| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ರೇಣುಪೂಜಕತ್ಥೇರಅಪದಾನಂ
10. Reṇupūjakattheraapadānaṃ
೬೨.
62.
‘‘ಸುವಣ್ಣವಣ್ಣಂ ಸಮ್ಬುದ್ಧಂ, ಸತರಂಸಿಂವ ಭಾಣುಮಂ।
‘‘Suvaṇṇavaṇṇaṃ sambuddhaṃ, sataraṃsiṃva bhāṇumaṃ;
ಓಭಾಸೇನ್ತಂ ದಿಸಾ ಸಬ್ಬಾ, ಉಳುರಾಜಂವ ಪೂರಿತಂ॥
Obhāsentaṃ disā sabbā, uḷurājaṃva pūritaṃ.
೬೩.
63.
‘‘ಪುರಕ್ಖತಂ ಸಾವಕೇಹಿ, ಸಾಗರೇಹೇವ ಮೇದನಿಂ।
‘‘Purakkhataṃ sāvakehi, sāgareheva medaniṃ;
ನಾಗಂ ಪಗ್ಗಯ್ಹ ರೇಣೂಹಿ, ವಿಪಸ್ಸಿಸ್ಸಾಭಿರೋಪಯಿಂ॥
Nāgaṃ paggayha reṇūhi, vipassissābhiropayiṃ.
೬೪.
64.
‘‘ಏಕನವುತಿತೋ ಕಪ್ಪೇ, ಯಂ ರೇಣುಮಭಿರೋಪಯಿಂ।
‘‘Ekanavutito kappe, yaṃ reṇumabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಬುದ್ಧಪೂಜಾಯಿದಂ ಫಲಂ॥
Duggatiṃ nābhijānāmi, buddhapūjāyidaṃ phalaṃ.
೬೫.
65.
‘‘ಪಣ್ಣತಾಲೀಸಿತೋ ಕಪ್ಪೇ, ರೇಣು ನಾಮಾಸಿ ಖತ್ತಿಯೋ।
‘‘Paṇṇatālīsito kappe, reṇu nāmāsi khattiyo;
ಸತ್ತರತನಸಮ್ಪನ್ನೋ, ಚಕ್ಕವತ್ತೀ ಮಹಬ್ಬಲೋ॥
Sattaratanasampanno, cakkavattī mahabbalo.
೬೬.
66.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ರೇಣುಪೂಜಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā reṇupūjako thero imā gāthāyo abhāsitthāti.
ರೇಣುಪೂಜಕತ್ಥೇರಸ್ಸಾಪದಾನಂ ದಸಮಂ।
Reṇupūjakattherassāpadānaṃ dasamaṃ.
ಭಿಕ್ಖದಾಯಿವಗ್ಗೋ ಏಕಾದಸಮೋ।
Bhikkhadāyivaggo ekādasamo.
ತಸ್ಸುದ್ದಾನಂ –
Tassuddānaṃ –
ಭಿಕ್ಖದಾಯೀ ಞಾಣಸಞ್ಞೀ, ಹತ್ಥಿಯೋ ಪದಪೂಜಕೋ।
Bhikkhadāyī ñāṇasaññī, hatthiyo padapūjako;
ಮುಟ್ಠಿಪುಪ್ಫೀ ಉದಕದೋ, ನಳಮಾಲಿ ಉಪಟ್ಠಕೋ।
Muṭṭhipupphī udakado, naḷamāli upaṭṭhako;
ಬಿಳಾಲಿದಾಯೀ ರೇಣು ಚ, ಗಾಥಾಯೋ ಛ ಚ ಸಟ್ಠಿ ಚ॥
Biḷālidāyī reṇu ca, gāthāyo cha ca saṭṭhi ca.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧೦. ರೇಣುಪೂಜಕತ್ಥೇರಅಪದಾನವಣ್ಣನಾ • 10. Reṇupūjakattheraapadānavaṇṇanā
