| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
9. руубияасам̣вохаарасигкаабад̣̇аван̣н̣анаа
9. Rūpiyasaṃvohārasikkhāpadavaṇṇanā
587. руубияасам̣вохаарасигкаабад̣̇з ж̇аад̇аруубаад̣̇ижад̇уб̣б̣ид̇хамби ниссаг̇г̇ияавад̇т̇у ид̇ха руубияаг̇г̇ахан̣знзва г̇ахид̇анд̇и ааха ‘‘ж̇аад̇аруубараж̇ад̇абаривад̇д̇ана’’нд̇и. бадиг̇г̇ахид̇абаривад̇д̇анзд̇и саад̣̇ид̇аруубияасса баривад̇д̇анз, асаад̣̇ияид̇ваа ваа габбиязна г̇аахзна бадиг̇г̇ахид̇аруубияабаривад̇д̇анз.
587. Rūpiyasaṃvohārasikkhāpade jātarūpādicatubbidhampi nissaggiyavatthu idha rūpiyaggahaṇeneva gahitanti āha ‘‘jātarūparajataparivattana’’nti. Paṭiggahitaparivattaneti sāditarūpiyassa parivattane, asādiyitvā vā kappiyena gāhena paṭiggahitarūpiyaparivattane.
589. г̇а-гаарасса га-гаарам̣ гад̇ваа ‘‘сийсуубага’’нд̇и ликид̇ам̣, бад̣̇абхааж̇анз гханагад̇анд̇и бин̣д̣ам̣ гад̇ам̣. сад̇т̇уван̣н̣од̇иаад̣̇ийсу ‘‘сад̇т̇уван̣н̣о жа гахаабан̣о жа…бз… яз жа вохаарам̣ г̇ажчанд̇ий’’д̇и звам̣ саб̣б̣ад̇т̇а самужжаяо взд̣̇ид̇аб̣б̣о. руубияз руубияасан̃н̃ийд̇и сагасанд̇агам̣ вад̣̇ад̇и. руубияам̣ жзд̇аабзд̇ийд̇и барасанд̇агам̣ вад̣̇ад̇и. ‘‘ниссаг̇г̇ияавад̇т̇унаа д̣̇уггадавад̇т̇ум̣ ваа габбияавад̇т̇ум̣ ваа жзд̇аабзнд̇ассаби зсзва наяо’’д̇и ид̣̇ам̣ гасмаа вуд̇д̇ам̣. на хи ‘‘руубияз руубияасан̃н̃ий аруубияам̣ жзд̇аабзд̇и , ниссаг̇г̇ияам̣ баажид̇д̇ияа’’нд̇иаад̣̇ид̇д̇иго баал̣ияам̣ вуд̇д̇од̇и ааха ‘‘яо хий’’д̇иаад̣̇и. д̇ассаануломад̇д̇аад̇и зд̇т̇ааяамад̇хиббааяо – руубияасам̣вохааро наама на гзвалам̣ руубиязна руубияабаривад̇д̇анамзва, ат̇а ко ‘‘аруубияз руубияасан̃н̃ий руубияам̣ жзд̇аабзд̇ий’’д̇и вуд̇д̇ад̇д̇аа аруубиязна руубияажзд̇аабанамби руубияасам̣вохааро наама ход̇ийд̇и зд̇асмим̣ багкзби руубияз сад̇и руубияасам̣вохаароязва ход̇ийд̇и аяамад̇т̇о авуд̇д̇оби вин̃н̃ааяад̇ийд̇и. аруубияам̣ наама д̣̇уггадавад̇т̇угаббияавад̇т̇ууни. зганд̇зна руубияабагкзд̇и згзна анд̇зна руубияабагкзд̇и аяам̣ ад̇т̇о г̇ахзд̇аб̣б̣о. ‘‘згад̇о руубияабагкз’’д̇и ваа баато взд̣̇ид̇аб̣б̣о. ‘‘згаруубияабагкз’’д̇иби батанд̇и, д̇ад̇т̇ааби згад̇о руубияабагкзд̇и аяамзвад̇т̇о г̇ахзд̇аб̣б̣о.
