
Pahārasikkhāpadavaṇṇanā niṭṭhitā.
5. д̇аласад̇д̇игасигкаабад̣̇аван̣н̣анаа
5. Talasattikasikkhāpadavaṇṇanā
бан̃жамз д̇аласад̇д̇игам̣ уг̇г̇ирзяяаад̇и бахаарад̣̇аанаагаарам̣ д̣̇ассзнд̇о гааяам̣ ваа гааяаббадиб̣ад̣̇д̇хам̣ ваа ужжаарзяяа. зд̇т̇а жа уг̇г̇иран̣абажжаяаа баажид̇д̇ияам̣. сажз бана уг̇г̇ирид̇ваа вирад̣̇д̇хо бахаарам̣ д̣̇зд̇и, на бахарид̇угаамад̇ааяа д̣̇иннад̇д̇аа д̣̇уггадамзва, д̇зна бахаарзна хад̇т̇аад̣̇ийсу яам̣гин̃жи бхиж̇ж̇ад̇и, д̣̇уггадамзва. сзсамзд̇т̇а саб̣б̣ам̣ буримасигкаабад̣̇з вуд̇д̇анаязнзва взд̣̇ид̇аб̣б̣анд̇и.
Pañcame talasattikaṃ uggireyyāti pahāradānākāraṃ dassento kāyaṃ vā kāyappaṭibaddhaṃ vā uccāreyya. Ettha ca uggiraṇapaccayā pācittiyaṃ. Sace pana uggiritvā viraddho pahāraṃ deti, na paharitukāmatāya dinnattā dukkaṭameva, tena pahārena hatthādīsu yaṃkiñci bhijjati, dukkaṭameva. Sesamettha sabbaṃ purimasikkhāpade vuttanayeneva veditabbanti.
д̇аласад̇д̇игасигкаабад̣̇аван̣н̣анаа нидтид̇аа.
Talasattikasikkhāpadavaṇṇanā niṭṭhitā.
6. амуулагасигкаабад̣̇аван̣н̣анаа
6. Amūlakasikkhāpadavaṇṇanā
чадтз амуулагзнаад̇и д̣̇идтаад̣̇имуулавирахид̇зна. ануд̣̇д̇хам̣сзяяаад̇и жод̣̇зяяа ваа жод̣̇аабзяяа ваа. баажид̇д̇ияанд̇и сажз жуд̣̇ид̇аго д̇ан̇кан̣ан̃н̃зва ‘‘жод̣̇зд̇и ма’’нд̇и ж̇аанаад̇и, жод̣̇агасса баажид̇д̇ияам̣.
Chaṭṭhe amūlakenāti diṭṭhādimūlavirahitena. Anuddhaṃseyyāti codeyya vā codāpeyya vā. Pācittiyanti sace cuditako taṅkhaṇaññeva ‘‘codeti ma’’nti jānāti, codakassa pācittiyaṃ.
саавад̇т̇ияам̣ чаб̣б̣аг̇г̇ияз аараб̣бха амуулагзна сан̇гхаад̣̇исзсзна ануд̣̇д̇хам̣санавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, саан̣ад̇д̇игам̣, д̇игабаажид̇д̇ияам̣, аажааравибад̇д̇ияаа ваа д̣̇идтивибад̇д̇ияаа ваа ануд̣̇д̇хам̣санз д̣̇уггадам̣, анубасамбаннз д̇игад̣̇уггадам̣. д̇ат̇аасан̃н̃исса, уммад̇д̇агаад̣̇ийнан̃жа анаабад̇д̇и. убасамбаннад̇аа, сан̇гхаад̣̇исзсасса амуулагад̇аа, ануд̣̇д̇хам̣санаа, д̇ан̇кан̣авиж̇аананаад̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Sāvatthiyaṃ chabbaggiye ārabbha amūlakena saṅghādisesena anuddhaṃsanavatthusmiṃ paññattaṃ, sādhāraṇapaññatti, sāṇattikaṃ, tikapācittiyaṃ, ācāravipattiyā vā diṭṭhivipattiyā vā anuddhaṃsane dukkaṭaṃ, anupasampanne tikadukkaṭaṃ. Tathāsaññissa, ummattakādīnañca anāpatti. Upasampannatā, saṅghādisesassa amūlakatā, anuddhaṃsanā, taṅkhaṇavijānanāti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedananti.
амуулагасигкаабад̣̇аван̣н̣анаа нидтид̇аа.
Amūlakasikkhāpadavaṇṇanā niṭṭhitā.
7. сан̃жижжасигкаабад̣̇аван̣н̣анаа
7. Sañciccasikkhāpadavaṇṇanā
сад̇д̇амз гуггужжам̣ убад̣̇ахзяяаад̇и ‘‘уунавийсад̇ивассо д̇вам̣ ман̃н̃з’’д̇иаад̣̇ийни (баажи. 466) бхан̣анд̇о уббаад̣̇зяяа. звам̣ ан̃н̃асмим̣ уббаад̣̇анабажжаяз асад̇и сан̃жижжа уббаад̣̇знд̇асса ваажааяа ваажааяа баажид̇д̇ияам̣.
Sattame kukkuccaṃ upadaheyyāti ‘‘ūnavīsativasso tvaṃ maññe’’tiādīni (pāci. 466) bhaṇanto uppādeyya. Evaṃ aññasmiṃ uppādanapaccaye asati sañcicca uppādentassa vācāya vācāya pācittiyaṃ.
саавад̇т̇ияам̣ чаб̣б̣аг̇г̇ияз аараб̣бха гуггужжауббаад̣̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, анубасамбаннз д̇игад̣̇уггадам̣. науббаад̣̇зд̇угаамасса, гзвалам̣ хид̇зсид̇ааяа д̇ат̇аа вад̣̇анд̇асса, уммад̇д̇агаад̣̇ийнан̃жа анаабад̇д̇и. убасамбаннад̇аа, апаасугаамад̇аа , гуггужжуббаад̣̇ананд̇и имаанзд̇т̇а д̇ийн̣и ан̇г̇аани. самудтаанаад̣̇ийни ананд̇арасад̣̇исаанзваад̇и.
Sāvatthiyaṃ chabbaggiye ārabbha kukkuccauppādanavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampanne tikadukkaṭaṃ. Nauppādetukāmassa, kevalaṃ hitesitāya tathā vadantassa, ummattakādīnañca anāpatti. Upasampannatā, aphāsukāmatā , kukkuccuppādananti imānettha tīṇi aṅgāni. Samuṭṭhānādīni anantarasadisānevāti.
сан̃жижжасигкаабад̣̇аван̣н̣анаа нидтид̇аа.
Sañciccasikkhāpadavaṇṇanā niṭṭhitā.
8. убассуд̇исигкаабад̣̇аван̣н̣анаа
8. Upassutisikkhāpadavaṇṇanā
адтамз виваад̣̇аабаннаананд̇и бхан̣д̣анагалахзхи вивад̣дхид̇ам̣ виваад̣̇аад̇хигаран̣ам̣ аабаннаанам̣. убассуд̇инд̇и суд̇исамийбам̣, яад̇т̇а тад̇ваа саггаа ход̇и д̇зсам̣ важанам̣ сод̇ум̣, д̇ад̇т̇а д̇идтзяяаад̇и ад̇т̇о. ‘‘д̇ад̇т̇а соссаамий’’д̇и жод̣̇зд̇угаамад̇ааяа г̇ажчад̇о бад̣̇з бад̣̇з д̣̇уггадам̣, д̇урид̇аг̇аманзби охийяамаанзби зсзва наяо. яад̇т̇а бана тид̇о сун̣аад̇и, д̇ад̇т̇а тид̇асса баажид̇д̇ияам̣, ад̇д̇ано тид̇огаасам̣ ааг̇анд̇ваа д̇зсу манд̇аяамаанзсуби уггаасид̇ваа, ‘‘ахам̣ зд̇т̇аа’’д̇и ваа вад̇ваа ж̇аанаабзд̇аб̣б̣ам̣, звам̣ агаронд̇ассааби саванз баажид̇д̇ияамзва.
Aṭṭhame vivādāpannānanti bhaṇḍanakalahehi vivaḍḍhitaṃ vivādādhikaraṇaṃ āpannānaṃ. Upassutinti sutisamīpaṃ, yattha ṭhatvā sakkā hoti tesaṃ vacanaṃ sotuṃ, tattha tiṭṭheyyāti attho. ‘‘Tattha sossāmī’’ti codetukāmatāya gacchato pade pade dukkaṭaṃ, turitagamanepi ohīyamānepi eseva nayo. Yattha pana ṭhito suṇāti, tattha ṭhitassa pācittiyaṃ, attano ṭhitokāsaṃ āgantvā tesu mantayamānesupi ukkāsitvā, ‘‘ahaṃ etthā’’ti vā vatvā jānāpetabbaṃ, evaṃ akarontassāpi savane pācittiyameva.
саавад̇т̇ияам̣ чаб̣б̣аг̇г̇ияз аараб̣бха убассуд̇идтаанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇игабаажид̇д̇ияам̣, анубасамбаннз д̇игад̣̇уггадам̣, ‘‘имзсам̣ суд̇ваа орамиссаами вирамиссаами вуубасамиссаами ад̇д̇аанам̣ бариможзссаамий’’д̇и (баажи. 473) г̇ажчад̇о, уммад̇д̇агаад̣̇ийнан̃жа анаабад̇д̇и. убасамбаннад̇аа, жод̣̇анаад̇хиббааяо, савананд̇и имаанзд̇т̇а д̇ийн̣и ан̇г̇аани. т̇зяяасад̇т̇асамудтаанам̣ ид̣̇ам̣ бана сияаа гирияам̣, сияаа агирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Sāvatthiyaṃ chabbaggiye ārabbha upassutiṭṭhānavatthusmiṃ paññattaṃ, sādhāraṇapaññatti, anāṇattikaṃ, tikapācittiyaṃ, anupasampanne tikadukkaṭaṃ, ‘‘imesaṃ sutvā oramissāmi viramissāmi vūpasamissāmi attānaṃ parimocessāmī’’ti (pāci. 473) gacchato, ummattakādīnañca anāpatti. Upasampannatā, codanādhippāyo, savananti imānettha tīṇi aṅgāni. Theyyasatthasamuṭṭhānaṃ idaṃ pana siyā kiriyaṃ, siyā akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
убассуд̇исигкаабад̣̇аван̣н̣анаа нидтид̇аа.
Upassutisikkhāpadavaṇṇanā niṭṭhitā.
