| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༨. པོཏྠཀསུཏྟཝཎྞནཱ
8. Potthakasuttavaṇṇanā
༡༠༠. ཨཊྛམེ ནཝོཏི ཀརཎཾ ཨུཔཱདཱཡ ཝུཙྩཏི། པོཏྠཀོཏི ཝཱཀམཡཝཏྠཾ། མཛ྄ཛྷིམོཏི པརིབྷོགམཛ྄ཛྷིམོ། ཛིཎྞོཏི པརིབྷོགཛིཎྞོ། ཨུཀྑལིཔརིམཛྫནནྟི ཨུཀྑལིཔརིཔུཉྪནཾ དུསྶཱིལོཏི ནིསྶཱིལོ། དུབྦཎྞཏཱཡཱཏི གུཎཝཎྞཱབྷཱཝེན དུབྦཎྞཏཱཡ། དིཊྛཱནུགཏིཾ ཨཱཔཛྫནྟཱིཏི ཏེན ཀཏཾ ཨནུཀརོནྟི། ན མཧཔྥལཾ ཧོཏཱིཏི ཝིཔཱཀཕལེན མཧཔྥལཾ ན ཧོཏི། ན མཧཱནིསཾསནྟི ཝིཔཱཀཱནིསཾསེནེཝ ན མཧཱནིསཾསཾ། ཨཔྤགྒྷཏཱཡཱཏི ཝིཔཱཀགྒྷེན ཨཔྤགྒྷཏཱཡ། ཀཱསིཀཾ ཝཏྠནྟི ཏཱིཧི ཀཔྤཱསཨཾསཱུཧི སུཏྟཾ ཀནྟིཏྭཱ ཀཏཝཏྠཾ, ཏཉྩ ཁོ ཀཱསིརཊྛེཡེཝ ཨུཊྛིཏཾ། སེསཾ ཨུཏྟཱནམེཝ། སཱིལཾ པནེཏྠ མིསྶཀཾ ཀཐིཏནྟི།
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༨. པོཏྠཀསུཏྟཾ • 8. Potthakasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨. པོཏྠཀསུཏྟཝཎྞནཱ • 8. Potthakasuttavaṇṇanā