589.Ga-kārassa ka-kāraṃ katvā ‘‘sīsūpaka’’nti likhitaṃ, padabhājane ghanakatanti piṇḍaṃ kataṃ. Satthuvaṇṇotiādīsu ‘‘satthuvaṇṇo ca kahāpaṇo ca…pe… ye ca vohāraṃ gacchantī’’ti evaṃ sabbattha samuccayo veditabbo. Rūpiye rūpiyasaññīti sakasantakaṃ vadati. Rūpiyaṃ cetāpetīti parasantakaṃ vadati. ‘‘Nissaggiyavatthunā dukkaṭavatthuṃ vā kappiyavatthuṃ vā cetāpentassapi eseva nayo’’ti idaṃ kasmā vuttaṃ. Na hi ‘‘rūpiye rūpiyasaññī arūpiyaṃ cetāpeti , nissaggiyaṃ pācittiya’’ntiādittiko pāḷiyaṃ vuttoti āha ‘‘yo hī’’tiādi. Tassānulomattāti etthāyamadhippāyo – rūpiyasaṃvohāro nāma na kevalaṃ rūpiyena rūpiyaparivattanameva, atha kho ‘‘arūpiye rūpiyasaññī rūpiyaṃ cetāpetī’’ti vuttattā arūpiyena rūpiyacetāpanampi rūpiyasaṃvohāro nāma hotīti etasmiṃ pakkhepi rūpiye sati rūpiyasaṃvohāroyeva hotīti ayamattho avuttopi viññāyatīti. Arūpiyaṃ nāma dukkaṭavatthukappiyavatthūni. Ekantena rūpiyapakkheti ekena antena rūpiyapakkheti ayaṃ attho gahetabbo. ‘‘Ekato rūpiyapakkhe’’ti vā pāṭho veditabbo. ‘‘Ekarūpiyapakkhe’’tipi paṭhanti, tatthāpi ekato rūpiyapakkheti ayamevattho gahetabbo.
габбияавад̇т̇унаа габбияавад̇т̇уно гаяавиггаязби д̇аава ниссаг̇г̇ияам̣ ход̇и, д̣̇уггадавад̇т̇унаа д̣̇уггадавад̇т̇уно гаяавиггаяз гасмаа на ход̇ийд̇и анд̇хагадтагат̇ааяа ад̇хиббааяо. ид̣̇ам̣ сигкаабад̣̇ам̣…бз… аруубиязна жа руубияажзд̇аабанам̣ санд̇хааяа вуд̇д̇анд̇и самб̣анд̇хо. ид̇хаад̇и имасмим̣ руубияасам̣вохаарасигкаабад̣̇з. д̇ад̇т̇аад̇и гаяавиггаяасигкаабад̣̇з. д̇знзваад̇и габбияавад̇т̇унааязва.
Kappiyavatthunā kappiyavatthuno kayavikkayepi tāva nissaggiyaṃ hoti, dukkaṭavatthunā dukkaṭavatthuno kayavikkaye kasmā na hotīti andhakaṭṭhakathāya adhippāyo. Idaṃ sikkhāpadaṃ…pe… arūpiyena ca rūpiyacetāpanaṃ sandhāya vuttanti sambandho. Idhāti imasmiṃ rūpiyasaṃvohārasikkhāpade. Tatthāti kayavikkayasikkhāpade. Tenevāti kappiyavatthunāyeva.
буна габбияабхаавам̣ нзд̇ум̣ асаггун̣зяяад̇д̇аа ‘‘махааагаббияо наамаа’’д̇и вуд̇д̇ам̣. ‘‘на саггаа гзнажи убааязна габбияо гаад̇унд̇и ид̣̇ам̣ бан̃жаннам̣язва сахад̇хаммигаанам̣ анд̇арз баривад̇д̇анам̣ санд̇хааяа вуд̇д̇ам̣, г̇ихийхи бана г̇ахзд̇ваа ад̇д̇ано санд̇агам̣ гад̇ваа д̣̇иннам̣ саб̣б̣зсам̣ габбад̇ий’’д̇и вад̣̇анд̇и. ‘‘на саггаа гзнажи убааязна габбияо гаад̇у’’нд̇и бана иминаава бадиг̇г̇ахид̇аруубияам̣ аниссаж̇ж̇ид̇ваава д̇зна жзд̇аабид̇ам̣ габбияабхан̣д̣амби сан̇гхасса ниссадтам̣ барибхун̃ж̇ид̇ум̣ на ваддад̇ийд̇и сид̣̇д̇хам̣.