9. гаммаббадиб̣ааханасигкаабад̣̇аван̣н̣анаа
9. Kammappaṭibāhanasikkhāpadavaṇṇanā
навамз д̇хаммигаанам̣ гаммаананд̇и д̇хаммзна винаязна сад̇т̇усаасанзна гад̇аанам̣ абалоганагаммам̣ н̃ад̇д̇игаммам̣ н̃ад̇д̇ид̣̇уд̇ияагаммам̣ н̃ад̇д̇ижад̇уд̇т̇агамманд̇и имзсам̣ жад̇уннам̣ гаммаанам̣. д̇ад̇рааяам̣ сан̇кзбад̇о гаммавинижчаяо – д̇ад̇ра абалоганагаммам̣ наама самаг̇г̇асса сан̇гхасса анумад̇ияаа д̇ам̣ д̇ам̣ вад̇т̇ум̣ гид̇д̇зд̇ваа ‘‘ружжад̇и сан̇гхассаа’’д̇и д̇игкад̇д̇ум̣ саавзд̇ваа гад̇д̇аб̣б̣ам̣ гаммам̣ вужжад̇и. самаг̇г̇ассзва бана сан̇гхасса анумад̇ияаа згааяа н̃ад̇д̇ияаа гад̇д̇аб̣б̣ам̣ гаммам̣ н̃ад̇д̇игаммам̣ наама. згааяа н̃ад̇д̇ияаа жзва ануссааванааяа жа гад̇д̇аб̣б̣ам̣ гаммам̣ н̃ад̇д̇ид̣̇уд̇ияагаммам̣ наама. згааяа бана н̃ад̇д̇ияаа д̇ийхи жа ануссааванаахи гад̇д̇аб̣б̣ам̣ гаммам̣ н̃ад̇д̇ижад̇уд̇т̇агаммам̣ наама.
Navame dhammikānaṃ kammānanti dhammena vinayena satthusāsanena katānaṃ apalokanakammaṃ ñattikammaṃ ñattidutiyakammaṃ ñatticatutthakammanti imesaṃ catunnaṃ kammānaṃ. Tatrāyaṃ saṅkhepato kammavinicchayo – tatra apalokanakammaṃ nāma samaggassa saṅghassa anumatiyā taṃ taṃ vatthuṃ kittetvā ‘‘ruccati saṅghassā’’ti tikkhattuṃ sāvetvā kattabbaṃ kammaṃ vuccati. Samaggasseva pana saṅghassa anumatiyā ekāya ñattiyā kattabbaṃ kammaṃ ñattikammaṃ nāma. Ekāya ñattiyā ceva anussāvanāya ca kattabbaṃ kammaṃ ñattidutiyakammaṃ nāma. Ekāya pana ñattiyā tīhi ca anussāvanāhi kattabbaṃ kammaṃ ñatticatutthakammaṃ nāma.
д̇зсу абалоганагаммам̣ (бари. 496; бари. адта. 495-496) бан̃жа таанаани г̇ажчад̇и осааран̣ам̣ ниссааран̣ам̣ бхан̣д̣угаммам̣ б̣рахмад̣̇ан̣д̣ам̣ гаммалагкан̣анд̇и. д̇ад̇т̇а ган̣дагасааман̣зрасса наасанаа вияа ниссааран̣аа, д̇аад̣̇исам̣язва саммаавад̇д̇анд̇ам̣ д̣̇исваа бавзсанаа ‘осааран̣аа’д̇и взд̣̇ид̇аб̣б̣аа. баб̣б̣аж̇ж̇аабзгкасса гзсажчзд̣̇анаабужчанам̣ бхан̣д̣угаммам̣ (махаава. 98) наама. мукарасса бхигкуно бхигкуу д̣̇уруд̇д̇аважанзхи гхаддзнд̇асса ‘‘ид̇т̇аннаамо бхигку мукаро бхигкуу д̣̇уруд̇д̇аважанзхи гхаддзнд̇о вихарад̇и, со бхигку яам̣ ижчзяяа, д̇ам̣ вад̣̇зяяа, бхигкуухи ид̇т̇аннаамо бхигку нзва вад̇д̇аб̣б̣о, на оваад̣̇аанусаасаним̣ гад̇д̇аб̣б̣о, на овад̣̇ид̇аб̣б̣о’’д̇и ‘‘сан̇гхам̣, бханд̇з , бужчаами ‘ид̇т̇аннаамасса бхигкуно б̣рахмад̣̇ан̣д̣асса д̣̇аанам̣ ружжад̇и сан̇гхассаа’д̇и, д̣̇уд̇ияамби бужчаами, д̇ад̇ияамби бужчаами ‘ид̇т̇аннаамасса, бханд̇з, бхигкуно б̣рахмад̣̇ан̣д̣асса д̣̇аанам̣ ружжад̇и сан̇гхассаа’’’д̇и звам̣ гад̇д̇аб̣б̣ам̣ гаммам̣ б̣рахмад̣̇ан̣д̣ам̣ (жуул̣ава. 445) наама. яам̣ бана бхаг̇авад̇аа бхигкунийнам̣ уурум̣ виварид̇ваа д̣̇ассанаад̣̇ивад̇т̇уусу ‘‘аванд̣̇ияо со, бхигкавз, бхигку бхигкунисан̇гхзна гаад̇аб̣б̣о’’д̇и (жуул̣ава. 411) звам̣ аванд̣̇ияагаммам̣ анун̃н̃аад̇ам̣, яам̣ бхигкунийхи ‘‘аяяз, асуго наама аяяо бхигкунийнам̣ аббасаад̣̇анийяам̣ д̣̇ассзд̇и, зд̇асса аяяасса аванд̣̇ияагаран̣ам̣ ‘ружжад̇и бхигкунисан̇гхассаа’’’д̇и звам̣ убассаяз нисиннаахзва бхигкунийхи гад̇д̇аб̣б̣ам̣, зваруубам̣ гаммам̣ яасмаа д̇асса гаммам̣язва лагкан̣ам̣ на осааран̣аад̣̇ийни, д̇асмаа гаммалагкан̣анд̇и вужжад̇и. ид̣̇ан̃жа гаммалагкан̣ам̣ наама бхигкунимуулагам̣ бан̃н̃ад̇д̇ам̣, абижа бхигкуунамби лаб̣бхад̇и, д̇асмаа бхигкуухиби ажчиннажийварагаад̣̇ийнам̣ жийвараад̣̇ийни ваа д̣̇знд̇зхи, барибхун̃ж̇ид̇аб̣б̣аани абанзд̇аб̣б̣ааниби вад̇т̇ууни барибхун̃ж̇анд̇зхи ваа, абанзнд̇зхи ваа, д̇ат̇ааруубам̣ ваа д̇хаммигам̣ гад̇игам̣ гаронд̇зхи д̇игкад̇д̇ум̣ саавзд̇ваа абалоганагаммам̣ гаад̇аб̣б̣ам̣, саб̣б̣ан̃хзд̇ам̣ гаммалагкан̣амзва бависад̇и, ид̇и абалоганагаммам̣ бан̃жа таанаани г̇ажчад̇и.
Tesu apalokanakammaṃ (pari. 496; pari. aṭṭha. 495-496) pañca ṭhānāni gacchati osāraṇaṃ nissāraṇaṃ bhaṇḍukammaṃ brahmadaṇḍaṃ kammalakkhaṇanti. Tattha kaṇṭakasāmaṇerassa nāsanā viya nissāraṇā, tādisaṃyeva sammāvattantaṃ disvā pavesanā ‘osāraṇā’ti veditabbā. Pabbajjāpekkhassa kesacchedanāpucchanaṃ bhaṇḍukammaṃ (mahāva. 98) nāma. Mukharassa bhikkhuno bhikkhū duruttavacanehi ghaṭṭentassa ‘‘itthannāmo bhikkhu mukharo bhikkhū duruttavacanehi ghaṭṭento viharati, so bhikkhu yaṃ iccheyya, taṃ vadeyya, bhikkhūhi itthannāmo bhikkhu neva vattabbo, na ovādānusāsaniṃ kattabbo, na ovaditabbo’’ti ‘‘saṅghaṃ, bhante , pucchāmi ‘itthannāmassa bhikkhuno brahmadaṇḍassa dānaṃ ruccati saṅghassā’ti, dutiyampi pucchāmi, tatiyampi pucchāmi ‘itthannāmassa, bhante, bhikkhuno brahmadaṇḍassa dānaṃ ruccati saṅghassā’’’ti evaṃ kattabbaṃ kammaṃ brahmadaṇḍaṃ (cūḷava. 445) nāma. Yaṃ pana bhagavatā bhikkhunīnaṃ ūruṃ vivaritvā dassanādivatthūsu ‘‘avandiyo so, bhikkhave, bhikkhu bhikkhunisaṅghena kātabbo’’ti (cūḷava. 411) evaṃ avandiyakammaṃ anuññātaṃ, yaṃ bhikkhunīhi ‘‘ayye, asuko nāma ayyo bhikkhunīnaṃ appasādanīyaṃ dasseti, etassa ayyassa avandiyakaraṇaṃ ‘ruccati bhikkhunisaṅghassā’’’ti evaṃ upassaye nisinnāheva bhikkhunīhi kattabbaṃ, evarūpaṃ kammaṃ yasmā tassa kammaṃyeva lakkhaṇaṃ na osāraṇādīni, tasmā kammalakkhaṇanti vuccati. Idañca kammalakkhaṇaṃ nāma bhikkhunimūlakaṃ paññattaṃ, apica bhikkhūnampi labbhati, tasmā bhikkhūhipi acchinnacīvarakādīnaṃ cīvarādīni vā dentehi, paribhuñjitabbāni apanetabbānipi vatthūni paribhuñjantehi vā, apanentehi vā, tathārūpaṃ vā dhammikaṃ katikaṃ karontehi tikkhattuṃ sāvetvā apalokanakammaṃ kātabbaṃ, sabbañhetaṃ kammalakkhaṇameva pavisati, iti apalokanakammaṃ pañca ṭhānāni gacchati.
