| Library / Tipiṭaka / ཏིཔིཊཀ • Tipiṭaka / ཁུདྡསིཀྑཱ-མཱུལསིཀྑཱ • Khuddasikkhā-mūlasikkhā |
༤. རཛནནིདྡེསཝཎྞནཱ
4. Rajananiddesavaṇṇanā
༥༨. ཨིདཱནི ཏེསཾ ཙཱིཝརཱནཾ རཛནཝིདྷཱནཾ དསྶེཏུཾ ‘‘རཛནཱནི ཙཱ’’ཏི ཝུཏྟཾ། ཏཏྠ ‘‘ཨནུཛཱནཱམི, བྷིཀྑཝེ, ཚ རཛནཱནི མཱུལརཛནཾ ཁནྡྷརཛནཾ ཏཙརཛནཾ པཏྟརཛནཾ པུཔྥརཛནཾ ཕལརཛན’’ནྟི (མཧཱཝ॰ ༣༤༤) ཨེཝཾ བྷགཝཏཱ ཨནུཉྙཱཏཏྟཱ ‘‘ཚཔྤཀཱརཱནི ཨནུཉྙཱཏཱནི སཏྠུནཱ’’ཏི ཝུཏྟཾ།
58. Idāni tesaṃ cīvarānaṃ rajanavidhānaṃ dassetuṃ ‘‘rajanāni cā’’ti vuttaṃ. Tattha ‘‘anujānāmi, bhikkhave, cha rajanāni mūlarajanaṃ khandharajanaṃ tacarajanaṃ pattarajanaṃ puppharajanaṃ phalarajana’’nti (mahāva. 344) evaṃ bhagavatā anuññātattā ‘‘chappakārāni anuññātāni satthunā’’ti vuttaṃ.
༥༩. ཏཏྠ མཱུལེཏི མཱུལརཛནེཏི ཨཏྠོ། ཧལིདྡིཾ ཝིཝཛྫིཡ སབྦཾ ལབྦྷནྟི སམྦནྡྷོ། ཨེཝཾ སེསེསུཔི། ཏུངྒཧཱརཀོ ནཱམ ཨེཀོ སཀཎྚཀརུཀྑོ, ཏསྶ ཧརིཏཱལཝཎྞཾ ཁནྡྷརཛནཾ ཧོཏི། གིཧིཔརིབྷུཏྟཾ པན ཨལླིཔཏྟེན ཨེཀཝཱརཾ རཛིཏུཾ ཝཊྚཏི། ཕལརཛནེ ཨཀཔྤིཡཾ ནཱམ ནཏྠི, སབྦཾ ཝཊྚཏཱིཏི། རཛནཝིནིཙྪཡོ།
59. Tattha mūleti mūlarajaneti attho. Haliddiṃ vivajjiya sabbaṃ labbhanti sambandho. Evaṃ sesesupi. Tuṅgahārako nāma eko sakaṇṭakarukkho, tassa haritālavaṇṇaṃ khandharajanaṃ hoti. Gihiparibhuttaṃ pana allipattena ekavāraṃ rajituṃ vaṭṭati. Phalarajane akappiyaṃ nāma natthi, sabbaṃ vaṭṭatīti. Rajanavinicchayo.
རཛནནིདྡེསཝཎྞནཱ ནིཊྛིཏཱ།
Rajananiddesavaṇṇanā niṭṭhitā.