Puna kappiyabhāvaṃ netuṃ asakkuṇeyyattā ‘‘mahāakappiyo nāmā’’ti vuttaṃ. ‘‘Na sakkā kenaci upāyena kappiyo kātunti idaṃ pañcannaṃyeva sahadhammikānaṃ antare parivattanaṃ sandhāya vuttaṃ, gihīhi pana gahetvā attano santakaṃ katvā dinnaṃ sabbesaṃ kappatī’’ti vadanti. ‘‘Na sakkā kenaci upāyena kappiyo kātu’’nti pana imināva paṭiggahitarūpiyaṃ anissajjitvāva tena cetāpitaṃ kappiyabhaṇḍampi saṅghassa nissaṭṭhaṃ paribhuñjituṃ na vaṭṭatīti siddhaṃ.
яз бана ‘‘бадиг̇г̇ахид̇аруубияам̣ аниссаж̇ж̇ид̇вааби д̇зна баривад̇д̇ид̇ам̣ габбияабхан̣д̣ам̣ сан̇гхасса ниссадтам̣ барибхун̃ж̇ид̇ум̣ ваддад̇ий’’д̇и вад̣̇анд̇и, д̇зсам̣ ‘‘на саггаа гзнажи убааязна габбияо гаад̇у’’нд̇и ид̣̇ам̣ на яуж̇ж̇ад̇и. д̇з банзд̇т̇а звам̣ вад̣̇анд̇и ‘‘яасмаа ниссаж̇ж̇ид̇аб̣б̣авад̇т̇ум̣ аниссаж̇ж̇ид̇ваава убаруубари ан̃н̃ам̣ ан̃н̃ам̣язва гад̇ам̣, д̇асмаа барижчзд̣̇аабхаавад̇о ид̇ха ниссаж̇ж̇ид̇ум̣ авад̇ваа ‘на саггаа гзнажи убааязна габбияо гаад̇у’нд̇и вуд̇д̇ам̣, барижчзд̣̇аабхаавад̇оязва ‘муулз мууласаамигаанам̣ , бад̇д̇з жа бад̇д̇асаамигаанам̣ д̣̇иннз габбияо ход̇ий’д̇и жа на вуд̇д̇а’’нд̇и. яад̣̇и бадиг̇г̇ахид̇аруубияам̣ аниссаж̇ж̇ид̇ваа жзд̇аабид̇ам̣ габбияабхан̣д̣амби сан̇гхасса ниссадтам̣ барибхун̃ж̇ид̇ум̣ ваддад̇и, звам̣ санд̇з ид̇хааби авасаанавад̇т̇ум̣ г̇ахзд̇ваа сан̇гхасса ниссадтам̣ гасмаа на ваддад̇и, ‘‘яо бана руубияам̣ уг̇г̇ан̣хид̇ваа…бз… бад̇д̇з жа бад̇д̇асаамигаанам̣ д̣̇иннз габбияо ход̇ий’’д̇и иминааби бадиг̇г̇ахид̇аруубияам̣ аниссаж̇ж̇ид̇ваа жзд̇аабид̇ам̣ габбияабхан̣д̣амби сан̇гхасса ниссадтам̣ барибхун̃ж̇ид̇ум̣ на ваддад̇ийд̇и сид̣̇д̇хам̣. яад̣̇и д̇ам̣ ниссадтам̣ барибхун̃ж̇ид̇ум̣ ваддзяяа, ‘‘муулз мууласаамигаанам̣, бад̇д̇з жа бад̇д̇асаамигаанам̣ д̣̇иннз габбияо ход̇ий’’д̇и на вад̣̇зяяа. абарз банзд̇т̇а звам̣ вад̣̇анд̇и ‘‘яад̣̇и сан̇гхасса ниссадтам̣ ход̇и, руубияабадиг̇г̇аахагасса на ваддад̇и, д̇асмаа д̇ассаби яат̇аа ваддад̇и, д̇ат̇аа д̣̇ассанад̇т̇ам̣ ‘муулз мууласаамигаана’нд̇иаад̣̇и вуд̇д̇а’’нд̇и.