н̃ад̇д̇игаммам̣ бана нава таанаани г̇ажчад̇и осааран̣ам̣ ниссааран̣ам̣ убосат̇ам̣ бавааран̣ам̣ саммуд̇им̣ д̣̇аанам̣ бадиг̇г̇ахам̣ бажжуггад̣дханам̣ гаммалагкан̣анд̇и. д̇ад̇т̇а ‘‘сун̣аад̇у мз, бханд̇з, сан̇гхо, ид̇т̇аннаамо ид̇т̇аннаамасса ааяасмад̇о убасамбад̣̇аабзгко, анусидто со маяаа, яад̣̇и сан̇гхасса бад̇д̇агаллам̣, ид̇т̇аннаамо ааг̇ажчзяяа , ‘ааг̇ажчаахий’д̇и вад̇д̇аб̣б̣о’’д̇и (махаава. 126) звам̣ убасамбад̣̇аабзгкасса осааран̣аа осааран̣аа наама. ‘‘сун̣анд̇у мз ааяасманд̇аа, аяам̣ ид̇т̇аннаамо бхигку д̇хаммагат̇иго, имасса нзва суд̇д̇ам̣ ааг̇ажчад̇и, но суд̇д̇авибхан̇г̇о, со ад̇т̇ам̣ асаллагкзд̇ваа б̣яан̃ж̇анажчааяааяа ад̇т̇ам̣ бадиб̣аахад̇и, яад̣̇ааяасманд̇аанам̣ бад̇д̇агаллам̣, ид̇т̇аннаамам̣ бхигкум̣ вудтаабзд̇ваа авасзсаа имам̣ ад̇хигаран̣ам̣ вуубасамзяяаамаа’’д̇и звам̣ уб̣бхаахигавинижчаяз (жуул̣ава. 233) д̇хаммагат̇игасса бхигкуно ниссааран̣аа ниссааран̣аа наама. ‘‘сун̣аад̇у мз, бханд̇з, сан̇гхо, аж̇ж̇убосат̇о…бз… убосат̇ам̣ гарзяяаа’’д̇и звам̣ убосат̇агаммавасзна табид̇аа н̃ад̇д̇и убосат̇о наама. ‘‘сун̣аад̇у мз, бханд̇з, сан̇гхо, аж̇ж̇а бавааран̣аа баннарасий, яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и (махаава. 210) звам̣ бавааран̣аагаммавасзна табид̇аа н̃ад̇д̇и бавааран̣аа наама. ‘‘сун̣аад̇у мз, бханд̇з, сан̇гхо, ид̇т̇аннаамо ид̇т̇аннаамасса убасамбад̣̇аабзгко, яад̣̇и сан̇гхасса бад̇д̇агаллам̣, ахам̣ ид̇т̇аннаамам̣ анусаасзяяа’’нд̇и, ‘‘яад̣̇и сан̇гхасса бад̇д̇агаллам̣, ид̇т̇аннаамо ид̇т̇аннаамам̣ анусаасзяяаа’’д̇и (махаава. 126) звам̣ ад̇д̇аанам̣ ваа барам̣ ваа самманнид̇ум̣ табид̇аа н̃ад̇д̇и саммуд̇и наама. ‘‘сун̣аад̇у мз, бханд̇з, сан̇гхо, имам̣ жийварам̣ ид̇т̇аннаамасса бхигкуно ниссаг̇г̇ияам̣ сан̇гхасса ниссадтам̣, яад̣̇и сан̇гхасса бад̇д̇агаллам̣, сан̇гхо имам̣ жийварам̣ ид̇т̇аннаамасса бхигкуно д̣̇ад̣̇зяяаа’’д̇и (баараа. 464) звам̣ ниссадтажийварабад̇д̇аад̣̇ийнам̣ д̣̇аанам̣ д̣̇аанам̣ наама. ‘‘сун̣аад̇у мз, бханд̇з, сан̇гхо, аяам̣ ид̇т̇аннаамо бхигку аабад̇д̇им̣ сарад̇и виварад̇и уд̇д̇ааним̣ гарод̇и д̣̇зсзд̇и, яад̣̇и сан̇гхасса бад̇д̇агаллам̣, ахам̣ ид̇т̇аннаамасса бхигкуно аабад̇д̇им̣ бадиг̇г̇ан̣хзяяа’’нд̇и, д̇зна вад̇д̇аб̣б̣о ‘бассасий’д̇и, ‘аама, бассаамий’д̇и, ‘‘ааяад̇им̣ сам̣варзяяаасий’’д̇и (жуул̣ава. 239) звам̣ аабад̇д̇иббадиг̇г̇ахо бадиг̇г̇ахо наама. ‘‘сун̣анд̇у мз ааяасманд̇аа ааваасигаа, яад̣̇ааяасманд̇аанам̣ бад̇д̇агаллам̣, ид̣̇аани убосат̇ам̣ гарзяяаама, баад̇имогкам̣ уд̣̇д̣̇исзяяаама, ааг̇амз гаалз баваарзяяаамаа’’д̇и (махаава. 240) звам̣ гад̇аббавааран̣аббажжуггад̣дханаа бажжуггад̣дханаа наама. д̇ин̣авад̇д̇аарагасамат̇з (жуул̣ава. 212) саб̣б̣асан̇г̇аахиган̃ад̇д̇и, згзгасмим̣ багкз згзгаа н̃ад̇д̇и жаад̇и д̇иссоби н̃ад̇д̇ияо гаммалагкан̣ам̣ наама. ид̇и н̃ад̇д̇игаммам̣ нава таанаани г̇ажчад̇и.
Ñattikammaṃ pana nava ṭhānāni gacchati osāraṇaṃ nissāraṇaṃ uposathaṃ pavāraṇaṃ sammutiṃ dānaṃ paṭiggahaṃ paccukkaḍḍhanaṃ kammalakkhaṇanti. Tattha ‘‘suṇātu me, bhante, saṅgho, itthannāmo itthannāmassa āyasmato upasampadāpekkho, anusiṭṭho so mayā, yadi saṅghassa pattakallaṃ, itthannāmo āgaccheyya , ‘āgacchāhī’ti vattabbo’’ti (mahāva. 126) evaṃ upasampadāpekkhassa osāraṇā osāraṇā nāma. ‘‘Suṇantu me āyasmantā, ayaṃ itthannāmo bhikkhu dhammakathiko, imassa neva suttaṃ āgacchati, no suttavibhaṅgo, so atthaṃ asallakkhetvā byañjanacchāyāya atthaṃ paṭibāhati, yadāyasmantānaṃ pattakallaṃ, itthannāmaṃ bhikkhuṃ vuṭṭhāpetvā avasesā imaṃ adhikaraṇaṃ vūpasameyyāmā’’ti evaṃ ubbhāhikavinicchaye (cūḷava. 233) dhammakathikassa bhikkhuno nissāraṇā nissāraṇā nāma. ‘‘Suṇātu me, bhante, saṅgho, ajjuposatho…pe… uposathaṃ kareyyā’’ti evaṃ uposathakammavasena ṭhapitā ñatti uposatho nāma. ‘‘Suṇātu me, bhante, saṅgho, ajja pavāraṇā pannarasī, yadi saṅghassa pattakallaṃ, saṅgho pavāreyyā’’ti (mahāva. 210) evaṃ pavāraṇākammavasena ṭhapitā ñatti pavāraṇā nāma. ‘‘Suṇātu me, bhante, saṅgho, itthannāmo itthannāmassa upasampadāpekkho, yadi saṅghassa pattakallaṃ, ahaṃ itthannāmaṃ anusāseyya’’nti, ‘‘yadi saṅghassa pattakallaṃ, itthannāmo itthannāmaṃ anusāseyyā’’ti (mahāva. 126) evaṃ attānaṃ vā paraṃ vā sammannituṃ ṭhapitā ñatti sammuti nāma. ‘‘Suṇātu me, bhante, saṅgho, imaṃ cīvaraṃ itthannāmassa bhikkhuno nissaggiyaṃ saṅghassa nissaṭṭhaṃ, yadi saṅghassa pattakallaṃ, saṅgho imaṃ cīvaraṃ itthannāmassa bhikkhuno dadeyyā’’ti (pārā. 464) evaṃ nissaṭṭhacīvarapattādīnaṃ dānaṃ dānaṃ nāma. ‘‘Suṇātu me, bhante, saṅgho, ayaṃ itthannāmo bhikkhu āpattiṃ sarati vivarati uttāniṃ karoti deseti, yadi saṅghassa pattakallaṃ, ahaṃ itthannāmassa bhikkhuno āpattiṃ paṭiggaṇheyya’’nti, tena vattabbo ‘passasī’ti, ‘āma, passāmī’ti, ‘‘āyatiṃ saṃvareyyāsī’’ti (cūḷava. 239) evaṃ āpattippaṭiggaho paṭiggaho nāma. ‘‘Suṇantu me āyasmantā āvāsikā, yadāyasmantānaṃ pattakallaṃ, idāni uposathaṃ kareyyāma, pātimokkhaṃ uddiseyyāma, āgame kāle pavāreyyāmā’’ti (mahāva. 240) evaṃ katappavāraṇappaccukkaḍḍhanā paccukkaḍḍhanā nāma. Tiṇavattārakasamathe (cūḷava. 212) sabbasaṅgāhikañatti, ekekasmiṃ pakkhe ekekā ñatti cāti tissopi ñattiyo kammalakkhaṇaṃ nāma. Iti ñattikammaṃ nava ṭhānāni gacchati.
н̃ад̇д̇ид̣̇уд̇ияагаммам̣ сад̇д̇а таанаани г̇ажчад̇и осааран̣ам̣ ниссааран̣ам̣ саммуд̇им̣ д̣̇аанам̣ уд̣̇д̇хаарам̣ д̣̇зсанам̣ гаммалагкан̣анд̇и. д̇ад̇т̇а бхигкуунам̣ алаабхааяа барисагганаад̣̇игзхи адтахи ан̇г̇зхи саманнааг̇ад̇асса убаасагасса сан̇гхзна асамбхог̇агаран̣ад̇т̇ам̣ бад̇д̇аниггуж̇ж̇анавасзна ниссааран̣аа ниссааран̣аа наама. д̇ассзва саммаавад̇д̇анд̇асса бад̇д̇уггуж̇ж̇анавасзна осааран̣аа жа взд̣̇ид̇аб̣б̣аа, саа куд̣̇д̣̇агагканд̇хагз вад̣дхалижчавивад̇т̇усмим̣ (жуул̣ава. 265-266) вуд̇д̇аа. сиймаасаммуд̇и д̇ижийварзна авиббаваасасаммуд̇исант̇ад̇асаммуд̇ибхад̇д̇уд̣̇д̣̇зсагасзнаасанаг̇г̇аахаабагабхан̣д̣ааг̇ааригажийвараббадиг̇г̇аахагаяааг̇убхааж̇агапалабхааж̇агакаж̇ж̇абхааж̇агааббамад̇д̇агависсаж̇ж̇агасаадияаг̇г̇аахабагабад̇д̇аг̇г̇аахаабагааараамигабзсагасааман̣зрабзсагасаммуд̇ийд̇и зд̇аасам̣ саммуд̇ийнам̣ васзна саммуд̇и взд̣̇ид̇аб̣б̣аа. гат̇инажийварамад̇агажийварад̣̇аанавасзна д̣̇аанам̣ взд̣̇ид̇аб̣б̣ам̣. гат̇инуд̣̇д̇хааравасзна уд̣̇д̇хааро взд̣̇ид̇аб̣б̣о. гудивад̇т̇увихааравад̇т̇уд̣̇зсанаавасзна д̣̇зсанаа взд̣̇ид̇аб̣б̣аа. яаа бана д̇ин̣авад̇т̇аарагасамат̇з (жуул̣ава. 212 аад̣̇аяо) згасмим̣ багкз згаа, згасмим̣ багкз згаад̇и д̣̇вз н̃ад̇д̇ид̣̇уд̇ияагаммаваажаа вуд̇д̇аа, яаа жа мохааробанаад̣̇ийсу гаммаваажаа (баажи. 446) вуд̇д̇аа, д̇аасам̣ васзна гаммалагкан̣ам̣ взд̣̇ид̇аб̣б̣ам̣, ид̇и н̃ад̇д̇ид̣̇уд̇ияагаммам̣ сад̇д̇а таанаани г̇ажчад̇и.
