| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༢. ཕགྒུནསུཏྟཝཎྞནཱ
2. Phaggunasuttavaṇṇanā
༥༦. དུཏིཡེ སམདྷོསཱིཏི སམནྟཏོ ཨདྷོསི། སབྦབྷཱགེན པརིཕནྡནཙལནཱཀཱརེན ཨཔཙིཏིཾ དསྶེཏི། ཝཏྟཾ ཀིརེཏཾ བཱལ༹ྷགིལཱནེནཔི ཝུཌྜྷཏརཾ དིསྭཱ ཨུཊྛིཏཱཀཱརེན ཨཔཙིཏི དསྶེཏབྦཱ། ཏེན པན ‘‘མཱ ཙལི མཱ ཙལཱི’’ཏི ཝཏྟབྦོ, ཏཾ པན ཙལནཾ ཨུཊྛཱནཱཀཱརདསྶནཾ ཧོཏཱིཏི ཨཱཧ ‘‘ཨུཊྛཱནཱཀཱརཾ དསྶེཏཱི’’ཏི། སནྟིམཱནི ཨཱསནཱནཱིཏི པཋམམེཝ པཉྙཏྠཱསནཾ སནྡྷཱཡ ཝདཏི། བུདྡྷཀཱལསྨིཉྷི ཨེཀསྶཔི བྷིཀྑུནོ ཝསནཊྛཱནེ – ‘‘སཙེ སཏྠཱ ཨཱགཙྪིསྶཏི, ཨཱསནཾ པཉྙཏྟམེཝ ཧོཏཱུ’’ཏི ཨནྟམསོ ཕལཀམཏྟམྤི པཎྞསནྠཱརམཏྟམྤི པཉྙཏྟམེཝ། ཁམནཱིཡཾ ཡཱཔནཱིཡནྟི ཀཙྩི དུཀྑཾ ཁམིཏུཾ, ཨིརིཡཱཔཐཾ ཝཱ ཡཱཔེཏུཾ སཀྐཱཏི པུཙྪཏི། སཱིསཝེདནཱཏི ཀུཏོཙི ནིཀྑམིཏུཾ ཨལབྷམཱནེཧི ཝཱཏེཧི སམུཊྛཱཔིཏཱ བལཝཏིཡོ སཱིསཝེདནཱ ཧོནྟི།
56. Dutiye samadhosīti samantato adhosi. Sabbabhāgena pariphandanacalanākārena apacitiṃ dasseti. Vattaṃ kiretaṃ bāḷhagilānenapi vuḍḍhataraṃ disvā uṭṭhitākārena apaciti dassetabbā. Tena pana ‘‘mā cali mā calī’’ti vattabbo, taṃ pana calanaṃ uṭṭhānākāradassanaṃ hotīti āha ‘‘uṭṭhānākāraṃ dassetī’’ti. Santimāni āsanānīti paṭhamameva paññatthāsanaṃ sandhāya vadati. Buddhakālasmiñhi ekassapi bhikkhuno vasanaṭṭhāne – ‘‘sace satthā āgacchissati, āsanaṃ paññattameva hotū’’ti antamaso phalakamattampi paṇṇasanthāramattampi paññattameva. Khamanīyaṃ yāpanīyanti kacci dukkhaṃ khamituṃ, iriyāpathaṃ vā yāpetuṃ sakkāti pucchati. Sīsavedanāti kutoci nikkhamituṃ alabhamānehi vātehi samuṭṭhāpitā balavatiyo sīsavedanā honti.
ཕགྒུནསུཏྟཝཎྞནཱ ནིཊྛིཏཱ།
Phaggunasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. ཕགྒུནསུཏྟཾ • 2. Phaggunasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༢. ཕགྒུནསུཏྟཝཎྞནཱ • 2. Phaggunasuttavaṇṇanā