Ye pana ‘‘paṭiggahitarūpiyaṃ anissajjitvāpi tena parivattitaṃ kappiyabhaṇḍaṃ saṅghassa nissaṭṭhaṃ paribhuñjituṃ vaṭṭatī’’ti vadanti, tesaṃ ‘‘na sakkā kenaci upāyena kappiyo kātu’’nti idaṃ na yujjati. Te panettha evaṃ vadanti ‘‘yasmā nissajjitabbavatthuṃ anissajjitvāva uparūpari aññaṃ aññaṃyeva kataṃ, tasmā paricchedābhāvato idha nissajjituṃ avatvā ‘na sakkā kenaci upāyena kappiyo kātu’nti vuttaṃ, paricchedābhāvatoyeva ‘mūle mūlasāmikānaṃ , patte ca pattasāmikānaṃ dinne kappiyo hotī’ti ca na vutta’’nti. Yadi paṭiggahitarūpiyaṃ anissajjitvā cetāpitaṃ kappiyabhaṇḍampi saṅghassa nissaṭṭhaṃ paribhuñjituṃ vaṭṭati, evaṃ sante idhāpi avasānavatthuṃ gahetvā saṅghassa nissaṭṭhaṃ kasmā na vaṭṭati, ‘‘yo pana rūpiyaṃ uggaṇhitvā…pe… patte ca pattasāmikānaṃ dinne kappiyo hotī’’ti imināpi paṭiggahitarūpiyaṃ anissajjitvā cetāpitaṃ kappiyabhaṇḍampi saṅghassa nissaṭṭhaṃ paribhuñjituṃ na vaṭṭatīti siddhaṃ. Yadi taṃ nissaṭṭhaṃ paribhuñjituṃ vaṭṭeyya, ‘‘mūle mūlasāmikānaṃ, patte ca pattasāmikānaṃ dinne kappiyo hotī’’ti na vadeyya. Apare panettha evaṃ vadanti ‘‘yadi saṅghassa nissaṭṭhaṃ hoti, rūpiyapaṭiggāhakassa na vaṭṭati, tasmā tassapi yathā vaṭṭati, tathā dassanatthaṃ ‘mūle mūlasāmikāna’ntiādi vutta’’nti.
д̣̇уд̇ияабад̇д̇асад̣̇исоязваад̇и иминаа бан̃жаннамби сахад̇хаммигаанам̣ на габбад̇ийд̇и д̣̇ассзд̇и. д̇ад̇т̇а гааран̣амааха ‘‘мууласса самбадижчид̇ад̇д̇аа’’д̇и. ат̇а мууласса самбадижчид̇ад̇д̇аа руубияабадиг̇г̇аахагасса д̇аава агаббияо ход̇у, сзсаанам̣ бана гасмаа на габбад̇ийд̇и ман̃н̃амаано бужчад̇и ‘‘гасмаа сзсаанам̣ на габбад̇ий’’д̇и. гааран̣амааха ‘‘мууласса аниссадтад̇д̇аа’’д̇и. бад̇д̇асса габбияабхаавзби самбадижчид̇амууласса ниссаж̇ж̇ид̇аб̣б̣асса аниссадтад̇д̇аа д̇зна г̇ахид̇абад̇д̇о сзсаанамби на габбад̇и. яад̣̇и хи д̇зна самбадижчид̇амуулам̣ сан̇гхамаж̇жхз ниссадтам̣ сияаа, д̇зна габбиязна гаммзна аараамигаад̣̇ийхи г̇ахзд̇ваа д̣̇иннабад̇д̇о руубияабадиг̇г̇аахагам̣ табзд̇ваа сзсаанам̣ ваддад̇и. абарз бана ‘‘муулам̣ самбадижчид̇ваа г̇ахид̇абад̇д̇оби яад̣̇и сан̇гхасса ниссадто, сзсаанам̣ габбад̇ий’’д̇и вад̣̇анд̇и. звам̣ санд̇з ‘‘мууласса аниссадтад̇д̇аа’’д̇и на вад̇д̇аб̣б̣ам̣, ‘‘сан̇гхасса аниссадтад̇д̇аа’’д̇и звамзва вад̇д̇аб̣б̣ам̣.
Dutiyapattasadisoyevāti iminā pañcannampi sahadhammikānaṃ na kappatīti dasseti. Tattha kāraṇamāha ‘‘mūlassa sampaṭicchitattā’’ti. Atha mūlassa sampaṭicchitattā rūpiyapaṭiggāhakassa tāva akappiyo hotu, sesānaṃ pana kasmā na kappatīti maññamāno pucchati ‘‘kasmā sesānaṃ na kappatī’’ti. Kāraṇamāha ‘‘mūlassa anissaṭṭhattā’’ti. Pattassa kappiyabhāvepi sampaṭicchitamūlassa nissajjitabbassa anissaṭṭhattā tena gahitapatto sesānampi na kappati. Yadi hi tena sampaṭicchitamūlaṃ saṅghamajjhe nissaṭṭhaṃ siyā, tena kappiyena kammena ārāmikādīhi gahetvā dinnapatto rūpiyapaṭiggāhakaṃ ṭhapetvā sesānaṃ vaṭṭati. Apare pana ‘‘mūlaṃ sampaṭicchitvā gahitapattopi yadi saṅghassa nissaṭṭho, sesānaṃ kappatī’’ti vadanti. Evaṃ sante ‘‘mūlassa anissaṭṭhattā’’ti na vattabbaṃ, ‘‘saṅghassa anissaṭṭhattā’’ti evameva vattabbaṃ.