Ñattidutiyakammaṃ satta ṭhānāni gacchati osāraṇaṃ nissāraṇaṃ sammutiṃ dānaṃ uddhāraṃ desanaṃ kammalakkhaṇanti. Tattha bhikkhūnaṃ alābhāya parisakkanādikehi aṭṭhahi aṅgehi samannāgatassa upāsakassa saṅghena asambhogakaraṇatthaṃ pattanikkujjanavasena nissāraṇā nissāraṇā nāma. Tasseva sammāvattantassa pattukkujjanavasena osāraṇā ca veditabbā, sā khuddakakkhandhake vaḍḍhalicchavivatthusmiṃ (cūḷava. 265-266) vuttā. Sīmāsammuti ticīvarena avippavāsasammutisanthatasammutibhattuddesakasenāsanaggāhāpakabhaṇḍāgārikacīvarappaṭiggāhakayāgubhājakaphalabhājakakhajjabhājakaappamattakavissajjakasāṭiyaggāhapakapattaggāhāpakaārāmikapesakasāmaṇerapesakasammutīti etāsaṃ sammutīnaṃ vasena sammuti veditabbā. Kathinacīvaramatakacīvaradānavasena dānaṃ veditabbaṃ. Kathinuddhāravasena uddhāro veditabbo. Kuṭivatthuvihāravatthudesanāvasena desanā veditabbā. Yā pana tiṇavatthārakasamathe (cūḷava. 212 ādayo) ekasmiṃ pakkhe ekā, ekasmiṃ pakkhe ekāti dve ñattidutiyakammavācā vuttā, yā ca mohāropanādīsu kammavācā (pāci. 446) vuttā, tāsaṃ vasena kammalakkhaṇaṃ veditabbaṃ, iti ñattidutiyakammaṃ satta ṭhānāni gacchati.
н̃ад̇д̇ижад̇уд̇т̇агаммамби сад̇д̇зва таанаани г̇ажчад̇и осааран̣ам̣ ниссааран̣ам̣ саммуд̇им̣ д̣̇аанам̣ ниг̇г̇ахам̣ саманубхаасанам̣ гаммалагкан̣анд̇и. д̇ад̇т̇а д̇аж̇ж̇анийяагаммаад̣̇ийнам̣ (жуул̣ава. 1 аад̣̇аяо) сад̇д̇аннам̣ гаммаанам̣ васзна ниссааран̣аа, д̇зсам̣язва гаммаанам̣ бадиббассамбханавасзна осааран̣аа жа взд̣̇ид̇аб̣б̣аа, бхигкуноваад̣̇агасаммуд̇ивасзна (баажи. 146-147) саммуд̇и, бариваасад̣̇аана(жауул̣ава. 102) маанад̇д̇ад̣̇аанавасзна (жуул̣ава. 105) д̣̇аанам̣, муулааяабадигассанавасзна (жуул̣ава. 110) ниг̇г̇ахо, угкид̇д̇аанувад̇д̇игаа , адта яаавад̇ад̇ияагаа, аридто (баажи. 417), жан̣д̣агаал̣ий (баажи. 709) жаад̇и имз д̇з яаавад̇ад̇ияагаад̇и имаасам̣ згаад̣̇асаннам̣ саманубхаасанаанам̣ васзна саманубхаасанаа, убасамбад̣̇аагаммааб̣бхаанагаммавасзна гаммалагкан̣ам̣ взд̣̇ид̇аб̣б̣ам̣. ид̇и н̃ад̇д̇ижад̇уд̇т̇агаммам̣ сад̇д̇а таанаани г̇ажчад̇и.
Ñatticatutthakammampi satteva ṭhānāni gacchati osāraṇaṃ nissāraṇaṃ sammutiṃ dānaṃ niggahaṃ samanubhāsanaṃ kammalakkhaṇanti. Tattha tajjanīyakammādīnaṃ (cūḷava. 1 ādayo) sattannaṃ kammānaṃ vasena nissāraṇā, tesaṃyeva kammānaṃ paṭippassambhanavasena osāraṇā ca veditabbā, bhikkhunovādakasammutivasena (pāci. 146-147) sammuti, parivāsadāna(caūḷava. 102) mānattadānavasena (cūḷava. 105) dānaṃ, mūlāyapaṭikassanavasena (cūḷava. 110) niggaho, ukkhittānuvattikā , aṭṭha yāvatatiyakā, ariṭṭho (pāci. 417), caṇḍakāḷī (pāci. 709) cāti ime te yāvatatiyakāti imāsaṃ ekādasannaṃ samanubhāsanānaṃ vasena samanubhāsanā, upasampadākammaabbhānakammavasena kammalakkhaṇaṃ veditabbaṃ. Iti ñatticatutthakammaṃ satta ṭhānāni gacchati.
имзсу бана жад̇уусу гаммзсу абалоганагаммам̣ абалогзд̇ваава гаад̇аб̣б̣ам̣, н̃ад̇д̇игаммаад̣̇ивасзна на гаад̇аб̣б̣ам̣. н̃ад̇д̇игаммамби згам̣ н̃ад̇д̇им̣ табзд̇ваава гаад̇аб̣б̣ам̣, абалоганагаммаад̣̇ивасзна на гаад̇аб̣б̣ам̣. н̃ад̇д̇ид̣̇уд̇ияагаммам̣ бана абалогзд̇ваа гаад̇аб̣б̣амби ад̇т̇и агаад̇аб̣б̣амби, д̇ад̇т̇а сиймаасаммуд̇и сиймаасамуухананам̣ (махаава. 139-140, 144 аад̣̇аяо) гат̇инажийварад̣̇аанам̣ гат̇инуд̣̇д̇хааро гудивад̇т̇уд̣̇зсанаа вихааравад̇т̇уд̣̇зсанаад̇и имаани ча гаммаани г̇аругаани абалогзд̇ваа гаад̇ум̣ на вадданд̇и, н̃ад̇д̇ид̣̇уд̇ияагаммаваажам̣ саавзд̇ваава гаад̇аб̣б̣аани. авасзсаа д̇зраса саммуд̇ияо сзнаасанаг̇г̇аахаабагамад̇агажийварад̣̇аанасаммуд̇ияо жаад̇и зд̇аани лахугаммаани абалогзд̇вааби гаад̇ум̣ вадданд̇и, н̃ад̇д̇игаммаад̣̇ивасзна бана на гаад̇аб̣б̣аанзва. н̃ад̇д̇ижад̇уд̇т̇агаммамби сагалагкан̣знзва гаад̇аб̣б̣ам̣, на сзсагаммавасзна. звам̣ ад̇д̇ано ад̇д̇ано лагкан̣знзва вад̇т̇ун̃ад̇д̇иануссааванаасиймаабарисаасамбад̇д̇ияаа гад̇аани зд̇аани гаммаани д̇хаммзна винаязна сад̇т̇усаасанзна гад̇ад̇д̇аа д̇хаммо зд̇зсу ад̇т̇ийд̇и д̇хаммигаани наама хонд̇и, ид̇и зд̇зсам̣ д̇хаммигаанам̣ гаммаанам̣ чанд̣̇ам̣ д̣̇ад̇ваа бажчаа кийяанад̇хаммам̣ аабаж̇ж̇анд̇асса ваажааяа ваажааяа баажид̇д̇ияам̣.
Imesu pana catūsu kammesu apalokanakammaṃ apaloketvāva kātabbaṃ, ñattikammādivasena na kātabbaṃ. Ñattikammampi ekaṃ ñattiṃ ṭhapetvāva kātabbaṃ, apalokanakammādivasena na kātabbaṃ. Ñattidutiyakammaṃ pana apaloketvā kātabbampi atthi akātabbampi, tattha sīmāsammuti sīmāsamūhananaṃ (mahāva. 139-140, 144 ādayo) kathinacīvaradānaṃ kathinuddhāro kuṭivatthudesanā vihāravatthudesanāti imāni cha kammāni garukāni apaloketvā kātuṃ na vaṭṭanti, ñattidutiyakammavācaṃ sāvetvāva kātabbāni. Avasesā terasa sammutiyo senāsanaggāhāpakamatakacīvaradānasammutiyo cāti etāni lahukammāni apaloketvāpi kātuṃ vaṭṭanti, ñattikammādivasena pana na kātabbāneva. Ñatticatutthakammampi sakalakkhaṇeneva kātabbaṃ, na sesakammavasena. Evaṃ attano attano lakkhaṇeneva vatthuñattianussāvanāsīmāparisāsampattiyā katāni etāni kammāni dhammena vinayena satthusāsanena katattā dhammo etesu atthīti dhammikāni nāma honti, iti etesaṃ dhammikānaṃ kammānaṃ chandaṃ datvā pacchā khīyanadhammaṃ āpajjantassa vācāya vācāya pācittiyaṃ.
саавад̇т̇ияам̣ чаб̣б̣аг̇г̇ияз аараб̣бха кийяанад̇хаммаабаж̇ж̇анавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇хаммагаммз взмад̇игасса, ад̇хаммагаммз д̇хаммагаммасан̃н̃ино, взмад̇игасса жа д̣̇уггадам̣. ад̇хаммагаммасан̃н̃исса , ‘‘ад̇хаммзна ваа ваг̇г̇зна ваа нагаммаарахасса ваа гаммам̣ гаронд̇ий’’д̇и н̃ад̇ваа кийяанд̇асса, уммад̇д̇агаад̣̇ийнан̃жа анаабад̇д̇и. д̇хаммагаммад̇аа, д̇хаммагаммасан̃н̃ид̇аа, чанд̣̇ам̣ д̣̇ад̇ваа кийяананд̇и имаанзд̇т̇а д̇ийн̣и ан̇г̇аани. самудтаанаад̣̇ийни ад̣̇иннаад̣̇аанасад̣̇исаанзва, ид̣̇ам̣ бана д̣̇угкавзд̣̇ананд̇и.
Sāvatthiyaṃ chabbaggiye ārabbha khīyanadhammāpajjanavatthusmiṃ paññattaṃ, sādhāraṇapaññatti, anāṇattikaṃ, dhammakamme vematikassa, adhammakamme dhammakammasaññino, vematikassa ca dukkaṭaṃ. Adhammakammasaññissa , ‘‘adhammena vā vaggena vā nakammārahassa vā kammaṃ karontī’’ti ñatvā khīyantassa, ummattakādīnañca anāpatti. Dhammakammatā, dhammakammasaññitā, chandaṃ datvā khīyananti imānettha tīṇi aṅgāni. Samuṭṭhānādīni adinnādānasadisāneva, idaṃ pana dukkhavedananti.
гаммаббадиб̣ааханасигкаабад̣̇аван̣н̣анаа нидтид̇аа.
Kammappaṭibāhanasikkhāpadavaṇṇanā niṭṭhitā.
10. чанд̣̇ам̣ад̣̇ад̇вааг̇аманасигкаабад̣̇аван̣н̣анаа
10. Chandaṃadatvāgamanasikkhāpadavaṇṇanā
д̣̇асамз винижчаяагат̇ааяаад̇и яаава аарожид̇ам̣ вад̇т̇у авинижчигам̣, н̃ад̇д̇им̣ ваа табзд̇ваа гаммаваажаа анидтаабид̇аа, д̇аава винижчаяагат̇аа вад̇д̇амаанаа наама ход̇и. яо бхигку зд̇асмим̣ анд̇арз гаммам̣ гобзд̇угаамад̇ааяа барисааяа хад̇т̇абаасам̣ виж̇ахад̇и, д̇асса виж̇аханз д̣̇уггадам̣, виж̇ахид̇з баажид̇д̇ияам̣.
Dasame vinicchayakathāyāti yāva ārocitaṃ vatthu avinicchikaṃ, ñattiṃ vā ṭhapetvā kammavācā aniṭṭhāpitā, tāva vinicchayakathā vattamānā nāma hoti. Yo bhikkhu etasmiṃ antare kammaṃ kopetukāmatāya parisāya hatthapāsaṃ vijahati, tassa vijahane dukkaṭaṃ, vijahite pācittiyaṃ.
