| Library / Tipiṭaka / តិបិដក • Tipiṭaka / ចូឡនិទ្ទេសបាឡិ • Cūḷaniddesapāḷi |
១៤. បោសាលមាណវបុច្ឆា
14. Posālamāṇavapucchā
១៣៧.
137.
‘‘យោ អតីតំ អាទិសតិ, [ឥច្ចាយស្មា បោសាលោ]
‘‘Yo atītaṃ ādisati, [iccāyasmā posālo]
អនេជោ ឆិន្នសំសយោ;
Anejo chinnasaṃsayo;
បារគុំ សព្ពធម្មានំ, អត្ថិ បញ្ហេន អាគមំ។
Pāraguṃ sabbadhammānaṃ, atthi pañhena āgamaṃ.
១៣៨.
138.
‘‘វិភូតរូបសញ្ញិស្ស, សព្ពកាយប្បហាយិនោ;
‘‘Vibhūtarūpasaññissa, sabbakāyappahāyino;
អជ្ឈត្តញ្ច ពហិទ្ធា ច, នត្ថិ កិញ្ចីតិ បស្សតោ;
Ajjhattañca bahiddhā ca, natthi kiñcīti passato;
ញាណំ សក្កានុបុច្ឆាមិ, កថំ នេយ្យោ តថាវិធោ’’។
Ñāṇaṃ sakkānupucchāmi, kathaṃ neyyo tathāvidho’’.
១៣៩.
139.
‘‘វិញ្ញាណដ្ឋិតិយោ សព្ពា, [បោសាលាតិ ភគវា]
‘‘Viññāṇaṭṭhitiyo sabbā, [posālāti bhagavā]
អភិជានំ តថាគតោ;
Abhijānaṃ tathāgato;
តិដ្ឋន្តមេនំ ជានាតិ, វិមុត្តំ តប្បរាយណំ។
Tiṭṭhantamenaṃ jānāti, vimuttaṃ tapparāyaṇaṃ.
១៤០.
140.
‘‘អាកិញ្ចញ្ញសម្ភវំ ញត្វា, នន្ទី សំយោជនំ ឥតិ;
‘‘Ākiñcaññasambhavaṃ ñatvā, nandī saṃyojanaṃ iti;
ឯវមេតំ អភិញ្ញាយ, តតោ តត្ថ វិបស្សតិ;
Evametaṃ abhiññāya, tato tattha vipassati;
បោសាលមាណវបុច្ឆា ចុទ្ទសមា។
Posālamāṇavapucchā cuddasamā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ចូឡនិទ្ទេស-អដ្ឋកថា • Cūḷaniddesa-aṭṭhakathā / ១៤. បោសាលមាណវសុត្តនិទ្ទេសវណ្ណនា • 14. Posālamāṇavasuttaniddesavaṇṇanā