д̣̇уб̣б̣ижаарид̇ад̇д̇аад̇и иминаа руубияасам̣вохааро анзна гад̇од̇и д̣̇ассзд̇и. ан̃н̃зсам̣ бана ваддад̇ийд̇и яасмаанзна руубияасам̣вохаарамад̇д̇амзва гад̇ам̣, на муулам̣ самбадижчид̇ам̣, д̇асмаа винаяагаммавасзна сан̇гхасса ниссадтагаалад̇о бадтааяа ан̃н̃зсам̣ ваддад̇и. имасмим̣язва жа ад̇т̇з бамаан̣ам̣ д̣̇ассзнд̇о ‘‘махаасумад̇т̇зрасса гираа’’д̇иаад̣̇имааха. абарз бана ‘‘д̣̇уб̣б̣ижаарид̇ад̇д̇аад̇и иминаа гзвалам̣ г̇ихисанд̇агабхаавзна тид̇з д̣̇уб̣б̣ижаарид̇амад̇д̇ам̣ вуд̇д̇ам̣, на руубияасам̣вохаараабаж̇ж̇анам̣, д̇асмаа руубияасам̣вохаараабхаавад̇о со бад̇д̇о ниссаж̇ж̇ид̇ум̣ на саггаад̇и д̇асса на габбад̇и, аниссадтоби ан̃н̃зсам̣ габбад̇и. аниссадтассзва жа ан̃н̃зсам̣ габбияабхаавад̣̇ассанад̇т̇ам̣ ‘махаасумад̇т̇зрасса гираа’д̇иаад̣̇ивад̇т̇ууни уд̣̇аахадаани. сан̇гхасса ниссаж̇ж̇ийд̇и ид̣̇ан̃жа ан̃н̃зсам̣ габбияад̇д̇аа гзвалам̣ сан̇гхасса барижжад̇д̇абхаавам̣ санд̇хааяа вуд̇д̇ам̣, на бана винаяагаммавасзна сан̇гхасса ниссадтабхаавам̣. имасса жа ад̇т̇асса саббисса буурзд̇ваад̇и ид̣̇ам̣ важанам̣ саад̇хага’’нд̇и вад̣̇анд̇и.
Dubbicāritattāti iminā rūpiyasaṃvohāro anena katoti dasseti. Aññesaṃ pana vaṭṭatīti yasmānena rūpiyasaṃvohāramattameva kataṃ, na mūlaṃ sampaṭicchitaṃ, tasmā vinayakammavasena saṅghassa nissaṭṭhakālato paṭṭhāya aññesaṃ vaṭṭati. Imasmiṃyeva ca atthe pamāṇaṃ dassento ‘‘mahāsumattherassa kirā’’tiādimāha. Apare pana ‘‘dubbicāritattāti iminā kevalaṃ gihisantakabhāvena ṭhite dubbicāritamattaṃ vuttaṃ, na rūpiyasaṃvohārāpajjanaṃ, tasmā rūpiyasaṃvohārābhāvato so patto nissajjituṃ na sakkāti tassa na kappati, anissaṭṭhopi aññesaṃ kappati. Anissaṭṭhasseva ca aññesaṃ kappiyabhāvadassanatthaṃ ‘mahāsumattherassa kirā’tiādivatthūni udāhaṭāni. Saṅghassa nissajjīti idañca aññesaṃ kappiyattā kevalaṃ saṅghassa pariccattabhāvaṃ sandhāya vuttaṃ, na pana vinayakammavasena saṅghassa nissaṭṭhabhāvaṃ. Imassa ca atthassa sappissa pūretvāti idaṃ vacanaṃ sādhaka’’nti vadanti.
