| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
১৬. সোল়সমৰগ্গো
16. Soḷasamavaggo
(১৬১) ৬. রূপং সহেতুকন্তিকথা
(161) 6. Rūpaṃ sahetukantikathā
৭৫৭. রূপং সহেতুকন্তি? আমন্তা। অলোভহেতুনাতি? ন হেৰং ৰত্তব্বে…পে॰… অদোসহেতুনাতি …পে॰… অমোহহেতুনাতি…পে॰… লোভহেতুনা…পে॰… দোসহেতুনা…পে॰… মোহহেতুনাতি? ন হেৰং ৰত্তব্বে…পে॰…।
757. Rūpaṃ sahetukanti? Āmantā. Alobhahetunāti? Na hevaṃ vattabbe…pe… adosahetunāti …pe… amohahetunāti…pe… lobhahetunā…pe… dosahetunā…pe… mohahetunāti? Na hevaṃ vattabbe…pe….
রূপং সহেতুকন্তি? আমন্তা। সারম্মণং, অত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰… ননু অনারম্মণং, নত্থি তস্স আৰট্টনা…পে॰… পণিধীতি? আমন্তা। হঞ্চি অনারম্মণং, নত্থি তস্স আৰট্টনা…পে॰… পণিধি, নো চ ৰত রে ৰত্তব্বে – ‘‘রূপং সহেতুক’’ন্তি।
Rūpaṃ sahetukanti? Āmantā. Sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… nanu anārammaṇaṃ, natthi tassa āvaṭṭanā…pe… paṇidhīti? Āmantā. Hañci anārammaṇaṃ, natthi tassa āvaṭṭanā…pe… paṇidhi, no ca vata re vattabbe – ‘‘rūpaṃ sahetuka’’nti.
৭৫৮. অলোভো সহেতুকো সারম্মণো, অত্থি তস্স আৰট্টনা…পে॰… পণিধীতি? আমন্তা। রূপং সহেতুকং সারম্মণং, অত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰… অদোসো সহেতুকো…পে॰… অমোহো… সদ্ধা… ৰীরিযং… সতি… সমাধি… পঞ্ঞা… লোভো… দোসো… মোহো… মানো… দিট্ঠি… ৰিচিকিচ্ছা… থিনং… উদ্ধচ্চং… অহিরিকং… অনোত্তপ্পং সহেতুকং সারম্মণং, অত্থি তস্স আৰট্টনা…পে॰… পণিধীতি? আমন্তা। রূপং সহেতুকং সারম্মণং, অত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰…।
758. Alobho sahetuko sārammaṇo, atthi tassa āvaṭṭanā…pe… paṇidhīti? Āmantā. Rūpaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe… adoso sahetuko…pe… amoho… saddhā… vīriyaṃ… sati… samādhi… paññā… lobho… doso… moho… māno… diṭṭhi… vicikicchā… thinaṃ… uddhaccaṃ… ahirikaṃ… anottappaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Āmantā. Rūpaṃ sahetukaṃ sārammaṇaṃ, atthi tassa āvaṭṭanā…pe… paṇidhīti? Na hevaṃ vattabbe…pe….
রূপং সহেতুকং অনারম্মণং, নত্থি তস্স আৰট্টনা…পে॰… পণিধীতি? আমন্তা। অলোভো সহেতুকো অনারম্মণো, নত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰… রূপং সহেতুকং অনারম্মণং, নত্থি তস্স আৰট্টনা…পে॰… পণিধীতি? আমন্তা। অদোসো সহেতুকো…পে॰… অনোত্তপ্পং সহেতুকং অনারম্মণং, নত্থি তস্স আৰট্টনা…পে॰… পণিধীতি? ন হেৰং ৰত্তব্বে…পে॰…।
Rūpaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Āmantā. Alobho sahetuko anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe… rūpaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Āmantā. Adoso sahetuko…pe… anottappaṃ sahetukaṃ anārammaṇaṃ, natthi tassa āvaṭṭanā…pe… paṇidhīti? Na hevaṃ vattabbe…pe….
৭৫৯. ন ৰত্তব্বং – ‘‘রূপং সহেতুক’’ন্তি? আমন্তা। ননু রূপং সপ্পচ্চযন্তি ? আমন্তা। হঞ্চি রূপং সপ্পচ্চযং, তেন ৰত রে ৰত্তব্বে – ‘‘রূপং সহেতুক’’ন্তি।
759. Na vattabbaṃ – ‘‘rūpaṃ sahetuka’’nti? Āmantā. Nanu rūpaṃ sappaccayanti ? Āmantā. Hañci rūpaṃ sappaccayaṃ, tena vata re vattabbe – ‘‘rūpaṃ sahetuka’’nti.
রূপং সহেতুকন্তিকথা নিট্ঠিতা।
Rūpaṃ sahetukantikathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৫. রূপং হেতূতিকথাৰণ্ণনা • 5. Rūpaṃ hetūtikathāvaṇṇanā
