| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
25-28. бадисамбхид̣̇аан̃аан̣анид̣̇д̣̇зсаван̣н̣анаа
25-28. Paṭisambhidāñāṇaniddesavaṇṇanā
76. бадисамбхид̣̇аан̃аан̣анид̣̇д̣̇зсз яасмаа д̇хаммз авуд̇д̇з д̇асса гижжам̣ на саггаа вад̇д̇ум̣, д̇асмаа уд̣̇д̣̇идтаанам̣ бадибаадим̣ анаад̣̇ияид̇ваа батамам̣ д̇хаммаа нид̣̇д̣̇идтаа. д̇хаммаад̣̇ийнам̣ ад̇т̇аа вуд̇д̇ааязва. сад̣̇д̇хинд̣̇рияам̣ д̇хаммод̇иаад̣̇ийхи д̇хаммасад̣̇д̣̇абарияаабаннз д̇хаммз вад̇ваа наанад̇д̇асад̣̇д̣̇асса ад̇т̇ам̣ д̣̇ассзнд̇о ан̃н̃о сад̣̇д̇хинд̣̇рияам̣ д̇хаммод̇иаад̣̇имааха. ‘‘ан̃н̃о д̇хаммо’’д̇и хи вуд̇д̇з д̇хаммаанам̣ наанад̇д̇ам̣ д̣̇ассид̇ам̣ ход̇и. бадивид̣̇ид̇аад̇и абхимукабхаавзна вид̣̇ид̇аа баагадаа наама хонд̇и. д̇зна бадисамбхид̣̇аабад̣̇асса ад̇т̇о вуд̇д̇о. ад̇химогкадто ад̇т̇од̇иаад̣̇ийхи д̇зсам̣ сад̣̇д̇хаад̣̇ийнам̣ ад̇химужжанаад̣̇игижжам̣ ад̇т̇о наамаад̇и д̣̇ассзд̇и. санд̣̇ассзд̇унд̇и барам̣ н̃аабзд̇угаамасса барам̣ санд̣̇ассзд̇ум̣. барасса бана важанам̣ сун̣анд̇ассааби лаб̣бхад̇иязва. б̣яан̃ж̇ананируд̇д̇аабхилаабаад̇и наамаб̣яан̃ж̇анам̣ нааманируд̇д̇и наамаабхилаабо. нааман̃хи ад̇т̇ам̣ б̣яан̃ж̇аяад̇ийд̇и б̣яан̃ж̇анам̣, ‘‘сан̇кад̇амабхисан̇каронд̇ийд̇и ко, бхигкавз, д̇асмаа сан̇каараад̇и вужжанд̇ий’’д̇и (сам̣. ни. 3.79) звам̣ нид̣̇д̇хаарзд̇ваа сахзд̇угам̣ гад̇ваа вужжамаанад̇д̇аа нируд̇д̇и, абхилабийяад̇и зд̇зна ад̇т̇од̇и абхилаабод̇и вужжад̇и.
76. Paṭisambhidāñāṇaniddese yasmā dhamme avutte tassa kiccaṃ na sakkā vattuṃ, tasmā uddiṭṭhānaṃ paṭipāṭiṃ anādiyitvā paṭhamaṃ dhammā niddiṭṭhā. Dhammādīnaṃ atthā vuttāyeva. Saddhindriyaṃ dhammotiādīhi dhammasaddapariyāpanne dhamme vatvā nānattasaddassa atthaṃ dassento añño saddhindriyaṃ dhammotiādimāha. ‘‘Añño dhammo’’ti hi vutte dhammānaṃ nānattaṃ dassitaṃ hoti. Paṭividitāti abhimukhabhāvena viditā pākaṭā nāma honti. Tena paṭisambhidāpadassa attho vutto. Adhimokkhaṭṭho atthotiādīhi tesaṃ saddhādīnaṃ adhimuccanādikiccaṃ attho nāmāti dasseti. Sandassetunti paraṃ ñāpetukāmassa paraṃ sandassetuṃ. Parassa pana vacanaṃ suṇantassāpi labbhatiyeva. Byañjananiruttābhilāpāti nāmabyañjanaṃ nāmanirutti nāmābhilāpo. Nāmañhi atthaṃ byañjayatīti byañjanaṃ, ‘‘saṅkhatamabhisaṅkharontīti kho, bhikkhave, tasmā saṅkhārāti vuccantī’’ti (saṃ. ni. 3.79) evaṃ niddhāretvā sahetukaṃ katvā vuccamānattā nirutti, abhilapīyati etena atthoti abhilāpoti vuccati.