591. руубияабадиг̇г̇ахан̣аруубияасам̣вохаарзсу язна згзгамзва гад̇ам̣, д̇зна д̇ад̇т̇а д̇ад̇т̇а вуд̇д̇анаязнзва ниссаж̇ж̇ид̇аб̣б̣ам̣. язна бана бадиг̇г̇ахид̇аруубиязнзва сам̣вохааро гад̇о, д̇зна гат̇ам̣ ниссаж̇ж̇ид̇аб̣б̣анд̇и? наяид̣̇ам̣ д̣̇уггарам̣, ‘‘ахам̣, бханд̇з, наанаббагаарагам̣ руубияасам̣вохаарам̣ самаабаж̇ж̇и’’нд̇и звамзва ниссаж̇ж̇ид̇аб̣б̣ам̣. ‘‘имасмим̣ сигкаабад̣̇зби ‘аруубияз руубияасан̃н̃ий, аабад̇д̇и д̣̇уггадассаа’д̇иаад̣̇ид̇д̇игасса авасаанабад̣̇з анаабад̇д̇ияаа вуд̇д̇ад̇д̇аа габбияавад̇т̇увасзнзва ид̣̇ам̣ д̇игам̣ вуд̇д̇а’’нд̇и д̇ийсуби г̇ан̣тибад̣̇зсу вуд̇д̇ам̣. гзжи бана ‘‘аруубияаг̇г̇ахан̣зна габбияавад̇т̇уд̣̇уггадавад̇т̇уунам̣ сан̇г̇аход̇и буримабад̣̇ад̣̇ваяам̣ габбияавад̇т̇уд̣̇уггадавад̇т̇уунам̣ васзна вуд̇д̇ам̣, авасаанабад̣̇амзва габбияавад̇т̇увасзна вуд̇д̇а’’нд̇и вад̣̇анд̇и, д̇ам̣ на яуж̇ж̇ад̇и анаабад̇д̇имиссид̇з авасаанад̇д̇игз сан̃н̃аанаанад̇д̇ам̣ табзд̇ваа вад̇т̇унаанад̇д̇асса абхаавад̇о. д̣̇уггадавад̇т̇унаа бана д̣̇уггадавад̇т̇уно жзд̇аабанам̣ нзва ид̇ха, на д̇ад̇т̇а баал̣ияам̣ вуд̇д̇анд̇и важанамзд̇т̇а саад̇хагам̣. яам̣ ад̇д̇ано д̇ханзна баривад̇д̇ад̇и, д̇асса ваа д̇ханасса ваа руубияабхааво жзва, баривад̇д̇анан̃жаад̇и имаанзд̇т̇а д̣̇вз ан̇г̇аани.
591. Rūpiyapaṭiggahaṇarūpiyasaṃvohāresu yena ekekameva kataṃ, tena tattha tattha vuttanayeneva nissajjitabbaṃ. Yena pana paṭiggahitarūpiyeneva saṃvohāro kato, tena kathaṃ nissajjitabbanti? Nayidaṃ dukkaraṃ, ‘‘ahaṃ, bhante, nānappakārakaṃ rūpiyasaṃvohāraṃ samāpajji’’nti evameva nissajjitabbaṃ. ‘‘Imasmiṃ sikkhāpadepi ‘arūpiye rūpiyasaññī, āpatti dukkaṭassā’tiādittikassa avasānapade anāpattiyā vuttattā kappiyavatthuvaseneva idaṃ tikaṃ vutta’’nti tīsupi gaṇṭhipadesu vuttaṃ. Keci pana ‘‘arūpiyaggahaṇena kappiyavatthudukkaṭavatthūnaṃ saṅgahoti purimapadadvayaṃ kappiyavatthudukkaṭavatthūnaṃ vasena vuttaṃ, avasānapadameva kappiyavatthuvasena vutta’’nti vadanti, taṃ na yujjati anāpattimissite avasānattike saññānānattaṃ ṭhapetvā vatthunānattassa abhāvato. Dukkaṭavatthunā pana dukkaṭavatthuno cetāpanaṃ neva idha, na tattha pāḷiyaṃ vuttanti vacanamettha sādhakaṃ. Yaṃ attano dhanena parivattati, tassa vā dhanassa vā rūpiyabhāvo ceva, parivattanañcāti imānettha dve aṅgāni.
руубияасам̣вохаарасигкаабад̣̇аван̣н̣анаа нидтид̇аа.
Rūpiyasaṃvohārasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. руубияасам̣вохаарасигкаабад̣̇ам̣ • 9. Rūpiyasaṃvohārasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. руубияасам̣вохаарасигкаабад̣̇аван̣н̣анаа • 9. Rūpiyasaṃvohārasikkhāpadavaṇṇanā