саавад̇т̇ияам̣ ан̃н̃ад̇арам̣ бхигкум̣ аараб̣бха чанд̣̇ам̣ ад̣̇ад̇ваа баггаманавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇хаммагаммз взмад̇игасса, ад̇хаммагаммз д̇хаммагаммасан̃н̃ино, взмад̇игасса жа д̣̇уггадам̣. ад̇хаммагаммасан̃н̃исса бана, яо жа ‘‘сан̇гхасса бхан̣д̣анаад̣̇ийни ваа бхависсанд̇и, ад̇хаммзна ваа ваг̇г̇зна ваа нагаммаарахасса ваа гаммам̣ гариссанд̇ий’’д̇и (баажи. 483) н̃ад̇ваа, г̇илаано ваа худ̇ваа, г̇илаанасса ваа гаран̣ийязна, ужжаараад̣̇ийхи ваа бийл̣ид̇о, на жа гаммам̣ гобзд̇угаамо ‘‘буна бажжааг̇амиссаамий’’д̇и г̇ажчад̇и, д̇асса, уммад̇д̇агаад̣̇ийнан̃жа анаабад̇д̇и. винижчаяагат̇ааяа вад̇д̇амаанад̇аа, д̇хаммагаммад̇аа, д̇хаммагаммасан̃н̃ид̇аа, самаанасиймааяам̣ тид̇ад̇аа, самаанасам̣ваасагад̇аа, гобзд̇угаамад̇ааяа хад̇т̇абаасавиж̇ахананд̇и имаанзд̇т̇а ча ан̇г̇аани. саманубхаасанасамудтаанам̣, гирияаагирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Sāvatthiyaṃ aññataraṃ bhikkhuṃ ārabbha chandaṃ adatvā pakkamanavatthusmiṃ paññattaṃ, sādhāraṇapaññatti, anāṇattikaṃ, dhammakamme vematikassa, adhammakamme dhammakammasaññino, vematikassa ca dukkaṭaṃ. Adhammakammasaññissa pana, yo ca ‘‘saṅghassa bhaṇḍanādīni vā bhavissanti, adhammena vā vaggena vā nakammārahassa vā kammaṃ karissantī’’ti (pāci. 483) ñatvā, gilāno vā hutvā, gilānassa vā karaṇīyena, uccārādīhi vā pīḷito, na ca kammaṃ kopetukāmo ‘‘puna paccāgamissāmī’’ti gacchati, tassa, ummattakādīnañca anāpatti. Vinicchayakathāya vattamānatā, dhammakammatā, dhammakammasaññitā, samānasīmāyaṃ ṭhitatā, samānasaṃvāsakatā, kopetukāmatāya hatthapāsavijahananti imānettha cha aṅgāni. Samanubhāsanasamuṭṭhānaṃ, kiriyākiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
чанд̣̇ам̣ад̣̇ад̇вааг̇аманасигкаабад̣̇аван̣н̣анаа нидтид̇аа.
Chandaṃadatvāgamanasikkhāpadavaṇṇanā niṭṭhitā.
11. д̣̇уб̣б̣аласигкаабад̣̇аван̣н̣анаа
11. Dubbalasikkhāpadavaṇṇanā
згаад̣̇асамз самаг̇г̇зна сан̇гхзнаад̇и самаанасам̣ваасагзна самаанасиймааяам̣ тид̇зна сан̇гхзна сад̣̇д̇хим̣ жийварам̣ д̣̇ад̇ваа. яат̇аасант̇уд̇анд̇и яо яо мид̇д̇асанд̣̇идтасамбхад̇д̇авасзна сант̇уд̇о, д̇асса д̇ассаад̇и ад̇т̇о. баажид̇д̇ияанд̇и звам̣ сан̇гхзна сад̣̇д̇хим̣ саяамзва сзнаасанабан̃н̃аабанаад̣̇ивасзна саммад̇асса бхигкуно жийварам̣ д̣̇ад̇ваа бажчаа кийяанд̇асса ваажааяа ваажааяа баажид̇д̇ияам̣.
Ekādasame samaggena saṅghenāti samānasaṃvāsakena samānasīmāyaṃ ṭhitena saṅghena saddhiṃ cīvaraṃ datvā. Yathāsanthutanti yo yo mittasandiṭṭhasambhattavasena santhuto, tassa tassāti attho. Pācittiyanti evaṃ saṅghena saddhiṃ sayameva senāsanapaññāpanādivasena sammatassa bhikkhuno cīvaraṃ datvā pacchā khīyantassa vācāya vācāya pācittiyaṃ.
рааж̇аг̇ахз чаб̣б̣аг̇г̇ияз аараб̣бха жийварам̣ д̣̇ад̇ваа бажчаа кийяанавад̇т̇усмим̣ бан̃н̃ад̇д̇ам̣, саад̇хааран̣абан̃н̃ад̇д̇и, анаан̣ад̇д̇игам̣, д̇хаммагаммз д̇игабаажид̇д̇ияам̣, жийварам̣ табзд̇ваа ан̃н̃ам̣ виссаж̇ж̇ияавзбхан̇г̇ияам̣ баригкаарам̣ д̣̇ад̇ваа бажчаакийяанд̇асса д̣̇уггадам̣, виссаж̇ж̇ияавзбхан̇г̇ияо наама табзд̇ваа бан̃жа г̇арубхан̣д̣аани авасзсо. раасивасзна хи бан̃жа г̇арубхан̣д̣аани вуд̇д̇аани, д̇ад̇т̇а аараамо аараамавад̇т̇ууд̇и згам̣, вихааро вихааравад̇т̇ууд̇и д̣̇уд̇ияам̣, ман̃жо бийтам̣ бхиси б̣имб̣охананд̇и д̇ад̇ияам̣, лохагумбхий лохабхаан̣агам̣ лохаваараго лохагадаахам̣ вааси барасу гутаарий гуд̣̇аало никаад̣̇ананд̇и жад̇уд̇т̇ам̣, валли взл̣у мун̃ж̇ам̣ баб̣б̣аж̇ам̣ д̇ин̣ам̣ мад̇д̇игаа д̣̇аарубхан̣д̣ам̣ мад̇д̇игаабхан̣д̣анд̇и бан̃жамам̣. зд̇аани хи бан̃жа сан̇гхасанд̇агаани нзва сан̇гхасса, на г̇ан̣абуг̇г̇алаанам̣ виссаж̇ж̇зд̇ум̣ ваа вибхаж̇ид̇ум̣ ваа вадданд̇и, виссаж̇ж̇ид̇авибхад̇д̇ааниби сан̇гхигаанзва хонд̇и. т̇ааварзна бана т̇ааварам̣, ид̇арзна жа агаббиязна махаг̇гхагаббиязна ваа ид̇арам̣ сан̇гхасса убагаарам̣ саллагкзд̇ваа габбияабаривад̇д̇анзна баривад̇д̇зд̇ум̣ ваддад̇и, варасзнаасанаад̣̇ийнам̣ сам̣рагкан̣ад̇т̇ам̣ лаамагаани виссаж̇ж̇зд̇ум̣ виссаж̇ж̇зд̇ваа барибхун̃ж̇ид̇ун̃жа ваддад̇и. зд̇т̇а жа буримзсу д̇ийсу раасийсу аг̇арубхан̣д̣ам̣ наама гин̃жи над̇т̇и, жад̇уд̇т̇з лохагумбхий аран̃ж̇арасан̣таанам̣ лохабхаан̣агам̣ лохагадааханд̇и имаани д̇ийн̣и анд̇амасо басад̇амад̇д̇ауд̣̇агаг̇г̇ан̣ханагааниби г̇арубхан̣д̣аани. лохаваараго бана гаал̣алохад̇амб̣алохагам̣салохаваддалохаанам̣ язна гзнажи гад̇о сийхал̣ад̣̇ийбз баад̣̇аг̇г̇ан̣ханаго бхааж̇зд̇аб̣б̣о, баад̣̇о жа наама маг̇ад̇ханаал̣ияаа бан̃жанаал̣имад̇д̇ам̣ г̇ан̣хаад̇и, д̇ад̇о ад̇ирзгам̣ г̇арубхан̣д̣ам̣, имаани д̇аава баал̣ияам̣ ааг̇ад̇аани лохабхааж̇анаани.
Rājagahe chabbaggiye ārabbha cīvaraṃ datvā pacchā khīyanavatthusmiṃ paññattaṃ, sādhāraṇapaññatti, anāṇattikaṃ, dhammakamme tikapācittiyaṃ, cīvaraṃ ṭhapetvā aññaṃ vissajjiyavebhaṅgiyaṃ parikkhāraṃ datvā pacchākhīyantassa dukkaṭaṃ, vissajjiyavebhaṅgiyo nāma ṭhapetvā pañca garubhaṇḍāni avaseso. Rāsivasena hi pañca garubhaṇḍāni vuttāni, tattha ārāmo ārāmavatthūti ekaṃ, vihāro vihāravatthūti dutiyaṃ, mañco pīṭhaṃ bhisi bimbohananti tatiyaṃ, lohakumbhī lohabhāṇakaṃ lohavārako lohakaṭāhaṃ vāsi parasu kuṭhārī kudālo nikhādananti catutthaṃ, valli veḷu muñjaṃ pabbajaṃ tiṇaṃ mattikā dārubhaṇḍaṃ mattikābhaṇḍanti pañcamaṃ. Etāni hi pañca saṅghasantakāni neva saṅghassa, na gaṇapuggalānaṃ vissajjetuṃ vā vibhajituṃ vā vaṭṭanti, vissajjitavibhattānipi saṅghikāneva honti. Thāvarena pana thāvaraṃ, itarena ca akappiyena mahagghakappiyena vā itaraṃ saṅghassa upakāraṃ sallakkhetvā kappiyaparivattanena parivattetuṃ vaṭṭati, varasenāsanādīnaṃ saṃrakkhaṇatthaṃ lāmakāni vissajjetuṃ vissajjetvā paribhuñjituñca vaṭṭati. Ettha ca purimesu tīsu rāsīsu agarubhaṇḍaṃ nāma kiñci natthi, catutthe lohakumbhī arañjarasaṇṭhānaṃ lohabhāṇakaṃ lohakaṭāhanti imāni tīṇi antamaso pasatamattaudakaggaṇhanakānipi garubhaṇḍāni. Lohavārako pana kāḷalohatambalohakaṃsalohavaṭṭalohānaṃ yena kenaci kato sīhaḷadīpe pādaggaṇhanako bhājetabbo, pādo ca nāma magadhanāḷiyā pañcanāḷimattaṃ gaṇhāti, tato atirekaṃ garubhaṇḍaṃ, imāni tāva pāḷiyaṃ āgatāni lohabhājanāni.
