| Library / Tipiṭaka / តិបិដក • Tipiṭaka / ខុទ្ទសិក្ខា-មូលសិក្ខា • Khuddasikkhā-mūlasikkhā |
៤. រជននិទ្ទេសវណ្ណនា
4. Rajananiddesavaṇṇanā
៥៨. ឥទានិ តេសំ ចីវរានំ រជនវិធានំ ទស្សេតុំ ‘‘រជនានិ ចា’’តិ វុត្តំ។ តត្ថ ‘‘អនុជានាមិ, ភិក្ខវេ, ឆ រជនានិ មូលរជនំ ខន្ធរជនំ តចរជនំ បត្តរជនំ បុប្ផរជនំ ផលរជន’’ន្តិ (មហាវ. ៣៤៤) ឯវំ ភគវតា អនុញ្ញាតត្តា ‘‘ឆប្បការានិ អនុញ្ញាតានិ សត្ថុនា’’តិ វុត្តំ។
58. Idāni tesaṃ cīvarānaṃ rajanavidhānaṃ dassetuṃ ‘‘rajanāni cā’’ti vuttaṃ. Tattha ‘‘anujānāmi, bhikkhave, cha rajanāni mūlarajanaṃ khandharajanaṃ tacarajanaṃ pattarajanaṃ puppharajanaṃ phalarajana’’nti (mahāva. 344) evaṃ bhagavatā anuññātattā ‘‘chappakārāni anuññātāni satthunā’’ti vuttaṃ.
៥៩. តត្ថ មូលេតិ មូលរជនេតិ អត្ថោ។ ហលិទ្ទិំ វិវជ្ជិយ សព្ពំ លព្ភន្តិ សម្ពន្ធោ។ ឯវំ សេសេសុបិ។ តុង្គហារកោ នាម ឯកោ សកណ្ដករុក្ខោ, តស្ស ហរិតាលវណ្ណំ ខន្ធរជនំ ហោតិ។ គិហិបរិភុត្តំ បន អល្លិបត្តេន ឯកវារំ រជិតុំ វដ្ដតិ។ ផលរជនេ អកប្បិយំ នាម នត្ថិ, សព្ពំ វដ្ដតីតិ។ រជនវិនិច្ឆយោ។
59. Tattha mūleti mūlarajaneti attho. Haliddiṃ vivajjiya sabbaṃ labbhanti sambandho. Evaṃ sesesupi. Tuṅgahārako nāma eko sakaṇṭakarukkho, tassa haritālavaṇṇaṃ khandharajanaṃ hoti. Gihiparibhuttaṃ pana allipattena ekavāraṃ rajituṃ vaṭṭati. Phalarajane akappiyaṃ nāma natthi, sabbaṃ vaṭṭatīti. Rajanavinicchayo.
រជននិទ្ទេសវណ្ណនា និដ្ឋិតា។
Rajananiddesavaṇṇanā niṭṭhitā.
