| Library / Tipiṭaka / តិបិដក • Tipiṭaka / អបទាន-អដ្ឋកថា • Apadāna-aṭṭhakathā |
៧. ផលទាយកត្ថេរអបទានវណ្ណនា
7. Phaladāyakattheraapadānavaṇṇanā
បព្ពតេ ហិមវន្តម្ហីតិអាទិកំ អាយស្មតោ ផលទាយកត្ថេរស្ស អបទានំ។ អយម្បិ បុរិមពុទ្ធេសុ កតកុសលសម្ភារោ តត្ថ តត្ថ ភវេ វិវដ្ដូបនិស្សយានិ បុញ្ញានិ ឧបចិនន្តោ ផុស្សស្ស ភគវតោ កាលេ ឯកស្មិំ កុលគេហេ និព្ពត្តោ សុខប្បត្តោ តំ សព្ពំ បហាយ តាបសបព្ពជ្ជំ បព្ពជិត្វា ខរាជិនចម្មធារី ហុត្វា វិហរតិ។ តស្មិញ្ច សមយេ ផុស្សំ ភគវន្តំ តត្ថ សម្បត្តំ ទិស្វា បសន្នមានសោ មធុរានិ ផលានិ គហេត្វា ភោជេសិ។ សោ តេនេវ កុសលេន ទេវលោកាទីសុ បុញ្ញសម្បត្តិយោ អនុភវិត្វា ឥមស្មិំ ពុទ្ធុប្បាទេ ឯកស្មិំ កុលគេហេ និព្ពត្តោ វុទ្ធិមន្វាយ សត្ថរិ បសីទិត្វា បព្ពជិត្វា នចិរស្សេវ អរហា អហោសិ។
Pabbate himavantamhītiādikaṃ āyasmato phaladāyakattherassa apadānaṃ. Ayampi purimabuddhesu katakusalasambhāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto sukhappatto taṃ sabbaṃ pahāya tāpasapabbajjaṃ pabbajitvā kharājinacammadhārī hutvā viharati. Tasmiñca samaye phussaṃ bhagavantaṃ tattha sampattaṃ disvā pasannamānaso madhurāni phalāni gahetvā bhojesi. So teneva kusalena devalokādīsu puññasampattiyo anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajitvā nacirasseva arahā ahosi.
៣៩. សោ អបរភាគេ អត្តនោ បុព្ពកម្មំ អនុស្សរិត្វា បុព្ពចរិតាបទានំ បកាសេន្តោ បព្ពតេ ហិមវន្តម្ហីតិអាទិមាហ។ តំ សព្ពំ ហេដ្ឋា វុត្តនយត្តា ឧត្តានត្ថមេវាតិ។
39. So aparabhāge attano pubbakammaṃ anussaritvā pubbacaritāpadānaṃ pakāsento pabbate himavantamhītiādimāha. Taṃ sabbaṃ heṭṭhā vuttanayattā uttānatthamevāti.
ផលទាយកត្ថេរអបទានវណ្ណនា សមត្តា។
Phaladāyakattheraapadānavaṇṇanā samattā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / អបទានបាឡិ • Apadānapāḷi / ៧. ផលទាយកត្ថេរអបទានំ • 7. Phaladāyakattheraapadānaṃ