баал̣ияам̣ бана анааг̇ад̇ааниби бхин̇г̇аарабадиг̇г̇ахаул̣ун̇гад̣̇аб̣б̣игадажчубаад̇и д̇аддагасарагасамуг̇г̇аан̇г̇аарагабаллад̇хуумагадажчуаад̣̇ийни куд̣̇д̣̇агааниби г̇арубхан̣д̣аанзва, аяабад̇д̇о аяат̇аалагам̣ д̇амб̣алохат̇аалаганд̇и имаани бана бхааж̇анийяаани, гам̣салохаваддалохабхааж̇анавигад̇и сан̇гхигабарибхог̇зна ваа г̇ихивигадаа ваа ваддад̇и, буг̇г̇алигабарибхог̇зна на ваддад̇и. табзд̇ваа бана д̇ам̣ бхааж̇анавигад̇им̣ ан̃н̃асмимби габбияалохабхан̣д̣з ан̃ж̇аний ан̃ж̇анисалаагаа над̇т̇уд̣̇аанам̣ ган̣н̣амалахаран̣ий суужи куд̣̇д̣̇аго бибпалиго куд̣̇д̣̇агам̣ аараган̣дагам̣ гун̃жигаа д̇аал̣ам̣ гад̇д̇араяадти взд̇хаго бхинд̣̇иваалаго яат̇аад̇ат̇аагханагад̇алохам̣виббагад̇алохабхан̣д̣ан̃жа саб̣б̣ам̣ бхааж̇анийяам̣. д̇хууманзд̇д̇апаалад̣̇ийбаругкад̣̇ийбагабаллигаоламб̣агад̣̇ийбаид̇т̇ибурисад̇иражчаанаруубагаани бана ан̃н̃аани ваа бхид̇д̇ижчад̣̇анагаваадаад̣̇ийсу убанзд̇аб̣б̣аани, анд̇амасо лохакилагам̣ убаад̣̇ааяа саб̣б̣ааниби лохабхан̣д̣аани г̇арубхан̣д̣ааниязва, ад̇д̇анаа лад̣̇д̇хаани барихарид̇вааби буг̇г̇алигабарибхог̇зна на барибхун̃ж̇ид̇аб̣б̣аани, сан̇гхигабарибхог̇зна ваа г̇ихивигадаани ваа вадданд̇и, д̇ибубхан̣д̣зби зсзва наяо. кийрабаасаан̣амаяаани д̇аддагасарагаад̣̇ийни г̇арубхан̣д̣ааниязва.
Pāḷiyaṃ pana anāgatānipi bhiṅgārapaṭiggahauḷuṅkadabbikaṭacchupāti taṭṭakasarakasamuggaaṅgārakapalladhūmakaṭacchuādīni khuddakānipi garubhaṇḍāneva, ayapatto ayathālakaṃ tambalohathālakanti imāni pana bhājanīyāni, kaṃsalohavaṭṭalohabhājanavikati saṅghikaparibhogena vā gihivikaṭā vā vaṭṭati, puggalikaparibhogena na vaṭṭati. Ṭhapetvā pana taṃ bhājanavikatiṃ aññasmimpi kappiyalohabhaṇḍe añjanī añjanisalākā natthudānaṃ kaṇṇamalaharaṇī sūci khuddako pipphaliko khuddakaṃ ārakaṇṭakaṃ kuñcikā tāḷaṃ kattarayaṭṭhi vedhako bhindivālako yathātathāghanakatalohaṃvippakatalohabhaṇḍañca sabbaṃ bhājanīyaṃ. Dhūmanettaphāladīparukkhadīpakapallikaolambakadīpaitthipurisatiracchānarūpakāni pana aññāni vā bhitticchadanakavāṭādīsu upanetabbāni, antamaso lohakhilakaṃ upādāya sabbānipi lohabhaṇḍāni garubhaṇḍāniyeva, attanā laddhāni pariharitvāpi puggalikaparibhogena na paribhuñjitabbāni, saṅghikaparibhogena vā gihivikaṭāni vā vaṭṭanti, tipubhaṇḍepi eseva nayo. Khīrapāsāṇamayāni taṭṭakasarakādīni garubhaṇḍāniyeva.
гхадаго бана д̇злабхааж̇анам̣ ваа баад̣̇аг̇г̇ан̣ханагад̇о ад̇ирзгамзва г̇арубхан̣д̣ам̣, суван̣н̣араж̇ад̇ааарагуудаж̇аад̇ипалигабхааж̇анаани г̇ихивигадааниби на вадданд̇и. сзнаасанабарибхог̇з бана аамаасамби анаамаасамби саб̣б̣ам̣ ваддад̇и.
Ghaṭako pana telabhājanaṃ vā pādaggaṇhanakato atirekameva garubhaṇḍaṃ, suvaṇṇarajataārakūṭajātiphalikabhājanāni gihivikaṭānipi na vaṭṭanti. Senāsanaparibhoge pana āmāsampi anāmāsampi sabbaṃ vaṭṭati.
ваасияаад̣̇ийсу бана яааяа ваасияаа д̣̇анд̇агадтажчзд̣̇анаужчуд̇ажчанамад̇д̇ад̇о ан̃н̃ам̣ махаагаммам̣ гаад̇ум̣ на саггаа, аяам̣ бхааж̇анийяаа. сзсаа язна гзнажи аагаарзна гад̇аа г̇арубхан̣д̣ам̣, барасу бана анд̇амасо взж̇ж̇аанам̣ сираавзд̇хагоби г̇арубхан̣д̣амзва, д̇ат̇аа гутаарий. яаа бана аавуд̇хасан̇кзбзна гад̇аа, аяам̣ анаамаасаа, гуд̣̇аало д̣̇ан̣д̣аб̣анд̇ханикаад̣̇анам̣ ваа аг̇арубхан̣д̣ам̣ наама над̇т̇и. саммун̃ж̇анид̣̇ан̣д̣акан̣анагам̣ бана ад̣̇ан̣д̣агам̣ паламад̇д̇агамзва, яам̣ саггаа сибаадигааяа багкибид̇ваа барихарид̇ум̣, д̇ам̣ бхааж̇анийяам̣. сикарамби никаад̣̇анзнзва сан̇г̇ахид̇ам̣, язхи мануссзхи вихаарз ваасиаад̣̇ийни д̣̇иннаани хонд̇и, д̇з жз гхарз д̣̇ад̣дхз ваа вилуд̇д̇з ваа ‘‘д̣̇зт̇а но, бханд̇з, убагкарз, буна аахариссаамаа’’д̇и вад̣̇анд̇и, д̣̇аад̇аб̣б̣аа. сажз харанд̇и, на ваарзд̇аб̣б̣аа, анаахаранд̇ааби на жод̣̇зд̇аб̣б̣аа.
Vāsiyādīsu pana yāya vāsiyā dantakaṭṭhacchedanaucchutacchanamattato aññaṃ mahākammaṃ kātuṃ na sakkā, ayaṃ bhājanīyā. Sesā yena kenaci ākārena katā garubhaṇḍaṃ, parasu pana antamaso vejjānaṃ sirāvedhakopi garubhaṇḍameva, tathā kuṭhārī. Yā pana āvudhasaṅkhepena katā, ayaṃ anāmāsā, kudālo daṇḍabandhanikhādanaṃ vā agarubhaṇḍaṃ nāma natthi. Sammuñjanidaṇḍakhaṇanakaṃ pana adaṇḍakaṃ phalamattakameva, yaṃ sakkā sipāṭikāya pakkhipitvā pariharituṃ, taṃ bhājanīyaṃ. Sikharampi nikhādaneneva saṅgahitaṃ, yehi manussehi vihāre vāsiādīni dinnāni honti, te ce ghare daḍḍhe vā vilutte vā ‘‘detha no, bhante, upakkhare, puna āharissāmā’’ti vadanti, dātabbā. Sace haranti, na vāretabbā, anāharantāpi na codetabbā.
гаммаарад̇аддагааражунд̣̇агааранал̣агаараман̣игаарабад̇д̇аб̣анд̇хагаанам̣ ад̇хигаран̣имудтисан̣д̣аасад̇улаад̣̇ийни саб̣б̣аани лохамаяаани убагаран̣аани сан̇гхз д̣̇иннагаалад̇о бадтааяа г̇арубхан̣д̣аани. д̇ибугоддагасуван̣н̣агааражаммагаараубагаран̣зсуби зсзва наяо. аяам̣ бана висзсо, д̇ибугоддагаубагаран̣зсу д̇ибужчзд̣̇анагасад̇т̇агам̣, суван̣н̣агаараубагаран̣зсу суван̣н̣ажчзд̣̇анагасад̇т̇агам̣, жаммагаараубагаран̣зсу гад̇абаригаммажаммажчзд̣̇анакуд̣̇д̣̇агасад̇т̇анд̇и имаани бхааж̇анийяаани. нхаабид̇ад̇уннагаараубагаран̣зсуби табзд̇ваа махаагад̇д̇арим̣ махаасан̣д̣аасам̣ махаабибпалиган̃жа саб̣б̣ам̣ ваддад̇и, ид̇араани г̇арубхан̣д̣аани.
Kammārataṭṭakāracundakāranaḷakāramaṇikārapattabandhakānaṃ adhikaraṇimuṭṭhisaṇḍāsatulādīni sabbāni lohamayāni upakaraṇāni saṅghe dinnakālato paṭṭhāya garubhaṇḍāni. Tipukoṭṭakasuvaṇṇakāracammakāraupakaraṇesupi eseva nayo. Ayaṃ pana viseso, tipukoṭṭakaupakaraṇesu tipucchedanakasatthakaṃ, suvaṇṇakāraupakaraṇesu suvaṇṇacchedanakasatthakaṃ, cammakāraupakaraṇesu kataparikammacammacchedanakhuddakasatthanti imāni bhājanīyāni. Nhāpitatunnakāraupakaraṇesupi ṭhapetvā mahākattariṃ mahāsaṇḍāsaṃ mahāpipphalikañca sabbaṃ vaṭṭati, itarāni garubhaṇḍāni.
валлиаад̣̇ийсу взд̇д̇аваллиаад̣̇игаа яаа гаажи ад̣дхаб̣аахуббамаан̣аа валли сан̇гхасса д̣̇иннаа ваа д̇ад̇т̇аж̇аад̇агаа ваа рагкид̇аг̇обид̇аава г̇арубхан̣д̣ам̣, саа сан̇гхагаммз жа жзд̇ияагаммз жа гад̇з сажз ад̇ирзгаа ход̇и, буг̇г̇алигагаммзби убанзд̇ум̣ ваддад̇и, суд̇д̇амагаживааганаал̣игзрахийражаммамаяаа раж̇ж̇угаа ваа яод̇д̇аани ваа ваагз жа наал̣игзрахийрз жа ваддзд̇ваа гад̇аа згаваддаа ваа д̣̇виваддаа ваа сан̇гхасса санд̇агаа г̇арубхан̣д̣ам̣. суд̇д̇ам̣ бана аваддзд̇ваа д̣̇иннам̣ магаживааганаал̣игзрахийраа жа бхааж̇анийяаа . язхи банзд̇аани раж̇ж̇угаад̣̇ийни д̣̇иннаани хонд̇и, д̇з ад̇д̇ано гаран̣ийязна харанд̇аа на ваарзд̇аб̣б̣аа.
Valliādīsu vettavalliādikā yā kāci aḍḍhabāhuppamāṇā valli saṅghassa dinnā vā tatthajātakā vā rakkhitagopitāva garubhaṇḍaṃ, sā saṅghakamme ca cetiyakamme ca kate sace atirekā hoti, puggalikakammepi upanetuṃ vaṭṭati, suttamakacivākanāḷikerahīracammamayā rajjukā vā yottāni vā vāke ca nāḷikerahīre ca vaṭṭetvā katā ekavaṭṭā vā dvivaṭṭā vā saṅghassa santakā garubhaṇḍaṃ. Suttaṃ pana avaṭṭetvā dinnaṃ makacivākanāḷikerahīrā ca bhājanīyā . Yehi panetāni rajjukādīni dinnāni honti, te attano karaṇīyena harantā na vāretabbā.
