| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๐๗. ปลาสชาตกํ (๔-๑-๗)
307. Palāsajātakaṃ (4-1-7)
๒๕.
25.
อเจตนํ พฺราหฺมณ อสฺสุณนฺตํ, ชาโน อชานนฺตมิมํ ปลาสํ;
Acetanaṃ brāhmaṇa assuṇantaṃ, jāno ajānantamimaṃ palāsaṃ;
อารทฺธวิริโย ธุวํ อปฺปมโตฺต, สุขเสยฺยํ ปุจฺฉสิ กิสฺส เหตุฯ
Āraddhaviriyo dhuvaṃ appamatto, sukhaseyyaṃ pucchasi kissa hetu.
๒๖.
26.
ทูเร สุโต เจว พฺรหา จ รุโกฺข, เทเส ฐิโต ภูตนิวาสรูโป;
Dūre suto ceva brahā ca rukkho, dese ṭhito bhūtanivāsarūpo;
ตสฺมา นมสฺสามิ อิมํ ปลาสํ, เย เจตฺถ ภูตา เต 1 ธนสฺส เหตุฯ
Tasmā namassāmi imaṃ palāsaṃ, ye cettha bhūtā te 2 dhanassa hetu.
๒๗.
27.
โส เต กริสฺสามิ ยถานุภาวํ, กตญฺญุตํ พฺราหฺมณ เปกฺขมาโน;
So te karissāmi yathānubhāvaṃ, kataññutaṃ brāhmaṇa pekkhamāno;
กถญฺหิ อาคมฺม สตํ สกาเส, โมฆานิ เต อสฺสุ ปริผนฺทิตานิฯ
Kathañhi āgamma sataṃ sakāse, moghāni te assu pariphanditāni.
๒๘.
28.
ตเสฺสส มูลสฺมิํ นิธิ นิขาโต, อทายาโท คจฺฉ ตํ อุทฺธราหีติฯ
Tassesa mūlasmiṃ nidhi nikhāto, adāyādo gaccha taṃ uddharāhīti.
ปลาสชาตกํ สตฺตมํฯ
Palāsajātakaṃ sattamaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๐๗] ๗. ปลาสชาตกวณฺณนา • [307] 7. Palāsajātakavaṇṇanā
