| Library / Tipiṭaka / តិបិដក • Tipiṭaka / បាចិត្យាទិយោជនាបាឡិ • Pācityādiyojanāpāḷi |
៦. បិណ្ឌចារិកវត្តកថា
6. Piṇḍacārikavattakathā
៣៦៦. បិណ្ឌចារិកវត្តេ ឯវំ វិនិច្ឆយោ វេទិតព្ពោតិ យោជនា។ កប្បាសំ វា គហេត្វាតិ សម្ពន្ធោ។ យញ្ចាតិ យញ្ច កិញ្ចិ វត្ថុំ, គហេត្វាតិ សម្ពន្ធោ។ ករោន្តី ឋិតា វាតិ ករោន្តី ហុត្វា ឋិតា វា។ តន្តិ កម្មំ។ ន ច ភិក្ខាទាយិកាយាតិ ឥត្ថិលិង្គវសេន វុត្តត្តា ឥត្ថិយា ឯវ មុខំ ន ឧល្លោកេតព្ពន្តិ អត្ថំ បដិក្ខិបន្តោ អាហ ‘‘ឥត្ថី វា ហោតូ’’តិអាទិ។ ‘‘ភិក្ខាទានសមយេ’’តិ ឥមិនា អញ្ញស្មិំ សមយេ ឱលោកេន្តោបិ នត្ថិ ទោសោតិ ទស្សេតិ។ ឯកស្មិំ កាលេ ភិក្ខាយ ទទមានាយ សព្ពកាលម្បិ ន ឱលោកេតព្ពន្តិ អនិច្ឆិតត្ថំ បដិក្ខិបតិ។
366. Piṇḍacārikavatte evaṃ vinicchayo veditabboti yojanā. Kappāsaṃ vā gahetvāti sambandho. Yañcāti yañca kiñci vatthuṃ, gahetvāti sambandho. Karontī ṭhitā vāti karontī hutvā ṭhitā vā. Tanti kammaṃ. Na ca bhikkhādāyikāyāti itthiliṅgavasena vuttattā itthiyā eva mukhaṃ na ulloketabbanti atthaṃ paṭikkhipanto āha ‘‘itthī vā hotū’’tiādi. ‘‘Bhikkhādānasamaye’’ti iminā aññasmiṃ samaye olokentopi natthi dosoti dasseti. Ekasmiṃ kāle bhikkhāya dadamānāya sabbakālampi na oloketabbanti anicchitatthaṃ paṭikkhipati.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៦. បិណ្ឌចារិកវត្តកថា • 6. Piṇḍacārikavattakathā
អដ្ឋកថា • Aṭṭhakathā / វិនយបិដក (អដ្ឋកថា) • Vinayapiṭaka (aṭṭhakathā) / ចូឡវគ្គ-អដ្ឋកថា • Cūḷavagga-aṭṭhakathā / បិណ្ឌចារិកវត្តកថា • Piṇḍacārikavattakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / បិណ្ឌចារិកវត្តកថាវណ្ណនា • Piṇḍacārikavattakathāvaṇṇanā