яо гожи адтан̇г̇уласуужид̣̇ан̣д̣агамад̇д̇оби взл̣у сан̇гхасса д̣̇инно ваа д̇ад̇т̇аж̇аад̇аго ваа рагкид̇аг̇обид̇о г̇арубхан̣д̣ам̣, соби сан̇гхасса гаммз жа жзд̇ияагаммз жа гад̇з ад̇ирзго буг̇г̇алигагаммз д̣̇аад̇ум̣ ваддад̇и. баад̣̇аг̇г̇ан̣ханагад̇зланаал̣и бана гад̇д̇араяадти убааханад̣̇ан̣д̣аго чад̇д̇ад̣̇ан̣д̣о чад̇д̇асалаагаад̇и ид̣̇амзд̇т̇а бхааж̇анийяабхан̣д̣ам̣, д̣̇ад̣дхаг̇зхамануссаа г̇ан̣хид̇ваа г̇ажчанд̇аа на ваарзд̇аб̣б̣аа.
Yo koci aṭṭhaṅgulasūcidaṇḍakamattopi veḷu saṅghassa dinno vā tatthajātako vā rakkhitagopito garubhaṇḍaṃ, sopi saṅghassa kamme ca cetiyakamme ca kate atireko puggalikakamme dātuṃ vaṭṭati. Pādaggaṇhanakatelanāḷi pana kattarayaṭṭhi upāhanadaṇḍako chattadaṇḍo chattasalākāti idamettha bhājanīyabhaṇḍaṃ, daḍḍhagehamanussā gaṇhitvā gacchantā na vāretabbā.
мун̃ж̇ан̃жа баб̣б̣аж̇ан̃жа авасзсан̃жа чад̣̇анад̇ин̣ам̣ мудтиббамаан̣амби чад̣̇анад̇ин̣асан̇кзбаг̇ад̇зсу д̇аалабан̣н̣аад̣̇ийсу яам̣гин̃жи згабан̣н̣амби сан̇гхасса д̣̇иннам̣ ваа д̇ад̇т̇аж̇аад̇агам̣ ваа б̣ахиаараамз сан̇гхигз д̇ин̣авад̇т̇усмим̣ ж̇аад̇агам̣ ваа рагкид̇аг̇обид̇ам̣ г̇арубхан̣д̣ам̣, д̇амби сан̇гхагаммз жа жзд̇ияагаммз жа гад̇з ад̇ирзгам̣ буг̇г̇алигагаммз д̣̇аад̇ум̣ ваддад̇и. д̣̇ад̣дхаг̇зхамануссаа г̇ахзд̇ваа г̇ажчанд̇аа на ваарзд̇аб̣б̣аа, адтан̇г̇улаббамаан̣оби рид̇д̇агабод̇т̇аго г̇арубхан̣д̣амзва.
Muñjañca pabbajañca avasesañca chadanatiṇaṃ muṭṭhippamāṇampi chadanatiṇasaṅkhepagatesu tālapaṇṇādīsu yaṃkiñci ekapaṇṇampi saṅghassa dinnaṃ vā tatthajātakaṃ vā bahiārāme saṅghike tiṇavatthusmiṃ jātakaṃ vā rakkhitagopitaṃ garubhaṇḍaṃ, tampi saṅghakamme ca cetiyakamme ca kate atirekaṃ puggalikakamme dātuṃ vaṭṭati. Daḍḍhagehamanussā gahetvā gacchantā na vāretabbā, aṭṭhaṅgulappamāṇopi rittakapotthako garubhaṇḍameva.
мад̇д̇игаа багад̇имад̇д̇игаа ваа ход̇у бан̃жаван̣н̣аа ваа суд̇хаа ваа саж̇ж̇урасаган̇г̇удтасилзсаад̣̇ийсу ваа яам̣гин̃жи д̣̇уллабхадтаанз аанзд̇ваа ваа д̣̇иннам̣ д̇ад̇т̇аж̇аад̇агам̣ ваа рагкид̇аг̇обид̇ам̣ д̇аалабаггамад̇д̇ам̣ г̇арубхан̣д̣ам̣ ход̇и, д̇амби сан̇гхагаммз жа жзд̇ияагаммз жа гад̇з ад̇ирзгам̣ буг̇г̇алигагаммз д̣̇аад̇ум̣ ваддад̇и. хин̇г̇ухин̇г̇улагахарид̇ааламаносилан̃ж̇анаад̣̇ийни бана бхааж̇анийяаани.
Mattikā pakatimattikā vā hotu pañcavaṇṇā vā sudhā vā sajjurasakaṅguṭṭhasilesādīsu vā yaṃkiñci dullabhaṭṭhāne ānetvā vā dinnaṃ tatthajātakaṃ vā rakkhitagopitaṃ tālapakkamattaṃ garubhaṇḍaṃ hoti, tampi saṅghakamme ca cetiyakamme ca kate atirekaṃ puggalikakamme dātuṃ vaṭṭati. Hiṅguhiṅgulakaharitālamanosilañjanādīni pana bhājanīyāni.
д̣̇аарубхан̣д̣з яо гожи взл̣умхи вуд̇д̇аббамаан̣о д̣̇аарубхан̣д̣аго сан̇гхасса д̣̇инно ваа д̇ад̇т̇аж̇аад̇аго ваа рагкид̇аг̇обид̇о г̇арубхан̣д̣ам̣, аби жа саб̣б̣ааби д̣̇аарувзл̣ужаммабаасаан̣аад̣̇ивигад̇и д̣̇аарубхан̣д̣зна сан̇г̇ахид̇аа, д̇ад̇т̇а ман̃жабийтзхи асан̇г̇ахид̇аани аасанд̣̇игаад̣̇ийни анд̇амасо жол̣зна ваа балаалзхи ваа бан̣н̣зхи ваа гад̇абийтам̣ убаад̣̇ааяа саб̣б̣аани аасанаани.
Dārubhaṇḍe yo koci veḷumhi vuttappamāṇo dārubhaṇḍako saṅghassa dinno vā tatthajātako vā rakkhitagopito garubhaṇḍaṃ, api ca sabbāpi dāruveḷucammapāsāṇādivikati dārubhaṇḍena saṅgahitā, tattha mañcapīṭhehi asaṅgahitāni āsandikādīni antamaso coḷena vā palālehi vā paṇṇehi vā katapīṭhaṃ upādāya sabbāni āsanāni.
ван̇гапалагам̣ д̣̇ийгхапалагам̣ жийварад̇хованапалагам̣ гхадданапалагам̣ гхадданамуг̇г̇аро д̣̇анд̇агадтажчзд̣̇анаг̇ан̣тигаа д̣̇ан̣д̣амуг̇г̇аро нааваа амб̣ан̣ам̣ раж̇анад̣̇он̣и уд̣̇агабадижчаго д̣̇аарумаяо ваа д̣̇анд̇амаяо ваа взл̣умаяо ваа сабаад̣̇агоби абаад̣̇агоби самуг̇г̇о ман̃ж̇уусаа баад̣̇аг̇г̇ан̣ханагад̇о ад̇ирзгаббамаан̣о гаран̣д̣о уд̣̇агад̣̇он̣и уд̣̇агагадаахам̣ ул̣ун̇го гадажчубаанийяасараавам̣ баанийяасан̇код̇и зд̇зсу яам̣гин̃жи сан̇гхз д̣̇иннам̣ г̇арубхан̣д̣ам̣. сан̇кат̇аалагам̣ бана бхааж̇анийяам̣, д̇ат̇аа д̣̇аарумаяо уд̣̇агад̇умб̣о.
Vaṅkaphalakaṃ dīghaphalakaṃ cīvaradhovanaphalakaṃ ghaṭṭanaphalakaṃ ghaṭṭanamuggaro dantakaṭṭhacchedanagaṇṭhikā daṇḍamuggaro nāvā ambaṇaṃ rajanadoṇi udakapaṭicchako dārumayo vā dantamayo vā veḷumayo vā sapādakopi apādakopi samuggo mañjūsā pādaggaṇhanakato atirekappamāṇo karaṇḍo udakadoṇi udakakaṭāhaṃ uḷuṅko kaṭacchupānīyasarāvaṃ pānīyasaṅkhoti etesu yaṃkiñci saṅghe dinnaṃ garubhaṇḍaṃ. Saṅkhathālakaṃ pana bhājanīyaṃ, tathā dārumayo udakatumbo.
баад̣̇агат̇алигаман̣д̣алам̣ д̣̇аарумаяам̣ ваа ход̇у жол̣абан̣н̣аад̣̇имаяам̣ ваа саб̣б̣ам̣ г̇арубхан̣д̣ам̣. аад̇хаараго бад̇д̇абид̇хаанам̣ д̇аалаван̣дам̣ б̣ийж̇аний жан̇годагам̣ бажчи яадтисаммун̃ж̇аний мудтисаммун̃ж̇анийд̇и зд̇зсуби яам̣гин̃жи куд̣̇д̣̇агам̣ ваа маханд̇ам̣ ваа д̣̇аарувзл̣убан̣н̣ажаммаад̣̇ийсу язна гзнажи гад̇ам̣ г̇арубхан̣д̣амзва.
Pādakathalikamaṇḍalaṃ dārumayaṃ vā hotu coḷapaṇṇādimayaṃ vā sabbaṃ garubhaṇḍaṃ. Ādhārako pattapidhānaṃ tālavaṇṭaṃ bījanī caṅkoṭakaṃ pacchi yaṭṭhisammuñjanī muṭṭhisammuñjanīti etesupi yaṃkiñci khuddakaṃ vā mahantaṃ vā dāruveḷupaṇṇacammādīsu yena kenaci kataṃ garubhaṇḍameva.
т̇амбхад̇улаасобаанапалагаад̣̇ийсу яам̣гин̃жи д̣̇аарумаяам̣ ваа баасаан̣амаяам̣ ваа г̇зхасамбхааруубаг̇ам̣ яо гожи гадасаараго яам̣гин̃жи бхуумад̇т̇аран̣ам̣ яам̣гин̃жи агаббияажаммам̣, саб̣б̣ам̣ сан̇гхигам̣ г̇арубхан̣д̣ам̣, бхуумад̇т̇аран̣ам̣ гаад̇ум̣ ваддад̇и. зл̣агажаммам̣ бана бажжад̇т̇аран̣аг̇ад̇игам̣ ход̇и, д̇амби г̇арубхан̣д̣амзва, габбияажаммаани бхааж̇анийяаани, гурунд̣̇ияам̣ бана саб̣б̣ам̣ ман̃жаббамаан̣ам̣ жаммам̣ г̇арубхан̣д̣анд̇и вуд̇д̇ам̣.
Thambhatulāsopānaphalakādīsu yaṃkiñci dārumayaṃ vā pāsāṇamayaṃ vā gehasambhārūpagaṃ yo koci kaṭasārako yaṃkiñci bhūmattharaṇaṃ yaṃkiñci akappiyacammaṃ, sabbaṃ saṅghikaṃ garubhaṇḍaṃ, bhūmattharaṇaṃ kātuṃ vaṭṭati. Eḷakacammaṃ pana paccattharaṇagatikaṃ hoti, tampi garubhaṇḍameva, kappiyacammāni bhājanīyāni, kurundiyaṃ pana sabbaṃ mañcappamāṇaṃ cammaṃ garubhaṇḍanti vuttaṃ.
