| Library / Tipiṭaka / ཏིཔིཊཀ • Tipiṭaka / ཀངྑཱཝིཏརཎཱི-ཨབྷིནཝ-ཊཱིཀཱ • Kaṅkhāvitaraṇī-abhinava-ṭīkā |
༩. པརཨབྷིསཔནསིཀྑཱཔདཝཎྞནཱ
9. Paraabhisapanasikkhāpadavaṇṇanā
མནུསྶདོབྷགྒེན ཝཱཏི ‘‘ཀཱཎཱ ཧོམི, ཀུཎཱི ཧོམི, ཨིཏརཱ ཝཱ ཨཱིདིསཱ ཧོཏཱུ’’ཏིཨཱདིནཱ མནུསྶཝིརཱུཔབྷཱཝེན། ཨཏྠདྷམྨཨནུསཱསནིཔུརེཀྑཱརཱནནྟི ཨེཏྠ ཨཏྠཔུརེཀྑཱརཱཡཱཏི ཨཊྛཀཐཾ ཀཐེནྟིཡཱ། དྷམྨཔུརེཀྑཱརཱཡཱཏི པཱལི༹ཾ ཝཱཙེནྟིཡཱ། ཨནུསཱསནིཔུརེཀྑཱརཱཡཱཏི ‘‘ཨིདཱནིཔི ཏྭཾ ཨེདིསཱ, སཱདྷུ ཝིརམསྶུ, ནོ ཙེ ཝིརམསི, ཨདྡྷཱ པུན ཨེཝརཱུཔཱནི ཀམྨཱནི ཀཏྭཱ ནིརཡེ ཨུཔྤཛྫིསྶསི, ཏིརཙྪཱནཡོནིཡཱ ཨུཔྤཛྫིསྶསཱི’’ཏི (པཱཙི॰ ཨཊྛ॰ ༨༧༨) ཨེཝཾ ཨནུསཱསནིཡཾ ཋཏྭཱ ཝདནྟིཡཱ།
Manussadobhaggena vāti ‘‘kāṇā homi, kuṇī homi, itarā vā īdisā hotū’’tiādinā manussavirūpabhāvena. Atthadhammaanusāsanipurekkhārānanti ettha atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti (pāci. aṭṭha. 878) evaṃ anusāsaniyaṃ ṭhatvā vadantiyā.
པརཨབྷིསཔནསིཀྑཱཔདཝཎྞནཱ ནིཊྛིཏཱ།
Paraabhisapanasikkhāpadavaṇṇanā niṭṭhitā.
