| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༦. སགཱཐཱསུཏྟཝཎྞནཱ
6. Sagāthāsuttavaṇṇanā
༡༠༠. ཚཊྛེ གཱུཐོ གཱུཐེན སཾསནྡཏི སམེཏཱིཏི སམུདྡནྟརེ ཛནཔདནྟརེ ཙཀྐཝཱལ༹ནྟརེ ཋིཏོཔི ཝཎྞེནཔི གནྡྷེནཔི རསེནཔི ནཱནཏྟཾ ཨནུཔགཙྪནྟོ སཾསནྡཏི སམེཏི, ཨེཀསདིསོཝ ཧོཏི ནིརནྟརོ། སེསེསུཔི ཨེསེཝ ནཡོ། ཨཡཾ པན ཨནིཊྛཨུཔམཱ ཧཱིནཛ྄ཛྷཱསཡཱནཾ ཧཱིནཨཛ྄ཛྷཱསཡསྶ སརིཀྑབྷཱཝདསྶནཏྠཾ ཨཱཧཊཱ, ཁཱིརཱདིཝིསིཊྛོཔམཱ ཀལྱཱཎཛ྄ཛྷཱསཡཱནཾ ཨཛ྄ཛྷཱསཡསྶ སརིཀྑབྷཱཝདསྶནཏྠཾ།
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
སཾསགྒཱཏི དསྶནསཝནསཾསགྒཱདིཝཏྠུཀེན ཏཎྷཱསྣེཧེན། ཝནཐོ ཛཱཏོཏི ཀིལེསཝནཾ ཛཱཏཾ ། ཨསཾསགྒེན ཚིཛྫཏཱིཏི ཨེཀཏོ ཋཱནནིསཛྫཱདཱིནི ཨཀརོནྟསྶ ཨསཾསགྒེན ཨདསྶནེན ཚིཛྫཏི། སཱདྷུཛཱིཝཱིཏི པརིསུདྡྷཛཱིཝིཏཾ ཛཱིཝམཱནོ། སཧཱཝསེཏི སཧཝཱསཾ ཝསེཡྻ། ཚཊྛཾ།
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. སགཱཐཱསུཏྟཾ • 6. Sagāthāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༦. སགཱཐཱསུཏྟཝཎྞནཱ • 6. Sagāthāsuttavaṇṇanā