нааман̃жа наамзд̇ам̣ жад̇уб̣б̣ид̇хам̣ – сааман̃н̃анаамам̣, г̇ун̣анаамам̣, гид̇д̇иманаамам̣, обабаад̇иганааманд̇и. д̇ад̇т̇а батамагаббигзсу махааж̇анзна самманнид̇ваа табид̇ад̇д̇аа ‘‘махаасаммад̇о’’д̇и ран̃н̃о наамам̣ сааман̃н̃анаамам̣. яам̣ санд̇хааяа вуд̇д̇ам̣ ‘‘махааж̇анасаммад̇од̇и ко, ваасздта, ‘махаасаммад̇о махаасаммад̇о’д̇взва батамам̣ агкарам̣ убаниб̣б̣ад̇д̇а’’нд̇и (д̣̇ий. ни. 3.131). ‘‘д̇хаммагат̇иго бам̣сугуулиго винаяад̇харо д̇ибидагад̇харо сад̣̇д̇хо сад̇о’’д̇и зваруубам̣ г̇ун̣ад̇о ааг̇ад̇анаамам̣ г̇ун̣анаамам̣. ‘‘бхаг̇аваа арахам̣ саммаасамб̣уд̣̇д̇хо’’д̇иаад̣̇ийниби д̇ат̇ааг̇ад̇асса анзгаани наамасад̇аани г̇ун̣анаамаанзва. д̇зна вуд̇д̇ам̣ –
Nāmañca nāmetaṃ catubbidhaṃ – sāmaññanāmaṃ, guṇanāmaṃ, kittimanāmaṃ, opapātikanāmanti. Tattha paṭhamakappikesu mahājanena sammannitvā ṭhapitattā ‘‘mahāsammato’’ti rañño nāmaṃ sāmaññanāmaṃ. Yaṃ sandhāya vuttaṃ ‘‘mahājanasammatoti kho, vāseṭṭha, ‘mahāsammato mahāsammato’tveva paṭhamaṃ akkharaṃ upanibbatta’’nti (dī. ni. 3.131). ‘‘Dhammakathiko paṃsukūliko vinayadharo tipiṭakadharo saddho sato’’ti evarūpaṃ guṇato āgatanāmaṃ guṇanāmaṃ. ‘‘Bhagavā arahaṃ sammāsambuddho’’tiādīnipi tathāgatassa anekāni nāmasatāni guṇanāmāneva. Tena vuttaṃ –
‘‘асан̇кязяяаани наамаани, саг̇ун̣зна махзсино;
‘‘Asaṅkhyeyyāni nāmāni, saguṇena mahesino;
г̇ун̣зхи наамамуд̣̇д̇хзяяам̣, аби наамасахассад̇о’’д̇и.
Guṇehi nāmamuddheyyaṃ, api nāmasahassato’’ti.
яам̣ бана ж̇аад̇асса гумаарагасса наамаг̇г̇ахан̣ад̣̇ивасз д̣̇агкин̣зяяаанам̣ саггаарам̣ гад̇ваа самийбз тид̇аа н̃аад̇агаа габбзд̇ваа багаббзд̇ваа ‘‘аяам̣ асуго наамаа’’д̇и наамам̣ гаронд̇и, ид̣̇ам̣ гид̇д̇иманаамам̣. яаа бана буримабан̃н̃ад̇д̇и абарабан̃н̃ад̇д̇ияам̣ бад̇ад̇и, буримавохааро бажчимавохаарз бад̇ад̇и. сзяяат̇ид̣̇ам̣, буримагаббзби жанд̣̇о жанд̣̇оязва наама, зд̇арахиби жанд̣̇оязва. ад̇ийд̇з суурияо, самуд̣̇д̣̇о, бат̇авий, баб̣б̣ад̇о баб̣б̣ад̇оязва наама, зд̇арахиби баб̣б̣ад̇оязваад̇и, ид̣̇ам̣ обабаад̇иганаамам̣. ид̣̇ам̣ жад̇уб̣б̣ид̇хамби наамам̣ згам̣ наамамзва ход̇и , д̇ам̣ логасан̇гзд̇амад̇д̇асид̣̇д̇хам̣ барамад̇т̇ад̇о авиж̇ж̇амаанам̣. ан̃н̃з бана ‘‘наамам̣ наама ад̇т̇аж̇од̇аго сад̣̇д̣̇о’’д̇и вад̣̇анд̇и. б̣алаб̣ож̇жхан̇г̇амаг̇г̇ан̇г̇аанам̣ вуд̇д̇анаяаанусаарзнзва ад̇т̇о взд̣̇ид̇аб̣б̣о.
Yaṃ pana jātassa kumārakassa nāmaggahaṇadivase dakkhiṇeyyānaṃ sakkāraṃ katvā samīpe ṭhitā ñātakā kappetvā pakappetvā ‘‘ayaṃ asuko nāmā’’ti nāmaṃ karonti, idaṃ kittimanāmaṃ. Yā pana purimapaññatti aparapaññattiyaṃ patati, purimavohāro pacchimavohāre patati. Seyyathidaṃ, purimakappepi cando candoyeva nāma, etarahipi candoyeva. Atīte sūriyo, samuddo, pathavī, pabbato pabbatoyeva nāma, etarahipi pabbatoyevāti, idaṃ opapātikanāmaṃ. Idaṃ catubbidhampi nāmaṃ ekaṃ nāmameva hoti , taṃ lokasaṅketamattasiddhaṃ paramatthato avijjamānaṃ. Aññe pana ‘‘nāmaṃ nāma atthajotako saddo’’ti vadanti. Balabojjhaṅgamaggaṅgānaṃ vuttanayānusāreneva attho veditabbo.
бадисамбхид̣̇аан̃аан̣анид̣̇д̣̇зсаван̣н̣анаа нидтид̇аа.
Paṭisambhidāñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 25-28. бадисамбхид̣̇аан̃аан̣анид̣̇д̣̇зсо • 25-28. Paṭisambhidāñāṇaniddeso
