| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๓๓. ปกฺกโคธชาตกํ (๔-๔-๓)
333. Pakkagodhajātakaṃ (4-4-3)
๑๒๙.
129.
ตเทว เม ตฺวํ วิทิโต, วนมเชฺฌ รเถสภ;
Tadeva me tvaṃ vidito, vanamajjhe rathesabha;
ยสฺส เต ขคฺคพทฺธสฺส, สนฺนทฺธสฺส ติรีฎิโน;
Yassa te khaggabaddhassa, sannaddhassa tirīṭino;
อสฺสตฺถทุมสาขาย, ปกฺกา โคธา ปลายถฯ
Assatthadumasākhāya, pakkā godhā palāyatha.
๑๓๐.
130.
นเม นมนฺตสฺส ภเช ภชนฺตํ, กิจฺจานุกุพฺพสฺส กเรยฺย กิจฺจํ;
Name namantassa bhaje bhajantaṃ, kiccānukubbassa kareyya kiccaṃ;
นานตฺถกามสฺส กเรยฺย อตฺถํ, อสมฺภชนฺตมฺปิ น สมฺภเชยฺยฯ
Nānatthakāmassa kareyya atthaṃ, asambhajantampi na sambhajeyya.
๑๓๑.
131.
จเช จชนฺตํ วนถํ น กยิรา, อเปตจิเตฺตน น สมฺภเชยฺย;
Caje cajantaṃ vanathaṃ na kayirā, apetacittena na sambhajeyya;
ทิโช ทุมํ ขีณผลนฺติ 1 ญตฺวา, อญฺญํ สเมเกฺขยฺย มหา หิ โลโกฯ
Dijo dumaṃ khīṇaphalanti 2 ñatvā, aññaṃ samekkheyya mahā hi loko.
๑๓๒.
132.
โส เต กริสฺสามิ ยถานุภาวํ, กตญฺญุตํ ขตฺติเย 3 เปกฺขมาโน;
So te karissāmi yathānubhāvaṃ, kataññutaṃ khattiye 4 pekkhamāno;
สพฺพญฺจ เต อิสฺสริยํ ททามิ, ยสฺสิจฺฉสี ตสฺส ตุวํ ททามีติฯ
Sabbañca te issariyaṃ dadāmi, yassicchasī tassa tuvaṃ dadāmīti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๓๓] ๓. ปกฺกโคธชาตกวณฺณนา • [333] 3. Pakkagodhajātakavaṇṇanā
