| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৩. পঠমৰেদনাসুত্তং
3. Paṭhamavedanāsuttaṃ
৫২. ৰুত্তঞ্হেতং ভগৰতা, ৰুত্তমরহতাতি মে সুতং –
52. Vuttañhetaṃ bhagavatā, vuttamarahatāti me sutaṃ –
‘‘তিস্সো ইমা, ভিক্খৰে, ৰেদনা। কতমা তিস্সো? সুখা ৰেদনা, দুক্খা ৰেদনা, অদুক্খমসুখা ৰেদনা –
‘‘Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā –
ইমা খো, ভিক্খৰে, তিস্সো ৰেদনা’’তি। এতমত্থং ভগৰা অৰোচ। তত্থেতং ইতি ৰুচ্চতি –
Imā kho, bhikkhave, tisso vedanā’’ti. Etamatthaṃ bhagavā avoca. Tatthetaṃ iti vuccati –
‘‘সমাহিতো সম্পজানো, সতো বুদ্ধস্স সাৰকো।
‘‘Samāhito sampajāno, sato buddhassa sāvako;
ৰেদনা চ পজানাতি, ৰেদনানঞ্চ সম্ভৰং॥
Vedanā ca pajānāti, vedanānañca sambhavaṃ.
‘‘যত্থ চেতা নিরুজ্ঝন্তি, মগ্গঞ্চ খযগামিনং।
‘‘Yattha cetā nirujjhanti, maggañca khayagāminaṃ;
ৰেদনানং খযা ভিক্খু, নিচ্ছাতো পরিনিব্বুতো’’তি॥
Vedanānaṃ khayā bhikkhu, nicchāto parinibbuto’’ti.
অযম্পি অত্থো ৰুত্তো ভগৰতা, ইতি মে সুতন্তি। ততিযং।
Ayampi attho vutto bhagavatā, iti me sutanti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৩. পঠমৰেদনাসুত্তৰণ্ণনা • 3. Paṭhamavedanāsuttavaṇṇanā
