| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༩. པཋམཝསསུཏྟཾ
9. Paṭhamavasasuttaṃ
༤༠. ‘‘སཏྟཧི , བྷིཀྑཝེ, དྷམྨེཧི སམནྣཱགཏོ བྷིཀྑུ ཙིཏྟཾ ཝསེ 1 ཝཏྟེཏི, ནོ ཙ བྷིཀྑུ ཙིཏྟསྶ ཝསེན ཝཏྟཏི། ཀཏམེཧི སཏྟཧི? ཨིདྷ, བྷིཀྑཝེ, བྷིཀྑུ སམཱདྷིཀུསལོ ཧོཏི, སམཱདྷིསྶ སམཱཔཏྟིཀུསལོ ཧོཏི, སམཱདྷིསྶ ཋིཏིཀུསལོ ཧོཏི, སམཱདྷིསྶ ཝུཊྛཱནཀུསལོ ཧོཏི, སམཱདྷིསྶ ཀལྱཱཎཀུསལོ ཧོཏི, སམཱདྷིསྶ གོཙརཀུསལོ ཧོཏི, སམཱདྷིསྶ ཨབྷིནཱིཧཱརཀུསལོ ཧོཏི། ཨིམེཧི ཁོ, བྷིཀྑཝེ, སཏྟཧི དྷམྨེཧི སམནྣཱགཏོ བྷིཀྑུ ཙིཏྟཾ ཝསེ ཝཏྟེཏི, ནོ ཙ བྷིཀྑུ ཙིཏྟསྶ ཝསེན ཝཏྟཏཱི’’ཏི། ནཝམཾ།
40. ‘‘Sattahi , bhikkhave, dhammehi samannāgato bhikkhu cittaṃ vase 2 vatteti, no ca bhikkhu cittassa vasena vattati. Katamehi sattahi? Idha, bhikkhave, bhikkhu samādhikusalo hoti, samādhissa samāpattikusalo hoti, samādhissa ṭhitikusalo hoti, samādhissa vuṭṭhānakusalo hoti, samādhissa kalyāṇakusalo hoti, samādhissa gocarakusalo hoti, samādhissa abhinīhārakusalo hoti. Imehi kho, bhikkhave, sattahi dhammehi samannāgato bhikkhu cittaṃ vase vatteti, no ca bhikkhu cittassa vasena vattatī’’ti. Navamaṃ.
Footnotes:
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦-༡༡. དུཏིཡམིཏྟསུཏྟཱདིཝཎྞནཱ • 6-11. Dutiyamittasuttādivaṇṇanā