уд̣̇угкалам̣ мусалам̣ суббам̣ нисад̣̇ам̣ нисад̣̇абод̇о баасаан̣ад̣̇он̣и баасаан̣агадаахам̣ саб̣б̣ам̣ гасибхан̣д̣амби г̇арубхан̣д̣ам̣, саб̣б̣ам̣ жаггаяуд̇д̇аяаанам̣ г̇арубхан̣д̣амзва. ман̃жабийтаанам̣ баад̣̇аа жа аданияо жа ваасибарасуаад̣̇ийнам̣ д̣̇ан̣д̣аа жаад̇и зд̇зсу яам̣гин̃жи анидтид̇ам̣ бхааж̇анийяам̣, д̇ажчид̇амадтам̣ бана г̇арубхан̣д̣ам̣ ход̇и, анун̃н̃аад̇аваасияаа д̣̇ан̣д̣о чад̇д̇ам̣ мудтибан̣н̣ам̣ гад̇д̇араяадти убааханаа аран̣исахид̇ам̣ д̇хаммагаран̣о баад̣̇аг̇г̇ан̣ханагад̇о анад̇ирид̇д̇ам̣ аамалагад̇умб̣ам̣ аамалагагхадо лааб̣угад̇умб̣ам̣ лааб̣угагхадо висаан̣ад̇умб̣анд̇и саб̣б̣амзд̇ам̣ бхааж̇анийяам̣, д̇ад̇о барам̣ г̇арубхан̣д̣ам̣.
Udukkhalaṃ musalaṃ suppaṃ nisadaṃ nisadapoto pāsāṇadoṇi pāsāṇakaṭāhaṃ sabbaṃ kasibhaṇḍampi garubhaṇḍaṃ, sabbaṃ cakkayuttayānaṃ garubhaṇḍameva. Mañcapīṭhānaṃ pādā ca aṭaniyo ca vāsiparasuādīnaṃ daṇḍā cāti etesu yaṃkiñci aniṭṭhitaṃ bhājanīyaṃ, tacchitamaṭṭhaṃ pana garubhaṇḍaṃ hoti, anuññātavāsiyā daṇḍo chattaṃ muṭṭhipaṇṇaṃ kattarayaṭṭhi upāhanā araṇisahitaṃ dhammakaraṇo pādaggaṇhanakato anatirittaṃ āmalakatumbaṃ āmalakaghaṭo lābukatumbaṃ lābukaghaṭo visāṇatumbanti sabbametaṃ bhājanīyaṃ, tato paraṃ garubhaṇḍaṃ.
хад̇т̇ид̣̇анд̇о ваа яам̣гин̃жи висаан̣ам̣ ваа ад̇ажчид̇ам̣ яат̇ааг̇ад̇амзва бхааж̇анийяам̣, д̇зхи гад̇аман̃жабийтабаад̣̇аад̣̇ийсу буримасад̣̇исова винижчаяо. д̇ажчид̇анидтид̇оби хин̇г̇угаран̣д̣аго ан̃ж̇анигаран̣д̣аго г̇ан̣тигаа вид̇хо ан̃ж̇аний ан̃ж̇анисалаагаа уд̣̇агабун̃чанийд̇и ид̣̇ам̣ саб̣б̣ам̣ бхааж̇анийяамзва.
Hatthidanto vā yaṃkiñci visāṇaṃ vā atacchitaṃ yathāgatameva bhājanīyaṃ, tehi katamañcapīṭhapādādīsu purimasadisova vinicchayo. Tacchitaniṭṭhitopi hiṅgukaraṇḍako añjanikaraṇḍako gaṇṭhikā vidho añjanī añjanisalākā udakapuñchanīti idaṃ sabbaṃ bhājanīyameva.
мад̇д̇игаабхан̣д̣з саб̣б̣ам̣ мануссаанам̣ убабхог̇абарибхог̇ам̣ гхадабитараад̣̇игулаалабхааж̇анам̣, бад̇д̇агадаахам̣ ан̇г̇аарагадаахам̣ д̇хуумад̣̇аанагам̣ д̣̇ийбаругкаго д̣̇ийбагабаллигаа жаяанидтагаа чад̣̇анидтагаа т̇убигаад̇и саб̣б̣ам̣ г̇арубхан̣д̣ам̣, зд̇зсу бана вуд̇д̇анаязсу г̇арубхан̣д̣зсу яам̣гин̃жи взл̣уаад̣̇им̣ ад̇д̇ано ад̇т̇ааяа г̇ан̣ханд̇зна самагам̣ ваа ад̇ирзгам̣ ваа паад̇игаммам̣ гад̇ваа г̇ахзд̇аб̣б̣ам̣. баад̣̇аг̇г̇ан̣ханагад̇о анад̇ирид̇д̇аббамаан̣о бана гхадаго бад̇д̇о т̇аалагам̣ ган̃жанаго гун̣д̣игаад̇и ид̣̇амзд̇т̇а бхааж̇анийяам̣, яат̇аа жа мад̇д̇игаабхан̣д̣з звам̣ лохабхан̣д̣зби гун̣д̣игаа бхааж̇анийяагодтаасамзва бхаж̇ад̇и. ид̇и яам̣ бхааж̇анийяам̣ виссаж̇ж̇анийяамби д̇ам̣ звам̣ виссаж̇ж̇ияавзбхан̇г̇ияасан̇каад̇ам̣ ан̃н̃ам̣ баригкаарам̣ д̣̇ад̇ваа кийяанд̇асса д̣̇уггадам̣, ид̇арам̣ бана д̣̇аад̇умзва на ваддад̇и. иссаравад̇ааяа д̣̇знд̇о т̇уллажжаяам̣ аабаж̇ж̇ад̇и, т̇зяяажид̇д̇зна г̇ан̣ханд̇о бхан̣д̣ам̣ аг̇гхаабзд̇ваа гаарзд̇аб̣б̣о. яат̇аа жа ан̃н̃ам̣ баригкаарам̣ д̣̇ад̇ваа кийяанд̇асса д̣̇уггадам̣, д̇ат̇аа сан̇гхзна асаммад̇асса жийварам̣ ваа ан̃н̃ам̣ ваа баригкаарам̣ д̣̇ад̇ваа кийяанд̇асса д̣̇уггадамзва, анубасамбаннз саб̣б̣ад̇т̇а д̇игад̣̇уггадам̣. багад̇ияаа бана чанд̣̇аад̣̇ивасзна (баажи. 488) гаронд̇ам̣ д̣̇исваа ‘‘го ад̇т̇о д̇асса д̣̇иннзна, лад̣̇д̇хааби винибаад̇зссад̇и, на саммаа убанзссад̇ий’’д̇и кийяанд̇асса, уммад̇д̇агаад̣̇ийнан̃жа анаабад̇д̇и. убасамбаннад̇аа, д̇хаммзна лад̣̇д̇хасаммуд̇ид̇аа, сан̇гхзна сад̣̇д̇хим̣ вигаббанубаг̇ажийварад̣̇аанам̣, бажчаа кийяид̇угаамад̇ааяа кийяанаад̇и имаанзд̇т̇а жад̇д̇аари ан̇г̇аани. самудтаанаад̣̇ийни ад̣̇иннаад̣̇аанасад̣̇исаани, ид̣̇ам̣ бана д̣̇угкавзд̣̇ананд̇и.
Mattikābhaṇḍe sabbaṃ manussānaṃ upabhogaparibhogaṃ ghaṭapiṭharādikulālabhājanaṃ, pattakaṭāhaṃ aṅgārakaṭāhaṃ dhūmadānakaṃ dīparukkhako dīpakapallikā cayaniṭṭhakā chadaniṭṭhakā thupikāti sabbaṃ garubhaṇḍaṃ, etesu pana vuttanayesu garubhaṇḍesu yaṃkiñci veḷuādiṃ attano atthāya gaṇhantena samakaṃ vā atirekaṃ vā phātikammaṃ katvā gahetabbaṃ. Pādaggaṇhanakato anatirittappamāṇo pana ghaṭako patto thālakaṃ kañcanako kuṇḍikāti idamettha bhājanīyaṃ, yathā ca mattikābhaṇḍe evaṃ lohabhaṇḍepi kuṇḍikā bhājanīyakoṭṭhāsameva bhajati. Iti yaṃ bhājanīyaṃ vissajjanīyampi taṃ evaṃ vissajjiyavebhaṅgiyasaṅkhātaṃ aññaṃ parikkhāraṃ datvā khīyantassa dukkaṭaṃ, itaraṃ pana dātumeva na vaṭṭati. Issaravatāya dento thullaccayaṃ āpajjati, theyyacittena gaṇhanto bhaṇḍaṃ agghāpetvā kāretabbo. Yathā ca aññaṃ parikkhāraṃ datvā khīyantassa dukkaṭaṃ, tathā saṅghena asammatassa cīvaraṃ vā aññaṃ vā parikkhāraṃ datvā khīyantassa dukkaṭameva, anupasampanne sabbattha tikadukkaṭaṃ. Pakatiyā pana chandādivasena (pāci. 488) karontaṃ disvā ‘‘ko attho tassa dinnena, laddhāpi vinipātessati, na sammā upanessatī’’ti khīyantassa, ummattakādīnañca anāpatti. Upasampannatā, dhammena laddhasammutitā, saṅghena saddhiṃ vikappanupagacīvaradānaṃ, pacchā khīyitukāmatāya khīyanāti imānettha cattāri aṅgāni. Samuṭṭhānādīni adinnādānasadisāni, idaṃ pana dukkhavedananti.
д̣̇уб̣б̣аласигкаабад̣̇аван̣н̣анаа нидтид̇аа.
Dubbalasikkhāpadavaṇṇanā niṭṭhitā.
12. барин̣ааманасигкаабад̣̇аван̣н̣анаа
12. Pariṇāmanasikkhāpadavaṇṇanā
д̣̇ваад̣̇асамз саб̣б̣ам̣ д̇им̣сагаган̣д̣з барин̣ааманасигкаабад̣̇з вуд̇д̇анаяамзва. аяамзва хи висзсо, д̇ад̇т̇а ад̇д̇ано барин̣аамид̇ад̇д̇аа ниссаг̇г̇ияам̣ баажид̇д̇ияам̣, ид̇ха буг̇г̇аласса барин̣аамид̇ад̇д̇аа суд̣̇д̇хигабаажид̇д̇ияанд̇и.
Dvādasame sabbaṃ tiṃsakakaṇḍe pariṇāmanasikkhāpade vuttanayameva. Ayameva hi viseso, tattha attano pariṇāmitattā nissaggiyaṃ pācittiyaṃ, idha puggalassa pariṇāmitattā suddhikapācittiyanti.
барин̣ааманасигкаабад̣̇аван̣н̣анаа нидтид̇аа.
Pariṇāmanasikkhāpadavaṇṇanā niṭṭhitā.
сахад̇хаммигаваг̇г̇о адтамо.
Sahadhammikavaggo aṭṭhamo.
